兩鐵合併,勢在必行?
兩鐵合併,是否已成定局?
對地鐵股東有無利益?
對兩鐵乘客又有無利益?
轉車或會收平D,
但我覺得維持現況最好,
起碼叫有D競爭,
而且兩鐵各有特色,運作各有不同,
因為要降低車費而合併,好像有點兒戲,
夾硬合併,我驚會有預算以外的反效果
歡迎討論 TP人在 2005-8-21 02:47 AM 發表:
兩鐵合併,
是否已成定局?
對地鐵股東有無利益?
對兩鐵乘客又有無利益?
轉車或會收平D,
但我覺得維持現況最好,
起碼叫有D競爭,
而且兩鐵各有特色,運作各有不同,
因為要降低車費而合併,好像有點兒戲,
夾 ...
其實我估地鐵根本唔會想同九鐵合併
九鐵o既包袱太大
(西鐵、馬鐵、貨運服務都係無得賺o既)
成間公司只係靠羅湖站養起成家
試問地鐵又怎會做蝕本生意呢?
不過
九鐵擁有大量土地可供發展上蓋物業
當發展物業時
又可為西鐵及馬鐵提供客源
又帶來售樓收益
地鐵都係為左物業呢樣野
先會考慮合併
一旦傾妥錢銀
合併就會立即去馬 小弟反而認為，地鐵必定希望合併，因為在海外擔任顧問時，一直不能提供城際顧問研究。
而且，兩鐵合併，不但可能令顧問服務拓展，亦有機會於國內外負責興建鐵路，只是長線投資。 kkt在 2005-8-21 03:53 AM 發表:
其實我估地鐵根本唔會想同九鐵合併
九鐵o既包袱太大
(西鐵、馬鐵、貨運服務都係無得賺o既)
成間公司只係靠羅湖站養起成家
沒辦法,其實西鐵、貨運服務(仲有輕鐵)呢D線比乜公司做都係死
(馬鐵車站位置已經OK,但客量都係一般,唔知點解,可能D人搭摜巴士)
政府興建鐵路嚴重欠缺規劃,完全無諗過D站定位會帶來幾大成本效益,
西鐵起成咁不如唔好起,現在先計劃起九龍南線,實在太遲,應該一早要咁做.
(奇想,其實可唔可以將西鐵市區部分起在荔枝角道,渡船街地底,咁做市區車站
不致於太遍遠,而且仲可以同地鐵荃灣線有競爭:lol:#;oD) 香港唔適合兩鐵大型鐵路公司係度"競爭"................ 馬鐵, 西鐵遲D如果可以join 埋入地鐵收費網
(例如$14.4-$16可以由元朗至黃大仙)
咁一定會多好多客 HY1012在 2005-8-21 17:02 發表:
馬鐵, 西鐵遲D如果可以join 埋入地鐵收費網
(例如$14.4-$16可以由元朗至黃大仙)
咁一定會多好多客
兩鐵合併後, 有關車費必定有調整的空間,
但試想想, 如果要乘客轉車又轉車, 才能到目的地,
即使車費真的比巴士便宜, 乘客亦未必會全面地使用鐵路。
就如上文所說以元朗至黃大仙為例,
先乘西鐵由元朗到美孚, 轉乘荃灣線到太子,
再轉觀塘線才到黃大仙, 這樣轉幾轉, 單是等車的時間已夠了,
相反巴士在此情況仍有一定的優勢...... proschebus在 2005-8-21 03:16 PM 發表:
沒辦法,其實西鐵、貨運服務(仲有輕鐵)呢D線比乜公司做都係死
(馬鐵車站位置已經OK,但客量都係一般,唔知點解,可能D人搭摜巴士)
政府興建鐵路嚴重欠缺規劃,完全無諗過D站定位會帶來幾大成本效益,
西鐵起成 ...
我覺得應該係：
發展新市鎮前先起鐵路 (好似東涌)，定係發展左到一定人口先起鐵路﹖
前者中，鐵路發展左，咁「市中心」就好自然建立到；
後者如果發展左，咁鐵路興建同定位可能有困難 (到時要諗地埋結構同
物業發展等問題)。
有冇可能先預留位置﹖例如屯門市中心預留左塊地去起，同埋發展新
市鎮先諗邊度主力發展，以預留位置起車站同物業，咁樣鐵路公司除
左起倒物業增加收入，舊居民都可以享有方便交通服務。
睇番西鐵個例子，以現時城市同鐵路規劃來講，西鐵客量其實正常，
一黎西鐵未去到尖沙咀，二來物業都未起 (有個板友話西鐵只係為將
來)。
講番兩鐵合併，地鐵會顧慮現時九鐵的發展。如果以乘客角度黎睇，
合併後仲有冇學生半價﹖尖東站呢o的收費會唔會重新調整﹖如果前
者優惠仍得到維持，後者鐵路公司同乘客有共識，咁合併就對乘客
有利。 Citybus10在 2005-8-21 08:14 PM 發表:
我覺得應該係：
發展新市鎮前先起鐵路 (好似東涌)，定係發展左到一定人口先起鐵路﹖
前者中，鐵路發展左，咁「市中心」就好自然建立到；
後者如果發展左，咁鐵路興建同定位可能有困難 (到時要諗地埋結構同 ...
我覺得尖東站收費唔會減 ..
反而可能沿線車費加價添呀 ..
不過而家好似講下講下都冇乜聲氣咁，
都唔知幾時先合併 .. HY4099在 2005-8-21 07:44 PM 發表:
兩鐵合併後, 有關車費必定有調整的空間,
但試想想, 如果要乘客轉車又轉車, 才能到目的地,
即使車費真的比巴士便宜, 乘客亦未必會全面地使用鐵路。
就如上文所說以元朗至黃大仙為例,
先乘西鐵由元朗到美 ...
假設沙中線東九龍段使用東西走廊模式興建，
由元朗至黃大仙，可選擇只於鑽石山轉一次車，
相信時間不比經太子轉長，甚至可能更快。
假如鑽石山的轉乘能使用當年計劃的五軌八月台方案，則更方便。
好多「假如」，兩鐵合併都重係未有好消息～