明愛醫院懷疑病人失救事件討論
我見都無行家發表過意見想請問大家對呢壇野發展到今日
連個報告都出埋有咩見解
個人認為
無論病人係咪真係入到去ER都會死都好
百病纏身都無得救既都好
明愛呢獲響門口都唔救既就真係好離譜:@
小弟以前都成日入明愛
我唔明以前急症實係響永康街山坡上個左樓
即係普通科格離
係幾時搬左去普通科對面架
總之個人睇完成件事
覺得十分離譜
一定要有人問責 才能熄民怨 首先, 呢件本身係不幸事件, 而問題本身在於制度..
如果你是那被詢問的職員(非醫務), 以當時情況, 會點處理?
1. 本身佢無醫學知識
2. 佢見唔到傷者, 唔知道實際位置同情況
3. 佢未遇過同類事件, 無經驗
4. 佢係有幫手聯絡等
當時咁短時間, 考慮可以好多, 如, 佢可以點叫到醫生? 叫咩醫生去幫?
駛唔駛帶一d 儀器? d 醫院儀器又可唔可以輕便帶出去? call 白車會唔會仲好?
因為救護車及救護電單車都有一定緊急救援儀器wor. 而且一般都係5-10 min到..
佢搵人落去, 可能白車都到左....
事件問題唔係在於一位職員身上, 而是對於醫院面對突發事件的制度上處理....
事後睇返, 醫院門口有人有事, 要call 白車, 當然係離譜同諷刺,
但以當時情況, 我覺得係不幸事件.. 搵人問責亦唔見到好有用...
如果問責只是為左"出氣", 都是無謂...
之前城市論壇, 有位醫生講者講得幾好, 佢提出, 現時香港緊急救援,
係由消防處負責, 而醫院則由醫管局負責, 對於緊急救援, 醫院內的
制度上係非常薄弱, 間接引起那事件處理不當... 要改善就要針對
這問題...要改善用左好耐的制度...我諗到如醫院內設立緊急電話,
及要有人負責即時的人手調動....
另外除左制度, 香港醫院硬件都有問題, 就是急證室位置.....
短期可以加多d指示, 不過長遠就要大改裝.....
[ 本帖最後由 3ASV196 於 2009-1-5 18:02 編輯 ] 今日岩岩已經出左初步調查報告
指明愛係需要負責
但係 消防處呢.....半個鐘先有白車
仲要由新界派
睇黎呢d官潦主義都係要靠民眾發聲才行 問題就晌「幾時打電話俾A&E同事」呢樣0野身上
決定0左呢件事係好事定係衰事
心臟病發 呢樣0野
係遲一分鐘先救都會出事0既急性病
(心臟停頓一分鐘 同 心臟停頓十分鐘,
邊個場面更容易死得人呢?唔需要再討論0卦)
所以,女文員君0既反應時間
就真係決定0左呢位楊老先生(病人)0既生同死
女文員君的確有打電話
不過,遲0左4-5分鐘...(樓下版友指點,先謝)
而且,最過份0既係,打0左去A&E救護車Counter
(人都晌門口啦,叫個A&E醫生走出去仲好啦~)
結果,官僚主義式(別誤會,在此本詞只係名詞一個,無批評之意)0既「左左右右叫白車」情況之下
(事實,消防署0既Call Center又點知塞車呢?
派錯其他局0既救護車引致阻延...
塞0左車先叫另一部去...
熟悉交通情況0既救護車車長,就因為上面Call Center0既指示-就咁遲到啦~)
[追加內容:原來本港救護車一向唔夠用,而派遣車輛系統更加係不時down機...
請為救護員0既絕望情形,代嘆一口氣~]
5分鐘又變成更多個5分鐘
而楊老先生(病人)就咁樣「激死」當場啦(心臟停埋~)
[請為呢位楊老先生默哀1分鐘~]
女文員君錯在唔識「執生」應變,冷淡處事
(換0左係小弟,就真係一邊要楊先生(病人之子)「咩」住楊老先生
搭lift上去A&E 0既路,一邊叫A&E醫生準備急救...[忘了楊老先生體重...見笑了])
以為晌醫院做文職,就可以將救人性命0既惻隱之心拋低[指0既係即時通知A&E]...
(唉,真係唔好話佢啦...點知真係死人先得0架
所以小弟都唔會完全怪佢0既~態度需要改善0者~)
至於另一位醫生0既出現
老實話:即時救人唔係問題所在
而係佢有無叫其他A&E 0既醫生衝出來支援呢?
(當然,小弟唔會怪佢--至少盡0左第一線0既努力先啦)
小弟相信,當時如果有同A&E交待的話...至少有張輪椅可以推來0卦?
事發後4-10分鐘去到目的地的話,又會唔會如此收場呢?)
[內容經調整,敬請原諒]
不過更令人發火0既係
醫院高層推出所謂0既「指引」(今日已經證實係子虛烏有,亂吹出來0既)
試圖掩飾「過失殺人」0既罪名
(學0左特區政府官員咁,有責就推...三司十二局長官,
呢單0野你都有份搞出0黎0架...
如果你地唔係將卸責呢回事帶入官僚文化之中
有d咁0既離奇死亡事件咩?!下樑歪,自然係上樑不正而起0既
好好反省,否則7．1肯定又試過百萬人上街...[下刪一百句])
身為醫生,救唔到人不但無一絲罪疚感,仲要話自己人無錯...文過飾非
比恐怖份子更恐怖0既竟然晌醫院,仲要係天職救人0既醫生0忝呀!
(我好驚呀~下次又唔知點樣殺人於無形啦)
事情過去啦,
小弟只望死者可以安息(來世先再見面啦~)
香港人經過呢件事之後,
慢慢戒甩「潮州音樂-自己顧自己」0既大陋習、劣根性啦
(至於醫院方面,唔需要我地鬧,
佢地可能今生今世都唔會忘記呢件死人事件
日日受其折磨,已經係醫生們最可怕0既懲罰啦...)
PS 氣上心頭,文章打得不好,見諒啦
PS2 小弟當然知道急病病人不宜多郁動
不過,緊急情況又在例外之列
(唔通因為佢心臟病發,丟佢晌火場之類0既地方等死?
急救手冊偏偏話:盡快帶病人出火警/其他危險現場!)
救人係需要冒險0架~
唔冒險送呢個病人去A&E的話,又點會以病人死亡收場呢?
(應為女文員君唔即時出手係正確0既朋友,
你地0既天良同同情心去0左邊?
唔通因為個「怕」字喪盡?
唔通因為有人「誤用」你地0既同情心而收埋?
咁就真係又一個絕望啦~)
[ 本帖最後由 LNChickenRice 於 2009-1-6 00:19 編輯 ] 原帖由 kfcsir 於 2009-1-5 18:18 發表 http://www.hkitalk.net/HKiTalk2/images/common/back.gif
今日岩岩已經出左初步調查報告
指明愛係需要負責
但係 消防處呢.....半個鐘先有白車
仲要由新界派
睇黎呢d官潦主義都係要靠民眾發聲才行
其實唔好下下用"官僚"去批評
派一架車, 遇到塞車, 即改派另一架, 咁都叫'"官僚"?
如果由架車慢慢塞咁去, 就係官僚.....香港d交通大家都清楚.... 其實,呢d野都唔係一朝一夕架喇
唔記得係救護員定ER員工出左本書,內容亦有提及
係醫院外有人要救援,俾人叫佢打999
制度一日唔改,態度仲係咁死板.再爆鑊只係遲早問題
只在乎係邊道同幾時而已.
另一方面咁睇,死者死得都唔係話冇價值既
話晒之後幾日又有幾個人心臟病發.
令醫護同市民警覺性提高左,令病人幸好保得住條命
而我相信社會所引起既輿論,唔會再有病人失救係醫院門外
既國際大笑話再次出現 人係生既制度係死既
今次事件個文職無錯之中有錯
係程序上係無錯，但係人性上錯左...