駕第二晚都仲未算得上習慣, 覺得難都仲係正常, 學多一排上手左
就覺得其實都唔係咁難, 仲可以渣到得心應手:lol
個人小貼士﹕
1) 切忌空波滑行，會即時肥佬(但係考左車牌後可以咁做，因為可以省油)
2) 遇到不肯定的情況一定要收慢，記住﹕腳掣是你最好的朋友(當然仲有極力子)
3) 每次停下來一定要記得拉手掣、入空波
4) 望鏡時動作一定要夠大夠誇張，務求考官/教官看見
[ 本帖最後由 EV2021 於 2008-11-25 22:26 編輯 ]
我想知如果好似上面講, 考車期間溜後撞到後車,
被撞的車主有無得要求賠償的?
仲有個tips:
考車係穩陣取勝，唔好一時心急去得快，
考試其實無一個時限要你幾耐幾耐番到去，
慢慢碌車做足指定動作，個人都會定d無咁緊張。
*在下考調頭泊位都以近乎蟻躝既速度進行...加下回軑摩打手，
第3手軑果時個bumper都遮唔到路膊;P
今日油塘一take pass左，不過過程都幾驚險，最初返到黎以為肥硬。
原本編左中午考，不過早到左唔駛等，係有D唔適應(心理準備得未夠)，
不過都頂硬上(冇飲可樂:lol)，掉頭泊位已經操到好熟，加上考試之前練過，
所以輕鬆應付，之後駛出去阿sir話行一線(落鯉魚門)，出欣榮街果陣特別小心，
因為平時俾人鬧得最多就係呢個位，等到完全無車果陣先駛出去靠左，
去到茶果嶺道街口見有車落緊黎剎停部車再轉返1波等。
見冇車就落斜轉2波碌落去，按指示轉入去鯉魚門徑做掉頭，
點知一埋到去泊晒小巴，根本無位做掉頭，阿sir就落車叫小巴司機駛走，
等埋阿sir上返車先開始做三手軑掉頭，呢part對我黎講都無大問題。
因為已經泊左成堆車，要慢慢打右燈過對面線再打左燈cut返入自己果邊線，
去到祟信街街口又係要cut返入左線準備左，就係呢度差點死左，
出路口果陣有點心急，見到有部學神落緊斜都駛左出去(雖然都有一段距離)。
之後停燈位果陣見阿sir開始剔剔剔，果刻個腦已經一片空白，以為要考多次，
見佢已經唔望張list已經無晒心情，不過都係要繼續考落去。
跟住右轉入仁宇圍，由於接近食飯時間，路面比平時多行人，
有部份直情行出馬路，我就按師傅教停一停推返一波，等佢地過晒先開車，
不過行一段就有幾個人，於是開下停下開下停下，真係唔知當時阿sir點諗，
左轉沿東源街再左轉祟信街一直都無大件事，不過集中力已經下降一半，
只係個身體按平時練習o甘駕駛，去到燈位停車，起步，直路上3波，
上斜前轉返2波，跟住阿sir o係上斜指示停車考上斜起步，
果陣後面已經停左一大堆車(大部份都係學車)，應該係師傅叫唔好爬我果部車頭，
又係等到無晒車先上斜起步，比平時順利，離合器無雜聲，一路上斜俾大油轉2波，
上到頂見前面有車無轉到3波，再收慢，臨考前有道路工程更改雙白線位置，
要打右燈靠近雙白線準備轉返入高超道，睇鏡拎頭都做足晒，一直上斜去到迴旋處口，
原本可以直出，不過見有部車落緊黎都停一停推返1波，等左陣確認無車就駛出。
1號線好處就係兜完迴旋處之後唔駛cut線，一直靠右線就可以右轉返試場，
不過最後果段路都有唔少死車，又要推返1波慢慢駛過，
返到去就停車拉手掣空波熄匙推1波。
個阿sir未等我做晒已經落車走人，呢樣就係最令我以為唔合格既舉動。
之後同個師傅講返有咩地方可能會肥，佢都派定心丸俾我話未必有事，
跟住拎埋車牌身份證去拎成績單，見到張底單既副本有唔少剔，
不過望到最右下角見到兩個合格旁邊油黑左，就即係心情放鬆晒，
考牌官循例講完一大堆例牌要講之後就拎返張成績單搵師傅，
睇返張成績單其實都係岩岩合格，見到有幾項已經有兩個剔，
雖然話過左海就係神仙，不過就算真係有機會渣車都會格外小心。
總括黎講，路試真係好講運氣，路面狀況變化太多，基乎每一次行都有唔同既情況，
次次都俾師傅鬧唔同既野，不過有時運氣都係實力既一部份。
原帖由 on11358 於 2008-11-28 15:13 發表 http://hkitalk.net/HKiTalk2/images/common/back.gif
今日油塘一take pass左，不過過程都幾驚險，最初返到黎以為肥硬。
原本編左中午考，不過早到左唔駛等，係有D唔適應(心理準備得未夠)，
不過都頂硬上(冇飲可樂:lol)，掉頭泊位已經操到好熟，加上考試之前練過，
所以輕鬆應付，之後駛出 ...
恭喜哂!!:victory:
想問呀sir同你講既例牌野係...? 因我考完拎番d掛係車上既考試牌入去
就等office職員等叫名,拎完成績走人
原帖由 fm1234 於 2008-11-28 23:58 發表 http://hkitalk.net/HKiTalk2/images/common/back.gif
恭喜哂!!:victory:
想問呀sir同你講既例牌野係...? 因我考完拎番d掛係車上既考試牌入去
就等office職員等叫名,拎完成績走人
其實我唔係指考車果個阿sir，只係坐o係度登記果個職員，
都係7日後去運輸處登記之類，搞笑既係佢叫我o係張表格到填自己個名，
當時未為意係咩黎，之後佢問我你知唔知自己填左咩表格，
細心d睇原來係題名優秀考牌官選舉，見到考官個編號都填左上去，
佢話選擇性投票，既然都合格都無乜所謂，不過事實佢的確幾好，
上面都講左做掉頭果陣佢親自落車搵小巴司機駛走部車，果度都搞左幾分鐘。
原帖由 on11358 於 2008-11-29 00:29 發表 http://www.hkitalk.net/HKiTalk2/images/common/back.gif
1號線好處就係兜完迴旋處之後唔駛cut線，一直靠右線就可以右轉返試場，
不過最後果段路都有唔少死車，又要推返1波慢慢駛過，
返到去就停車拉手掣空波熄匙推1波。
一直靠右線? 唔係應該轉緊迥旋處時由右cut入左線, 一路落高超道, 左轉欣榮街後cut入右線?
原帖由 JZ3968 於 2008-11-29 23:37 發表 http://hkitalk.net/HKiTalk2/images/common/back.gif
一直靠右線? 唔係應該轉緊迥旋處時由右cut入左線, 一路落高超道, 左轉欣榮街後cut入右線?
我師傅都係o甘教，考牌官又無俾唔合格，即係無問題掛，
最緊要兜完迴旋處打返左燈入高超道右線，
當然要睇下左面有無車想兜外圍去鯉魚門道(多數都無)，
之後左轉欣榮街，右轉嘉榮街返試場，感覺上順手好多。
你果個方法我都見過有考生o甘樣做，都無問題，
不過駛入高超道之後又要打右燈cut返右線準備轉入欣榮街有點麻煩。
[ 本帖最後由 on11358 於 2008-11-30 00:45 編輯 ]
原來如此, 不過我又有D混淆, 其實入迥旋處時點樣決定靠左定靠右?
如果依我條路線, 既然落高超道係靠左, 點解入迥旋處時要靠右?
(學既時候都無為意, 無問師傅)
p.s. 各位考車的朋友其實可以睇下<考車天書>,
好多要注意事項都有講, 不過我唔知本野舊年出過後有無再update...