原帖由 ctb8107 於 2009-7-28 02:00 發表 http://www.hkitalk.net/HKiTalk2/images/common/back.gif
其實新巴唔想做將南既其中一個原因同運吉對將南強硬既保鐵行為有關 :'(
眼見新巴由2000年2月1日開始到而家愈做愈頹, 每況愈下.... 無言了!
新巴入標果陣唔知將南有地鐵架咩?
明知有個強勁對手嚮度都要死中個頭埋去, 與人無尤.
第時沙中線開埋, 連唯一金蛋796X都瓜得, 將軍都係時候投降撤兵了. :lol
原帖由 JX9097 於 2009-7-28 08:19 發表 http://www.hkitalk.net/HKiTalk2/images/common/back.gif
不過部份新巴將南路線又真係設計得差
好似796B咁...本身已經唔係好,越改就越頹
796C,796X呢d應該仲有肉食嘅
仲有將南個規劃又唔係好
住宅分散哂,每條線都要兜
原帖由 JX9097 於 2009-7-28 08:19 發表 http://hkitalk.net/HKiTalk2/images/common/back.gif
不過部份新巴將南路線又真係設計得差
好似796B咁...本身已經唔係好,越改就越頹
796C,796X呢d應該仲有肉食嘅
796C/X食極有限啦
唔係既都唔會年頭建議條S796:victory:
我就唔熟個頭既
不過新巴為佢止血都止晒
睇下有無機會退出啦
原帖由 bustop 於 2009-7-28 09:06 發表 http://www.hkitalk.net/HKiTalk2/images/common/back.gif
新巴入標果陣唔知將南有地鐵架咩?
明知有個強勁對手嚮度都要死中個頭埋去, 與人無尤.
第時沙中線開埋, 連唯一金蛋796X都瓜得, 將軍都係時候投降撤兵了. :lol ...
796X瓜唔去既
只會出現796C果款班次姐
原帖由 053h4 於 2009-7-28 10:48 發表 http://hkitalk.net/HKiTalk2/images/common/back.gif
入標知道將南有地鐵, 可是, 入標時政府話將南會高密度發展(起碼好似天水圍北咁)
可是, 而家政府大減發展密度, 人口比入標時的估計大幅減少
呢個都唔可以話係巴士公司的錯wor ...
我反而諗緊點解當年九巴咁明智唔入標?
唔通佢早知道政府會改發展密度? 定係一開始就怕左地鐵?
另外, 其實地鐵唔係"老奉"架, 有好多人中意搭巴士多d架, 只係礙於保鐵手段同埋將南既道路設計導至巴士非常唔方便, 巴士冇客於是cut班, cut下cut下變到而家咁疏, 完全0吸引力。
不過我認同將南既發展步伐太慢同埋發展密度大減先係巴士做唔起既主因
睇返將軍澳站, 到而家都只係發展左地鐵站以北既地方加個寶盈, 北面已經係九巴296系既據點, 南面就係未發展既空地, 新巴做黎做去都係'痴'住地鐵站既居民, 唔死都唔慌有肉食!
調景嶺站亦然!
原帖由 ctb8107 於 2009-7-28 12:29 發表 http://hkitalk.net/HKiTalk2/images/common/back.gif
我反而諗緊點解當年九巴咁明智唔入標?
唔通佢早知道政府會改發展密度? 定係一開始就怕左地鐵?
另外, 其實地鐵唔係"老奉"架, 有好多人中意搭巴士多d架, 只係礙於保鐵手段同埋將南既道路設計導至巴士非常唔方便, 巴 ...
我反而覺得當初新巴唔揀將南揀天水圍(有無錯?)
可能都係同一結局
新創建係養線方面真係唔係幾掂
原帖由 ctb8107 於 2009-7-28 12:29 發表 http://www.hkitalk.net/HKiTalk2/images/common/back.gif
我反而諗緊點解當年九巴咁明智唔入標?
唔通佢早知道政府會改發展密度? 定係一開始就怕左地鐵?
另外, 其實地鐵唔係"老奉"架, 有好多人中意搭巴士多d架, 只係礙於保鐵手段同埋將南既道路設計導至巴士非常唔方便, 巴 ...
有人話將軍澳南D樓分散, 道路設計差, 不過我完全唔認同.
將軍澳南人口有14萬, 扣起尚德都仲有9萬人比你慢慢做
將軍澳南住宅區只有三個地方, 就係兩個地鐵站旁同尚德.
兩個地鐵站間有一條大直路連住, 只是新巴不善用這條路.
而兜路就係新巴冇客的其中之一的原因.
原帖由 fleetline 於 2009-7-28 23:09 發表 http://hkitalk.net/HKiTalk2/images/common/back.gif
有人話將軍澳南D樓分散, 道路設計差, 不過我完全唔認同.
將軍澳南人口有14萬, 扣起尚德都仲有9萬人比你慢慢做
將軍澳南住宅區只有三個地方, 就係兩個地鐵站旁同尚德.
兩個地鐵站間有一條大直路連住, 只是新巴不善用這條路.
而兜路就係新巴冇客的其中之一的原因
你諗清楚:
1. "將軍澳南住宅區只有三個地方, 就係兩個地鐵站旁同尚德"
咁尚德有九巴, 兩個地鐵站旁又有地鐵, 你想佢去邊度搵生意?
而家情況就係: 冇錯~係有一定人口, 不過新巴既market share好細!
2. "兩個地鐵站間有一條大直路連住, 只是新巴不善用這條路"
係~ 真係有一條大直路連住, 不過你睇下d站位響邊...
假設我住君傲灣or寶盈, 地鐵站A出口過條馬路就已經直達屋苑大門, 但如果我坐巴士, 可以響正屋苑隔離落車, 不過冇門口入呢!
將軍澳中心情況更嚴重, 最近既入口(赤丸果度)都遠離寶邑路兩邊巴士站, 如果要你行去巴士站, 你行左唔夠一半路程已經到地鐵站B出口。
其實796C試過用你建議既方法, 行大直路, 結果都冇客。
點解d人咁懶唔行去寶邑路? 只要你試下烈日當空行去寶邑路巴士站就會明架喇~
果度咁荒蕪, 完全冇建築物, 除左踩單車會經過之外, 完全唔聚人, 將來寶邑路以南發展左情況至可扭轉...
但係天啊~ 新巴等左9年幾, 連一條柱都冇起過出黎!!:L