原帖由 leeyc0 於 2009-3-1 19:29 發表 http://www.hkitalk.net/HKiTalk2/images/common/back.gif
英文 paper 2？係咪指會考？
呢 D 地名, 我差唔多廿年前讀小學時已經要知啦喎...仲記得有一堂講 Diamond Hill，個老師仲專登問我地知唔知係邊度，當時我心諗，實係老師玩野，邊會係鑽石山咁簡單……:$ ...
我小一已經有，當年同學們都唔會咁大驚少怪，真係未聽過都唔敢畀人知啦，最多咪死背咗佢。
不過當年只需記地鐵站，KCR亦只有一條線，今時今日多了咁多線咁多站，係咪全部要記晒？
咁就分分鐘幾十歲老香港都答唔晒～:lol:lol
樓主間學校係邊區? 如果係九龍新界區的話, 唔知金鐘英文叫咩名真係唔出奇. 我識好多九龍新界人極少去香港島, 而香港島人又極少過九龍新界.
原帖由 Wright---AVW16 於 2009-3-1 16:43 發表 http://www.hkitalk.net/HKiTalk2/images/common/back.gif小弟的英文Paper 2課本裡，有一附頁是地鐵的線路和車站列表。上星期老師說要我們在這星期對那些車站名稱進行默書。同學們翻到那列表頁細閱，對很多英文字（例如Island Lane, Admiralty, Fortress Hill等）都感到一頭霧水（小弟 ...
咁又唔好怪人地，樓主你都串錯字啦…Island Line才對:lol
小弟能記所有市區車站的名字
但輕鐵的則一頭霧水:L
10個站我只記到2-3個:lol
不過記唔到都唔緊要
一年都撘唔夠3次:lol
其實樓主都係讀緊書, 大家同學都在學習中, 之前唔知唔緊要, 依家默完書, 咪知lor
(雖然我唔知樓主幾多年級)
p.s. 我記得小學要學地鐵站, 不過只是中文....
到中一, 我先明白Admiralty同海軍有關...
原帖由 PB602 於 2009-3-1 20:23 發表 http://www.hkitalk.net/HKiTalk2/images/common/back.gif
樓主間學校係邊區? 如果係九龍新界區的話, 唔知金鐘英文叫咩名真係唔出奇. 我識好多九龍新界人極少去香港島, 而香港島人又極少過九龍新界.
新界人對九龍、港島一定會有dd認識，
最起碼都識由太子到尖沙咀、中環至銅鑼灣嘅站
但反觀港島人就可能去觀塘、尖沙咀都覺得好遠，
有d港島人連荃灣都唔知係咩，
所以唔少港島人都將荃灣線叫做「中環線」
天水圍、元朗、上水對於有d港島人可能成世都唔會去到一次，
聽過人譏笑d港島人去日本仲多過入新界，熟識東京仲熟過香港
普遍上新界人係多d四圍去，
但可惜市區人經常以為新界人好少「出城」，
有個住紅磡嘅同我講，話我住咁遠都好少出黎、唔係好熟路架喇，
之後講開倒數又語氣好肯定話新界咁遠d人點會走出黎倒數，
聽到真係幾un耳
原帖由 3ASV196 於 2009-3-1 21:01 發表 http://www.hkitalk.net/HKiTalk2/images/common/back.gif
p.s. 我記得小學要學地鐵站, 不過只是中文....
到中一, 我先明白Admiralty同海軍有關... ...
最弊係金鐘(中文)都未聽過
原帖由 OTIS401 於 2009-3-1 20:53 發表 http://www.hkitalk.net/HKiTalk2/images/common/back.gif
小弟能記所有市區車站的名字
但輕鐵的則一頭霧水:L
10個站我只記到2-3個:lol
不過記唔到都唔緊要
一年都撘唔夠3次:lol
輕鐵就算數la．．．始終唔係重鐵，
當年小一到小三都要讀地鐵、東鐵站名，考試一定會出架（中文），
點似而家D人可以連金鐘都唔識～:L
我有個讀書玩樂樣樣都勁到屈機既朋友, 住東九龍, 平時坐地鐵出入
有一次我地約「黃大仙地鐵站等」
佢竟然話「地鐵有黃大仙站架咩?」
其他線唔識都無乜問題
無去過黃大仙都有可能, 畢竟唔係吃喝玩樂既地方
但對一個九龍東坐地鐵大既人, 觀塘線由細搭到大
就算無o係黃大仙出入過, 起碼都一定搭地鐵路過黃大仙站n次
雖然果一刻我真係覺得好驚奇, 唔知俾乜反應好
但諗深一層, 再勁既人其實都有弱點既:lol