救跳軌漢 乘客按掣衝出惹混亂
據今日(27/5)明報報導，港鐵九龍塘站昨晨有男子跳軌自殺身亡被困車底，大批乘客被困肇事列車45分鐘，有人懷疑等得不耐煩，在拯救期間自行啟動緊急開門掣，近百乘客爭相湧出車廂引起混亂。報導所述，救援人員到場後，曾要求列車「車前倒後」移位救人...... 當列車慢速移位之際，較後位置一扇車門突然打開，近百乘客衝出車廂離去。車長發現立即將車煞停，月台職員亦衝前制止，以免造成進一步傷亡事故，場面驚險。
港鐵發言人說，屬下職員以救人為首要任務，再在適當情况下疏散乘客。經初步了解，懷疑有乘客不滿被困車廂太久，在救援人員搶救時，自行用緊急開門掣打開車門離去，引起混亂。
http://hk.news.yahoo.com/article/090526/4/ce0l.html
我覺得真係非常不知所謂，點解香港人越來越沒忍耐力和諒解之心，而且實在非常危險和不負責任，尤其是列車正在移動時如似開門衝出，隨時會造成更大的意外及傷亡。
順便講句，借題發揮一下，現在香港人搭公共交通，真的越來越自私，只係顧著自己的利益，當其他人透明
就以我搭東鐵線返工的繁忙時間為例，人真的很多很迫，但自私的乘客往往做"蠟像"，不論有多少人上車，佢永遠不會移進車廂中間，郁少少都唔肯，用身體迫佢郁的時候還會同你鬥力
第二，和以上差不多，但就是免費報紙之禍，乘客為了讓自己有足夠空間打開份報紙來看，就會在自己身前預留空位，不論車廂如何的迫，也不會放棄那份報紙，講真睇少一陣唔會有問題，咪當做下好心，讓出多點空間俾隨後上車的乘客；
我覺得少左呢d"報紙位"，人人都行入少少郁少少，每度車門只少都可入多3-4個人
第三，就係"柱男/柱女"，一上車搶不到位，第二個目標就係條直身柱，雖然那條柱名叫扶手柱，但佢地唔係用手，係用自己整個背脊"艾"落去，有時還會舒舒服服的在嘆報紙，最慘係我地呢d身子矮小的，真係無得扶手，俾佢成個背脊霸晒，懶理其他乘客搖搖跌跌
呢d情況真係日日都會遇到，真係眼火爆
其實每人為身邊的人切想一下，為自己的同時，也想想別人，別為自己的自私自利而影響他人，甚至造成傷害，這樣你和我都同樣開心舒服
就著正題，也奉勸大家：隨便使用緊急設施可被罰款及監禁 如果理論成立的話，豈不緊急設施「只准港鐵職員使用，其他乘客用就會罰」？ 原帖由 UCR683 於 2009-5-27 13:17 發表 http://www.hkitalk.net/HKiTalk2/images/common/back.gif
如果理論成立的話，豈不緊急設施「只准港鐵職員使用，其他乘客用就會罰」？
可是o個時o既乘客o係非緊急時打開緊急門掣
只係為左想快d離開車廂
咁樣又何謂緊急呢? 原帖由 UCR683 於 2009-5-27 13:17 發表 http://www.hkitalk.net/HKiTalk2/images/common/back.gif
如果理論成立的話，豈不緊急設施「只准港鐵職員使用，其他乘客用就會罰」？
引述蘋果日報：
港鐵發言人認為，緊急開門掣需在車長指示下使用，為安全起見乘客切勿隨便使用。
緊急開門掣在列車停頓下，才能開啟車廂門。據港鐵附例，不恰當使用緊急設施，最高罰款 5,000元。
簡單 d 講，除非個司機死左，否則無指示下自己拉掣就係不恰當 根本抽車內部當時無危險, 就唔算係緊急情況, 咁就唔應該使用任何緊急掣.
除非車廂內有火有水等等非走不可的危險, 否則留在車廂內, 等職員安排離開係至安全. 原帖由 pstommy 於 2009-5-27 11:46 發表 http://hkitalk.net/HKiTalk2/images/common/back.gif
我覺得真係非常不知所謂，點解香港人越來越沒忍耐力和諒解之心，而且實在非常危險和不負責任，尤其是列車正在移動時如似開門衝出，隨時會造成更大的意外及傷亡。
又唔見你鬧下跳軌果個阻住全世界返工 EMPTY, SORRY
[ 本帖最後由 pstommy 於 2009-5-27 19:54 編輯 ] 原帖由 ~誰@359~ 於 2009-5-27 18:24 發表 http://www.hkitalk.net/HKiTalk2/images/common/back.gif
又唔見你鬧下跳軌果個阻住全世界返工
這是兩件事
自殺，還要選擇在鐵路跳軌，是另一種自私的行為，不過人已死，鬧都無用
不過香港有很多自私的人仍然在生，生活在你我之中，也影響著大家的生活，就不妨提出來，讓大家自我反省一下，檢討一下 原帖由 pstommy 於 2009-5-27 19:54 發表 http://hkitalk.net/HKiTalk2/images/common/back.gif
這是兩件事
自殺，還要選擇在鐵路跳軌，是另一種自私的行為，不過人已死，鬧都無用
不過香港有很多自私的人仍然在生，生活在你我之中，也影響著大家的生活，就不妨提出來，讓大家自我反省一下，檢討一下 ...
我會咁睇，唔好以為班客自私就要係咁鬧
而家呢個時勢，遲一遲到隨時會扣人工甚至畀人炒
你作為一個客，就算你好有忍耐力，忍到抽車開門
但究竟你老闆係唔係一個咁寬宏大量既人呢？
若然有人因為咁而冇左份工，後果可以好嚴重嫁喎，咁呢個代價會唔會太過大？
成日都有人話，幫得到就幫，就得到咪就下人囉
而家要concern既就係班客未必有呢個能力等到救完人為止，我就唔明點解樓主唔可以體諒埋呢樣野
所以我覺得篇文要反思既，唔係班客好自私走去禁緊急制
而係究竟當時港鐵方面可唔可以開門放客 原帖由 ~誰@359~ 於 2009-5-27 18:24 發表 http://hkitalk.net/HKiTalk2/images/common/back.gif
又唔見你鬧下跳軌果個阻住全世界返工
當有人墮軌果刻，有邊個知道佢係誤墮路軌定有心跳軌？
你唔知，我唔知，港鐵職員唔知，車上乘客唔知，
咩都唔知情況下，先想辦法救人係唔係應該比任何一切更加重要。