服務性行業是否應該以客為本？？
我任職一間超級市場，講到明係服務性行業。但宜家要我地回答客人問題時，有四樣野要講
1. 打招呼
2. 詢問客人有關產品詳細資料、帶佢去貨架並拎埋俾佢
3. 講出產品之特點、好處
4. 推介其他產品及指出其特點、好處
如果我係一個客...第3,第4個point真係唔係好想睇，尤其是什麼特點好處...而推介其他產品方面，其實可以亂嗡...(因為有神秘人會俾分，11分佔2分ga...)
但我會覺得好多野都係廢話囉,,,
既然係服務性行業，係咪應該以客為本？？講d客想聽既野算啦...特點好處，佢要買唔知咩？？
我諗現實d價錢係最重要..而推介方面，應推介d今個星期超平既野...並非求其一件貨品
(公司教我地求其講一樣野話做緊特價，有時間可以睇下..不過有95%既貨品都係「特價」...) 以客為本只係表象，所有公司，尤其是大型連鎖超市，都只係睇錢份上，
如果「看似以客為本」可以令公司有進賬的話，梗係想你多做；
如果「真心以客為本」係等於唔肯捉水魚的話，你都係另謀高就啦。
也許只有打自己工，才可以「真心以客為本」。
就算聽透明列車服務台，如果有個「乜壩」可以過濾港鐵「看似接受實質推搪」的公關言辭，我諗有80%可以cut晒佢。:lol
頁:
[1]