今朝搭地鐵, 停尖沙咀同金鐘站時乘客未上/落完車就關門
雖然係另一FORUM POST過,不過我想知地鐵係咪一過鐘(中途站)就要按掣關門開車,
唔理乘客係咪落晒車就關門?
睇下其他FORUM有無人熟悉地鐵D運作, 可以答一答:lol
事緣:
今日上午繁時08:2x我係九龍塘搭觀塘綫再係太子轉荃灣綫,
係太子站上車(第二卡)時都未發現車長要倉促關門,
旺角站都係, 但車門要重開一次再關門先開得車,
至於經過油麻地同佐敦站時亦都唔駛重開車門,
但去到尖沙咀站時, 唔知我坐果班車係咪已經delay得耐,
要追時間, 所以列車開門後10秒已經廣播,
未夠20秒已經按掣關門:L
結果......有不少仲上緊車的乘客俾車門夾到......
列車又要重開車門...........:Q
不過去到金鐘站仲精彩.......本身已經多人落車,
但未夠10秒就已經廣播"請勿靠近車門.....do do do........."
一廣播完又按掣關門.....我身處果一卡有乘客落唔切,
都忍唔住不滿地爆一句"搞錯啊....都未落晒":(
(佢唔係行得慢, 只係車廂太迫, 又太多人落車)
果時我心諗, 唔通呢個時候無人會用硬物或用身驅阻擋車門關閉?
點知俾我估中, 又有人俾車門夾住或有人用硬物阻擋車門關閉,
最後列車又要重開車門, 令趕唔切落車的乘客有機會落車:lol
正常情況下, 就算廣播完do do do do後,
如果仲有好多乘客未落車, 列車都唔會關門的
(早上繁時金鐘站往中環所見)
起碼要再等多8-10秒甚至播多一次"請勿靠近車門xxxx"後,
確保落晒客先關門開車,
但唔知今日做乜事, 播完一次, 仲要一播完廣播就按掣關門:L
[ 本帖最後由 ES464470X 於 2009-5-14 13:47 編輯 ] 試過一次下午繁忙時間o係九龍塘上車去旺角
不但乘客未上落完車
仲要o係毫無廣播o既情況之下關門
結果咪夾到人再開過門 原帖由 fuwing 於 2009-5-14 14:51 發表 http://hkitalk.net/HKiTalk2/images/common/back.gif
試過一次下午繁忙時間o係九龍塘上車去旺角
不但乘客未上落完車
仲要o係毫無廣播o既情況之下關門
結果咪夾到人再開過門
無廣播之下關門? 呢個仲衰:L
所以有時地鐵搞到要重開車門, 唔好只係一味話乘客衝門,
有時因為多人上落, 乘客未上落完就關門, 真係離晒譜,
唔通為左準時率99%(2分鐘誤差), 要一夠鐘就關門咩~~~
有時因為多人上落搞到列車要遲少少關門,
影響某d大站一小時內的發車數量都無計,
因為呢d根本係實際需要~ 有無可能係因為有好多人喺前面嘅站衝門延誤晒D時間，所以之後要快D開關門嚟追番D時間? 原帖由 bteonnsg 於 2009-5-14 16:50 發表 http://hkitalk.net/HKiTalk2/images/common/back.gif
有無可能係因為有好多人喺前面嘅站衝門延誤晒D時間，所以之後要快D開關門嚟追番D時間?
有可能, 否則都幾難keep住準時率99%(2分鐘誤差),
但係我有一次係非繁時坐觀塘綫由九龍灣去九龍塘,
沿途有三個站要重開車門一至兩次,
但我果班車去到九龍塘時都無減少開關門時間,
我坐果班車係九龍塘開出後,
下一班車係1分鐘後就到站(當時班次4-5分一班) 據小弟一位在港鐵工作的朋友說，現在地鐵已經是全電腦控制，包括 preset 了每站開門時間的長度。司機的工作反而是在較多人上落的情況下按制保持車門開啟，再在適當時候關門。換句話說，如果該站是 preset 了二十秒的話，司機什麼也不做電腦就會自動關門，然後自動開車。
以上來自朋友轉述，如有出入請指 :handshake 原帖由 AV115 於 2009-5-14 21:06 發表 http://www.hkitalk.net/HKiTalk2/images/common/back.gif
據小弟一位在港鐵工作的朋友說，現在地鐵已經是全電腦控制，包括 preset 了每站開門時間的長度。司機的工作反而是在較多人上落的情況下按制保持車門開啟，再在適當時候關門。換句話說，如果該站是 preset 了二十秒的話，司機什 ...
部分總站落客唔知係咪有d唔同, 例如我係上環站落車時,
果班車有乘客落得慢d, 車廂廣播完晒之後約8-10秒先關門,
所以我搭過咁多次, 幾乎未試過因為有乘客落唔切車而俾車門夾到~
(近5個月返工時間只係見過一次) 我日日搭荃灣線和觀塘線，都覺得有幾位司機好關門好離譜。
在太子、旺角、尖沙咀和金鐘等大站，
繁忙時間正常來說要30-45粆乘客才能完成上落，
但有一兩位荃灣線司機好鍾意十秒就「do」然後立即關門，
結果成日都夾到人要重開車門，慳唔到時間之餘，更加造成安全問題。
觀塘線都有一兩位司機經常亂來，
其中一位習慣無論大站抑或細站，一開門就播關門廣播，
而且一播就播兩次，真係好煩。
另外有一位好大意，經常唔記得「do」就關門，
有次有油塘站，明明乘客仍然上緊車，佢失驚無神關門，
乘客猝不勝防，差ｄ夾了在車門和月台幕門之間。
其實，現在列車已經幾乎全電腦控制，
司機最主要的職責就是控制車門開關，
如果連這基本的工作也做得不好，
港鐵是否應該考慮給他們再培訓呢？？
[ 本帖最後由 drew 於 2009-5-14 21:26 編輯 ] 原帖由 drew 於 2009-5-14 21:20 發表 http://www.hkitalk.net/HKiTalk2/images/common/back.gif
...
在太子、旺角、尖沙咀和金鐘等大站，
繁忙時間正常來說要30-45粆乘客才能完成上落，
...
重點~
荃灣綫咁多大站多人上落, 列車延誤較嚴重係好正常,
繁忙時間東鐵係某d大站都會用成40秒俾乘客上落客,
今日下午繁時我坐果班東鐵雖然已經延誤3分鐘先係尖東開出,
去到九龍塘時月台迫到水泄不通,
(前車都延誤3分鐘先開, 同再前一班車相隔5分鐘),
不過我果班車都用左成40秒俾乘客上落,
確保乘客唔會上上下車就關門
(應該係因為東鐵關門要月台長拎走鎖匙先關門:lol)
去到大圍站時都用左4x秒俾乘客落車~
(即使係九龍塘站列車要重開車門一次後先開到車) 原帖由 AV115 於 2009-5-14 21:06 發表 http://www.hkitalk.net/HKiTalk2/images/common/back.gif
據小弟一位在港鐵工作的朋友說，現在地鐵已經是全電腦控制，包括 preset 了每站開門時間的長度。司機的工作反而是在較多人上落的情況下按制保持車門開啟，再在適當時候關門。換句話說，如果該站是 preset 了二十秒的話，司機什麼也不做電腦就會自動關門，然後自動開車。
以上來自朋友轉述，如有出入請指 :handshake
不是，只是荃灣線試行到站自動開門，但關門仍是人手控制
其實市區線的時間真係好緊張，尤其繁忙時間，所以車長要跟時間去廣播關門一d都唔奇，因為每個乘客都係有一個乘車慣性，每當列車停在月台，但唔俾一個message要關門的話，乘客必然係會繼續上車，而且仲揀門上。就算市區線列車如何頻密，但好多乘依然要迫得就迫，好多時候關唔到門再開就係呢個原因...(所以車門設計都計算了向外迫時候的壓力...)
所以有留意/極多觀察的話，不是迫不得已或non-peak情況下，車門好少在重開時係全開，通常只會開半，因為好多好多乘客係會襯呢個機會迫上車，繼而都係關唔到門...(可能等一兩分鐘嚮生命中佔了佢地很多時間...)
而每班正常定點的列車，上落客都大約只有20至30秒，否則必定影響其他列車行駛。不要睇小一班列車10秒8秒的延誤，因為後果的確可以很嚴重
樓上有位人兄講
"在太子、旺角、尖沙咀和金鐘等大站，
繁忙時間正常來說要30-45粆乘客才能完成上落"
極其量，只有大約30秒，通常係唔會超過40秒，過了就已經delay
留耐少少嚮月台睇下...當果班車要重開車門，尾隨就會見到已經有車頭燈射住...尤其係你所講的大站...而且，你講的10秒就出廣播，因為好多人都知，就以上所講的原因和慣性，所以關一次門係永遠唔夠(就算等耐少少先關門)，所以一早就要預備有人繼續迫有機會重開...
其實...市區線peak hr極其量都係2分鐘一班，都唔係好耐jei...唔好夾硬迫上車，使其順利關門開車，大家都有利la...