大家有無經歷過一d事，而令你改變左好多野呢？
大家有無經歷過一d事，而令你改變左好多野呢？例如：人生觀，想法，處事方式…等
我就試過幾樣：
1.一隻貓女
以前屋企附近有隻好得意既貓女，好鍾意同人玩…但係後來唔見左…再無人見過佢地，連佢既主人貼埋尋貓啟示都搵唔返…
呢件事令我知道：
珍惜眼前既野…同埋影相唔一定要好靚，只要捕捉到你想影果樣野就得喇…
2.之前同朋友既關系…
以前我一直以為…我點對人，人地就會點對我…
但係後來，我先發覺，我諗得太天真…真係朋友既…係會義無反顧咁去幫手…而唔計較任何野…唔會因為某d感情問題就搞到反晒面/口和心不和…
呢件事令我知道：
友情係好重要…同親情一樣咁緊要…愛情唔係最重要…
3.做電話調查訪問員
我之前以為我好有禮貌咁去問人野，人地就會答返我…原來唔係…
一日講同一句野咁多次真係好厭架……同埋收左工真係唔想講野…
呢件事令我知道：
下次我會盡量答人，因為…人地都有阿媽生架，下下咁cut人線真係好無品……
你地又有無試過d改變你人生觀既事呢？
歡迎討論… TL在 2005-7-10 02:01 發表:
這十年間看盡一家人經歷過非一般既生離死別,
繼而親戚關係日漸疏離, 都份外覺得欷歔.
遇到一件接一件既傷心事, 初頭都不以為然, 繼續做好自己本份, 不停激勵自己,
但係經過這些年來, 人就變得意志消沉, 好像身邊所有人和事都一一地遠離我一樣.
所以近十年所發生確實改變左我唔少, 由外而內......
笑容變成倦容, 樂觀變成悲觀, 鍾意著唔同色衫變成只愛黑白灰藍色,
多種心態、睇法亦變得模糊, 好多時唔知自己想點, 變得冇計劃,
因為覺得計劃左亦未必可以實行.
小弟o係最近五年經歷好多件傷心o既事,(同學業,愛情,$無關)
小弟同閣下一樣初頭都不以為然,
以為做好自己本份, 不停激勵自己,希望雨過天清
可惜傷心事接踵而來,人始終係有極限
又冇人可以幫到自己,同人地講又冇人明白.
個人想法亦變得負面+消極,
心態,想法同以前完全唔同,因為發覺好多時
做好哂準備同計劃,
但每次都被我控制唔到o既因素而影響,
最後咩都實現唔到,真係無奈#:-/#:-/#:-/
每當提起呢D事, 小弟想起劉卓輝先生寫o既一段歌詞
幾多天真的理想幾多找到是頹喪
沉默去迎失望幾多心中創傷
只有淡忘 從前話說要如何......
只有頑強 明日路縱會更徬徨
疲倦慣了再沒感覺...
頁:
[1]