封航同8號風球折返與否100%有關係,
澳門就係在發出8號風球的同時封了進出碼頭的航道,
既然澳門已封航,難道唔折返?
(當然,封航前一定會有足夠時間俾船公司準備)
我更加說明一樣O野,絕對唔係如你所講"無人敢迫船長",船長更加唔係大哂
[ 本帖最後由 barca_399 於 2008-4-22 19:52 編輯 ] 竟然呢個topic都會引起咁劇烈既討論
應該咁講啦, 船公司同港澳兩邊既海事當局都應該有溝通同共識應該點做
同時, 船長亦有一個責任, 就係保障乘客安全, 所以船長會根據當時既情況去做決定, 然後再告知船公司同兩邊海事當局
呢個係我既個人猜測, 可能有錯, 但發現而家社會對呢d天災既事後處理, 有少少意見
首先, 3號風球同8號風球係講緊香港普遍地區吹一定程度既強風, 可能有d地方無咁大風, 但有d地方會好大風
而出到海會係點, 大家都唔知, 同樣可能更大風, 或者可能無風, 究竟行唔行得, 係應該由船長做專業判斷
有朋友可能覺得我講完等於無講, 但其實每時每分既天氣, 我地做乘客未必清楚得過船長, 而隻船究竟頂唔頂得順呢種惡劣天氣, 亦係由船長判斷. 當然最後判斷要同公司及兩邊既海事部門溝通啦
響上面既討論, 我覺得疏忽左幾個問題
1. 香港, 澳門同船公司無可能無任何溝通
2. 封港既原則大過幾百條乘客既生命
3. 天氣既變幻莫測
有時可能8號風球, 但風響香港東面, 對西面影響唔大, 可能無咁快停航呢, 或者珠江口既風非常強勁, jetfoil都頂唔順, 港澳都掛3號風球都有可能停航架
坐得多港澳船既人都知, 秋冬天既北風強勁, 坐tricat同8系都會好搖, 當時最多掛個強烈季候風, 到時如果話港澳船停航, 難道大家都去嘈? 難道船公司唔想賺錢?
所以有時唔好用一刀切既角度去睇呢d問題, 呢d唔係我地普通人可以做決定, 亦唔係大是大非既討論題目 雖然我對charlie在#3那句"冇人可以迫到船長"未敢苟同, 但同意繼續前進定折返, 應該係由船長決定, 但必須告知港, 澳當局有關決定,等船隻去到澳門 / 返到香港後碼頭方面都可以有所配合. 如果船長決定繼續前進, 當隻船已經去到進出澳門碼頭的航道時, 就算澳門方面已經封航, 相信都唔會唔允許佢入港避風停泊.
規矩係死, 人係生ge. 我唔信一個封航決定會將一隻0係封航決定前已經出發兼且已經航行左一段時間 (例如已經航行左超過一半旅程) 的民用船隻拒諸港外.
barca_399亦都無謂針對著charlie果句"冇人迫到船長"喇, 我相信呢個討論區的會員都想像到船長0係船上有最高的權力,但亦都唔係大晒, 不過我亦都認為不論乘客抑或係港, 澳 的碼頭當局, 0係呢個情況下都應該信任船長的專業判斷,碼頭當局亦都應該根據船長的專業判斷而作出同樣專業的安排.
頁:
1
[2]