今日小弟與家人出行憤怒事一則... 注意長文
話說今日想趁放假同家人去落馬州觀景台一趟，所以就渣車去，駕車既係家父，唔係小弟，但發生左件事好唔gur，最後去唔成返屋企。離開左高速公路後，附近果d路全部都掘起晒整緊路，d路牌亂七八糟，有d就畀樹遮住晒，有d就雞腸字型大小，仲要臨到路口先睇倒。家父同我架車所有人都幫手睇d牌，但睇到頭暈眼花。去到一個迴旋處，有個路牌寫住「落馬州、深圳(皇崗)」，但後面既字被d樽遮住，只睇倒「落馬州」，於是駛左入去，入到去先睇倒寫住去深圳，咁已經太遲，咁唯有一直向前行...... 行到有個位畀人返轉頭，寫住「上水粉嶺(過境貨車)」，咁即係又唔行得啦，唯有繼續行...去到咁上下有個路牌寫住「九龍」，咁就入左去，跟住有差佬走埋來話我地入左禁區要抄牌......我同家父都好唔gur，d路牌亂咁指，d字又好似字典咁細，又畀樹遮住晒，誤導人入來，跟住抄牌.... 抄緊牌時好多人都中招，後面有好多車排住隊等抄牌，好明顯係d路牌有問題!!! 明明係禁區，但沿路完住一個禁區字眼都唔見，最明顯既都係果個被樹遮住既「深圳皇崗」路牌，係要轉左入去先睇倒!!初頭個差佬話「其實沿路都有好多路牌寫住禁區提醒駕駛者架喇」，我同家父跟住話要投訴佢，佢最後改左語氣話「其實我都知d路牌唔清楚架喇，但我地只係執法je冇辦法啦」
我對運吉同路政署班人真係非常失望，我好有感係政府有心整古我地呢班小市民，d路牌根本係誤導...
經過今日件事之後，我決定以後去到唔熟路既地方慢慢睇清楚路牌先，入錯路口隨時畀人屈...之前荃灣德士古就有新牌仔因行錯路急切線搞到炒車，我覺得唔多唔少係政府d字典路牌所致
路牌又唔清楚，入禁區段路又唔開多一兩個路口畀人返轉頭，連唯一一個返轉頭路口就寫住「上水粉嶺(過境貨車)」，即係迫我地要入錯路口就入後波!! 以後真係唔知點渣車先岩...
[ 本帖最後由 4056 於 2008-4-4 21:00 編輯 ]
回復 1# 的帖子
我建議你就唔好交張罰款, 再沿路影一次d路牌, 當然要用司機個角度, 等上庭上訴俾d相個官睇, 再去路政, 交通投訴組, 運吉, 申訴專員到投訴, 唔係班友繼續玩官僚, 香港就係咁先.:@ :@ :@ 原帖由 yoyotown 於 2008-4-4 21:01 發表 http://www.hkitalk.net/HKiTalk2/images/common/back.gif
我建議你就唔好交張罰款, 再沿路影一次d路牌, 當然要用司機個角度, 等上庭上訴俾d相個官睇, 再去路政, 交通投訴組, 運吉, 申訴專員到投訴, 唔係班友繼續玩官僚, 香港就係咁先.
:@ :@ :@ ...
唉，張罰款唔係小弟食，係家父食，佢已經決定聽日去交...
其實我都諗，如果被抄牌既係我，我好唔好同班差佬嘈好，隨時嘈多兩嘈加你罰款...... 我上星期食左張牛肉乾，上面有條條文寫住既野係話如果你有任何不滿，你可以提出上訴，但你要就上訴要要繳交額外罰款... 睇完呢句之後真係火都來埋，想燒左張野去，上訴就要交罰款，咁真係做官大晒啦!!!
經過今日件事，我覺得香港已經冇公理存在。明明咁多車都行錯路入左來，至少一分鐘一架，好明顯係路牌既問題啦，但佢都係照抄牌，而且語氣好差，好似審犯咁!! 之後家父再沿路兜多一次，發覺d路牌真係只有一個粗口可以形容(呢度唔打得)，一係就畀樹遮，唔畀樹遮就可能係錯既，一係就雞腸字，有d就唔清楚，例如寫住「落馬州」既路牌，原來係指去禁區!!乜原來去落馬州一定係去禁區？第一次知ja我，以後香港人唔好渣車去落馬州觀景台呀。點錯人入去都唔緊要，跟住唯一一個返轉頭既路寫住「上水粉嶺(過境貨車)」都夠膽死，即住迫人向前行去禁區被抄牌!!!
經過今日件事，我決定以後去到分差路口，如果d路牌一畀樹遮住睇唔清，我就會開到好慢來睇，如果都係睇唔清，例如係雞腸字，咁唯有停車睇啦!!! 冇計啦，本來渣車係應該唔好無故剎車，同埋行錯路都要冷靜，兜多個圈好過。但原來唔係架，行錯路係犯法架，d路牌指錯路/內容唔清楚而無辜被老點，甚至路牌指錯路/被樹遮住都係犯法架，我真係唔知以後渣車要點渣。入錯線要入後波??入錯線要強行切返正確路線??迴旋處要停低睇路牌??以後點渣車好呢...真係問政府先知 我而家暫時學會左既野就係以後行親新田果d，入迴旋處要以唔高於8km/h既速度來睇路牌!!
[ 本帖最後由 4056 於 2008-4-4 21:17 編輯 ] 你可以向交通投訴組投訴, 填寫以下表格:
http://www.info.gov.hk/tcu/chi/complaint/index.htm
另外我又想問下你d路程係點行, 因為據我所見,
新田交匯處一帶都有好多路牌寫住禁區提醒駕駛者. 原帖由 Seiko 於 2008-4-5 00:38 發表 http://www.hkitalk.net/HKiTalk2/images/common/back.gif
你可以向交通投訴組投訴, 填寫以下表格:
http://www.info.gov.hk/tcu/chi/complaint/index.htm
另外我又想問下你d路程係點行, 因為據我所見,
新田交匯處一帶都有好多路牌寫住禁區提醒駕駛者. ...
我唔係好識形容，但我記得臨到入禁區個迴旋處前，曾經過皇崗巴士個總站(即76K有站果度)，之後駛左上個迴旋處，在入左個個牌被樹遮住左既路口... 原帖由 4056 於 2008-4-5 01:46 發表 http://www.hkitalk.net/HKiTalk2/images/common/back.gif
我唔係好識形容，但我記得臨到入禁區個迴旋處前，曾經過皇崗巴士個總站(即76K有站果度)，之後駛左上個迴旋處，在入左個個牌被樹遮住左既路口... ...
在橋上面個迴旋處入?
我建議你不如去"生果報"度反映下啦 撇開路牌問題.... 其實唔想行錯路, 可以在元朗"僕"一部行B1線的九巴, 跟佢去到禁區前的閘位 (B1巴士入得, 冇禁區證的車唔入得) , 好像有路口右轉上山的, 該處就是"落馬洲觀景台". (搭過B1見到 :lol )
[ 本帖最後由 DD2113 於 2008-4-6 11:41 編輯 ] 個人建議係 罰款交0左就算0勒
最好係搭一次B1 將沿路有問題0既"指示牌"影低
之後連同投訴信送去交通投訴組
必要時可以同時投往各報章"服務站"(投訴版)
因為呢0的根本就係路政署+運輸署問題
PS 講起上0黎 我記得尋日搭87K往大學方向
去到大老山公路近大學站出口
"龍門架"上面塊牌只係寫「馬料水、xxx(唔記得左) | 粉嶺、上水」
去到分叉口先見到「<大學」同「<科學園」兩塊牌
仲要細細塊 0的字離遠睇同雞腸無差別
如果行唔慣呢條路一樣超級易中招/出事... 可唔可以cap 一cap 你入去o既路o既地圖出黎?
你入左禁區, 警察渣正黎做者, 你有野申辯的話, 睇下申訴專員或者傳媒之類幫唔幫到你! 原帖由 4056 於 2008-4-4 21:15 發表 http://www.hkitalk.net/HKiTalk2/images/common/back.gif
唉，張罰款唔係小弟食，係家父食，佢已經決定聽日去交...
其實我都諗，如果被抄牌既係我，我好唔好同班差佬嘈好，隨時嘈多兩嘈加你罰款...... 我上星期食左張牛肉乾，上面有條條文寫住既野係話如果你有任何不滿，你可以提出上訴，但你要就上訴要要繳交額外罰款... 睇完呢句之後真係火都來埋，想燒左張野去，上訴就要交罰款，咁真係做官大晒啦!!!
你上訴得直咪可以唔洗交!
ps 你係想入落馬洲支線管制站上o既觀鳥台?