原帖由 Kaix 於 2009-11-3 15:21 發表 http://www.hkitalk.net/HKiTalk2/images/common/back.gif
次次都係咁，一有人拗唔掂就開始發悔氣同老屈
討論下ja~italk冇人拗唔掂wo~~討論呢家野始終唔會有輸贏ga~同埋唔好對號入座啦~~373你地寫出黎ga數字太準確啦幾廿個~幾廿個咁~~準確到令人覺得係時候cut班lu
既然大家立場唔同，繼續拗落去都冇意思。
不如嘗試下用唔同角度去分析 373 系全日服務
的可行性啦。
[利益申報：本人無需過海上班，假日亦甚少過海。
咁耐以來，373 系我只係來回各搭過一次]
373 轉全日最大誘因，都係因為有一程車可以直接
過海而無需轉車。加上本身路線都算直接 (373A)，
車程其實相比搭港鐵 / 港鐵轉隧巴相差無幾，甚至
373 會快些少。
最大隱憂其實上面都已經講左好多次，或者我再
嘗試整理一下吧。
1. 如果用 373 轉全日，北區的路線就與 277X 未
開線前的 70X 一樣。當年 70X 已經因為兜路而被人
詬病，如果今時今日仲用呢個定線，只係走返回頭
路。如果用 373A 轉全日，雖然路線比較直接，但
需求量成疑。粉嶺南出發 (粉嶺南係北區巴士的
糧倉)，要經上水先上公路，吸引力大減。
2. 班次，觀乎 307 都要開 30 分鐘一班，373 系
都肯定要至少半個鐘一班。如果都係開 00/30 或
15/45 分的話，都仍然有一定吸引力。否則根本冇人
咁得閒去等。
3. 大埔有唔少屋邨已落成廿多年，不少年青人已經
外出工作，甚至已有一定經濟能力。$21.2 的 307
對於中產上班族唔算貴。北區大部份屋邨都只係落成
十多年，住在當中的新一代不少仍然就讀中學，
就算已外出工作的年青人，不少都只係剛踏入社會
工作，每程 $22.3 ($21.6) 的 373 (373A) 對他們
來講負擔頗重。即使平日繁忙時間，373 系需求比
307 少都好正常。
4. 307 回程經銅鑼灣，假日可以做到唔少逛完街
回家的大埔居民。373 唔經銅鑼灣，假日只靠中環及
灣仔根本等於自殺。就算係 101 / 111，星期六晚及
假日客量都唔算高。
373 / 373A 坦白講，而家連繁忙時間的服務都做到
有點不知所謂。班次唔算疏，但係定線就完全唔知
做乜。轉全日之前，我認為做以下改善措施更重要。
1. 盡快將 373A 打回原形。373A 改行吐露港簡直係
近年最失敗的路線改動。車費平七毫咁大把，行車時
間穩定度呢個對上班族十分重要的因素卻因此大減。
行車時間難預算，乘客點敢搏？為左慳隧道費而犧牲
乘客利益呢個行為簡直係離譜。如果轉全日，非繁時
行返八幹都係唔錯的選擇，慳到隧道費同時間，塞車
風險亦唔高。
2. 開特車去港島東。北區有唔少在港島東上班的居民
都會搭 277X 出藍田，再轉地鐵或其他交通工具去
港島東。如果早晚各開 2-3 班特車，呢班乘客幾乎
肯定會轉投呢幾班車。至少特車可行觀塘繞道，唔需要
經觀塘，總車費亦會便宜少許。
3. 星期六提早開回程。返中環的上班族大部份都係
星期六只返半日。傍晚 7 點後中環商業區直情係水靜
河飛。連 101, 104 等大線都只得二，三十人過海，
373 呢幾班車好多時只係得十個乘客左右。建設將
晚上其中 4 班車改在中午 1-2 時開出，方便返半晝
乘客。傍晚 3 班只保留 5:40 - 6:40 時，每半小時一班
已經好足夠。
4. 回程經銅鑼灣，吸引銅鑼灣返北區的乘客。
就算只經避風塘 / 維園而唔入怡和街都好。
至少 SOGO 行去糖街個站都算近。
如果可以做返呢四點，至少可以讓繁時的 373 系
吸引力增加，到時再多客先講全日都未遲。總好過
而家開條不倫不類的線，仲要分分鐘會淪為廢線
的路線。
與其討論 373 系點樣唔吸引，拋堆 suggestion
去改善下服務好過啦。加上東鐵縮回紅磡之後，
繁時九龍塘 / 紅磡的擠迫情況，吸引下乘客搭
373 系，藉此紓緩下港鐵 / 巴士「超級轉車站」
流量都好。非繁時坦白講，紅磡轉車又真係幾舒服。
今日 373 系轉全日其實又並無不可，不過唔該佢
改善返上面四點先。十年後沙中線通車就十年後先算，
到時最多好似 70 咁因客量問題「霸王硬上弓」咁
將其改回繁時服務，或者跨張少少，非繁時 307 同
373 合拼，就好似 N42A = E41 + A43 咁。
原帖由 FBI2 於 2009-11-3 14:48 發表 http://www.hkitalk.net/HKiTalk2/images/common/back.gif
最快梗係279X轉968啦,中環返上水都係45分鐘.
好貴喎...
原帖由 Kaix 於 2009-11-3 15:02 發表 http://www.hkitalk.net/HKiTalk2/images/common/back.gif
點會要85分鐘:L
MTR粉嶺上車中環落車俾盡60分鐘，再加小巴俾盡10分鐘，
最慢都係70分鐘
你有無計埋行尖東站條長長隊道呀, 上上落落,出閘入閘,點都要10分鐘啦.
原帖由 Kaix 於 2009-11-3 15:38 發表 http://www.hkitalk.net/HKiTalk2/images/common/back.gif
人口普查有資料，
北區出港島係比大埔少一點，
北區返港島10個有7.8個係搭MTR，返九龍10個都係有7.8個係搭MTR
大埔返港島10個有5.4個係搭MTR，返九龍10個只有4.1個係搭MTR
扣除太和同運頭塘一帶MTR獨市人口，可見大埔市中 ...
阿哥, 你北區非繁時無得俾人搭巴士直接港島,開既巴士線又俾大埔少, 咁d人未迫住搭mtr出去law
如果你拎衣d資料做比較,似乎有欠公平
原帖由 Kaix 於 2009-11-3 15:38 發表 images/common/back.gif
就算多人出港島又點，點解要迫人地搭巴士巴士,鐵路,生活3 d8 g& p0 q* ~8 e
7 ?6 i3 D0 X% [. Y
373/A只係坐滿，你從來冇回應過呢點www.hkitalk.net: R/ ^3 ^/ r! L- i1 @
www.hkitalk.net2 H. c/ W9 p1 A' q- G7 }, v
人地係唔搭你就係唔搭你，事實擺在眼前，巴士,鐵路,生活( V8 G5 p9 y. A+ b" J% G' ~3 X" g6 H
你鍾意嘅可以繁忙時間去粉嶺站拉客，叫人唔好搭MTR，2 iy/ V8 k' B0 ?; }
不過巴迷騎呢形象會更深入民心hkitalk.net7 \3 x1 ?- h" b- Z
仲有...我覺得你似發悔氣多d,我無迫人搭巴士,我亦無迫373/a坐滿,咁係未要每一班巴士都要頂閘,咁先可以開全日?
你叫我繁時去拉客,衣d係未一d有建設性既建議呢?
我亦都唔係巴迷,但我想可以多一個選擇俾北區居民出港島區
非繁時無客係你地估既,有無實質証據? 巴士公司可唔可以派加細車?班次可唔可以做得好d?
有版友話可以同307合併,其實未嘗不可,衣樣野未必可行,但係一個實質的建議,係一個有建設性的討論,
好過某d版友叫人去拉客衣d簡直係唔夠人講發悔氣的建議
[ 本帖最後由 fredfred 於 2009-11-3 20:16 編輯 ]
原帖由 GX7685 於 2009-11-3 16:26 發表 http://www.hkitalk.net/HKiTalk2/images/common/back.gif
討論下ja~italk冇人拗唔掂wo~~討論呢家野始終唔會有輸贏ga~同埋唔好對號入座啦~~373你地寫出黎ga數字太準確啦幾廿個~幾廿個咁~~準確到令人覺得係時候cut班lu ...
係啦,我今日特登搭373放工,5:40班車,稅務大樓後,雖不致於要企,但坐位全滿,
我排隊時見隔離307.都唔係好滿咁離開,
所以我覺得,係未要班班頂閘先開線呢?
原帖由 fredfred 於 2009-11-3 00:48 發表 http://www.hkitalk.net/HKiTalk2/images/common/back.gif
阿ssbt,我想問下你小巴,火車,地鐵要唔要等,上落火車站要唔要計,行條尖東長長行人隊道個七分鐘有無計....咁繁時起尖咀等第三班地鐵先上車有無計..
咁點計呀
如果373 30分鐘一班,你估乘客識唔識就去搭,就好似d人去搭 ...
等火車、小巴、地鐵既時間比一個 373 少好多
如果你話乘客識就時間去等車既,
都應該係熟客
再加上巴士班次好客易有延誤,
咁計都唔夠鐵路穩定
其實我意思係指班次既穩定性
唔係小巴、火車、地鐵唔駛等車
同埋過海唔一定要去尖東轉車,
九龍塘轉車會比較快 (轉車路程較短 + 觀塘線班次較密)
原帖由 AD18 於 2009-11-2 15:22 發表 http://www.hkitalk.net/HKiTalk2/images/common/back.gif
其實聯和墟既人都唔會靠條 373 出去:L
有條 52A/54A/56A 呢個系列既小巴線加港鐵 , 絕對係聯和墟既人出去對面海既最佳辦法:victory:
平心而論，返工坐373時，我通常親眼見373有30人等車。都唔係至於唔會靠嘅。
一晚冇上黎, 多左咁多頁 ..
好辛苦咁睇晒所有回文,
(上一篇回文本打算逐篇回幅, 但太多了 .. )
我覺得都係 chan6723 兄分析得最中肯,
同埋係最有建設性
而家 373/ 373A 個定線都唔吸引,
繁忙時間都唔係多人都載唔晒,
非繁忙時間會幾滲淡就真係不得而知喇
再加上北區居民既乘車習慣都係依賴火車出入,
同埋火車有全日通,
要改變乘客習慣, 已經係一件困難事
要令佢地改搭班次疏, 收費貴, 行車時間(可能)會更長既巴士線,
難度實在太高.
同埋唔係個個乘客都會有固定時間出入,
要預時間等 373, 不如去搭班次更密既火車啦
仲有, 北區都有唔少居民會踩單車/行路出火車站轉火車,
從而慳返駁腳費, 哩點都唔可以忽視
畢竟 373 系轉全日, 客量唔係淨止上班族
仲有一點唔可以忘記,
就係粉嶺南有 NR10 村巴,
村巴都會搶去唔少 373 既乘客
原帖由 Kaix 於 2009-11-3 03:38 PM 發表 http://www.hkitalk.net/HKiTalk2/images/common/back.gif
人口普查有資料，
北區出港島係比大埔少一點，
北區返港島10個有7.8個係搭MTR，返九龍10個都係有7.8個係搭MTR
大埔返港島10個有5.4個係搭MTR，返九龍10個只有4.1個係搭MTR
扣除太和同運頭塘一帶MTR獨市人口，可見大埔市中 ...
依位版友
請不要多次作出失實陳述
本人再次重申
北區的人口在幾年前已經超越大埔區
以2006年政府統計處編製的統計數字作參考
北區人口為296000
大埔區的人口為288600
即是說北區多大埔區超過8千人
http://www.censtatd.gov.hk/hong_kong_statistics/statistics_by_subject/index_tc.jsp?subjectID=1&charsetID=2&displayMode=T
[ 本帖最後由 GM 於 2009-11-3 22:12 編輯 ]