mckhgc在 18/8/2005 00:44 發表:
咁我又問下喇，而家又一個趨勢，
就係高薪厚職既職位，如果女人多就係「男人質素差」，男人多就係「女性受歧視」，
又或者一男一女競爭升職，升男就係「歧視女性」，
升女就係個男既「唔爭氣，要怪就只可以怪自己無用」
咁唔知閣下同閣下對呢個現象又有何高見呢？
其實對於版友們同師兄們ge講法誰對誰錯
小弟都仲係唔敢肯定
好似兩邊都好似有道理
但係兩邊都好似唔arm得晒
話晒都未正式出黎做過野
所以小弟方才都只係引述師兄們ge睇法
等大家唸下有無道理je:)
其實小弟引述ge說話
唔係因為小弟覺得大家講得唔arm
唔駛勞氣:D
barking在 2005-8-17 21:15 發表:
香港很多中小型公司, 屬全女班寫字樓
男上司; 女下屬, 已成趨勢.
咁又未必! 小弟之前做兩間公司都係女波士(先旨聲明: 我唔係性別歧視) , 兩間公司我都可以話做得頗出色; 但係, 兩次被迫辭職都係因為波士心情唔靚, 睇我唔順眼喎!
kychung在 2005-8-18 00:30 發表:
arm arm同一D已經畢業ge師兄傾開呢樣野
佢覺得大家ge睇法似乎係將責任推落女性身上
當頭捧喝咁話
明明自己唔爭氣
要怪就只可以怪自己無用云云
咁閣下既言下之意係咪暗示小弟"自己唔爭氣"? 同埋"將責任推落女性身上"?
我冇"唔爭氣", 亦冇"推卸責任"咁既意思, 只怪我天生係男人, 怪我年過三十啦!
而家個社會慢慢吹起呢類唔平等既歪風, 平雞會唔做任何野之餘, 仲出言暗"寸"男士冇用, 連自己處事都唔平等!
睇怕將來大家有機會生兒育女果陣, 將D仔掉左好過......
其實，在現今高度機械化及電子化的社會，男生較壯健的生理優勢已無用武之地。男人以前要有紳士風度，係因為男人社會地位較高。依家男女「平等」，女性更處處受盡先機，我都認受不了女士再搬男人要有Gentlemen風度一套出來了。
ASV66在 2005-8-17 11:13 AM 發表:
自從8個月前辭工專心進修之後, 發覺搵工好困難, 並唔係正苦所講咁好環境......
冇錯而家打開份報紙係多左好多工比大家選擇, 但係經過小弟不下三幾百次既見工經驗所得, 勞工市場已經有咁既趨勢:
1/. 寫字樓/行政工作已經唔再接納男性, 女性工作回報進一步提高, 男性搵工, 只能夠接受輪班輪休/長時間工作/通宵工作, 或者長註內地, 除非你係碩士生, 可以勝任管理層工作, 如果唔係, 就連一份小小文員仔都未必考慮你!
2/. 男性工資進一步下降, 女性工資進一步提高; O係小弟每日閱報十多份既觀察所得, 部份男女均可既工作中, 工資幾乎可以相差一倍! 又拎番文員出黎講, 男性需負責文職工作以外, 更要負責搬運或者外勤/跑街, 甚至北上, 而工資平均只得6-7K; 女性嘛? 擔擔抬抬梗係唔使做, 人工竟然可以過萬!
小弟就曾經O係勞工署搵到一份文員, 月薪$12,000-, 而且條件亦符合, 但係通過勞工主任致電該公司負責人, 佢話:"淨係請女仔咋! 不過, 你有時間, 咪上黎見下囉!"
3/. 勞工署經常幫助一D"上左年紀"既人士搵工, 呢個係十分好既行動; 但係, 佢地舉辦既課程, 只適合40歲以上同埋完全冇技能同學識既人士而設; 但係, 現今勞工市場傾向僱用年輕人, 取其人工低同聽話, 所以超過30歲既人士, 除非有DIP或者異常專業既技能, 否則你手上有幾多張CERT都好, 只要見到你有3字頭, 你封求職信一定投籃!
除左以上既親身經歷之外, 眼見女性亦越來越吃香, 秘書, 登記護士, RECEPTIONIST一定係女士之外, 好多CUSTOMER SERVICE, 文職工作, MANAGEMENT已經唔再考慮男性, 就算女性學歷不高, 做FASHION SALES GIRL閒閒地都10K以上; 男士? 楂貨櫃楂巴士啦! 嫌時間長呀? 搬貨跟車囉! 再唔係做食蕉囉! 12粒鐘都有6K架! 不過要考牌先丫唔該!
事實上，寫字樓工作好多都係請女人多，敝公司市場部正是一個例子。今年年初，
該部門有數名資深員工離職（兩人自己開公司、一人生仔、一人去向不明），該部
門新聘用了數名新員工，全是女性。我同佢地開新account時，多口問下佢地經理點
解全請女人，佢答因為冇男人應徵，我心諗唔會掛，不過冇質疑佢。不過我發現該
幾位新員工膽子不小，九點幾返工（official 8:30），十點半仲食早餐！:lol:
另外我知道真係有職位係幾個應徵者差不多，結果請左個女人，上司係個未婚男人，
佢講過點解請個女#:P，詳情就不便多講。不過，事實上有部份工種，女人係較男人
吃香，特別係對外工作，例如營業員。
講真，我真係諗過去楂巴士！;)
ASV66在 18/8/2005 08:21 發表:
咁閣下既言下之意係咪暗示小弟"自己唔爭氣"? 同埋"將責任推落女性身上"?
我冇"唔爭氣", 亦冇"推卸責任"咁既意思, 只怪我天生係男人, 怪我年過三十啦!
而家個社 ...
小弟響上面都講左
小弟絕無針對任何人ge意思
更加無唸過要暗示D乜野
係咪兄台唸多左呢:)
睇完樓主所張貼既呢篇文章
確係令我正打算另媒高就既心當堂涼一大截
自問我呢個學歷唔算低
但係有「語言障礙」(我指係我既英文同普通話都好唔掂)
兼且又缺乏一門稍為專業d 既技能既小職員
再加上我三張野都就快到
睇黎我既前景......#:(
ASV66在 2005-8-17 02:24 PM 發表:
好開心有人同意小弟既想法!
我姨仔由今年1月至今已經轉過兩次工, 每份工都超過15K, 佢每次轉工既理由都係: "唔鍾意個老細咪唔做囉!" 最諷刺係佢既工作能力只係一般, 強項係八卦!
至於我太太嘛 ...
可否講講她們的工作職責?#8)
其實點解寫字樓多數請女人, 我問過朋友,
佢講D野我都有同感:
問下自己喜歡男同事 or 女同事多 D?
~ 如果公司只有我自己一個職員, 通常都想頭幾個同事係男性,
因為工作易投契一些, 之後, 工作上了軌道,
再請人, 到第五, 第六個......第N個之後呢?
咁我地班男人就希望新同事是女人了...多多不拒#:D
一個男人是君子, 三個男人是色鬼, 一堆男人盞打交.
[ Last edited by barking on 2005-8-18 at 22:35 ]
呢篇文應該移去 A7....