原帖由 Kaix 於 2009-11-20 09:35 發表 http://www.hkitalk.net/HKiTalk2/images/common/back.gif
當全世界大城市都有高鐵，
我揾唔到理由點解要唯獨香港冇，
除非香港人好少離開香港
唔係話反對高鐵，但係呢個理由本身有個好明顯的漏洞，好容易被反對者利用攻擊。
客觀上，全世界大城巿都有高鐵（其實呢句都係錯，美國好多大城巿都無高鐵），
並唔能夠成為香港都應該有高鐵的理由，呢樣野唔係話人有我有。而係應該結合埋
香港的實際需求、地理環境，先至可以justify高鐵的必需。
香港人係咪經常離開香港，都唔可以成為支持/反對高鐵的充分理由，應該要睇埋
香港人經常需要去的目的地，係咪可以搭高鐵到達，同時高鐵可達地區，未來係咪
會有往來香港的需求。
閣下似乎犯左一個反對者犯的錯誤。
原帖由 053h4 於 2009-11-20 16:24 發表 http://www.hkitalk.net/HKiTalk2/images/common/back.gif
美國得條東北走廊, 算得上係準高鐵
美國的城際及長途鐵路客運, 除左東北走廊外, 市場佔有率及客流量之低, 而且, 票價亦明顯高於對手
可能廣深鐵路一日客量, 巳比得上成個美國一日的鐵路客流量 ...
又未必咁誇張，起碼條東北走廊而家都仲support到一個ok的班次，不過我搭果陣可能因為係星期日，坐唔滿。
已編輯回應#20，當個距離除返個時間，就會知道呢條鐵路根本有幾慢，時速60公里，算咩高鐵？
至於票價，又的確係幾貴，果陣搭好似全程都要廿幾蚊美金。
另外，我舊年都搭過洛杉磯來往聖迭戈的amtrak，d車算ok，但係176km距離，又係要兩粒幾鐘，單程盛惠US$34。;P
原帖由 S3BL100 於 2009-11-20 16:25 發表 http://www.hkitalk.net/HKiTalk2/images/common/back.gif
唔係話反對高鐵，但係呢個理由本身有個好明顯的漏洞，好容易被反對者利用攻擊。
客觀上，全世界大城巿都有高鐵（其實呢句都係錯，美國好多大城巿都無高鐵），
並唔能夠成為香港都應該有高鐵的理由，呢樣野唔係話人有我有。而係應 ...
美國最弱其實係鐵路
原帖由 053h4 於 2009-11-20 16:45 發表 http://www.hkitalk.net/HKiTalk2/images/common/back.gif
咁又唔可以咁講, 美國鐵路重載貨運係好高利潤, 都好先進(只係因為中西維護困難的問題, 搞到成日出軌)
由於美國鐵路走晒去運貨, 自然無心搞客運... ...
我講清楚d係客運
美國客運交通集中都用空運同渣車, 不甚環保
原帖由 238X 於 2009-11-19 23:18 發表 http://www.hkitalk.net/HKiTalk2/images/common/back.gif
佢地反咩高鐵呀，只係逢大陸事物必反，連帶逢政府必反。
我個 Facebook 上面十個有九個都係反高鐵，
仲有向鐵路迷正面進攻，大有「蟻多螻死象」之勢，
相信各位理據再好十倍，恐怕都無用武之地...
得閒又可以睇下今期中大學生報：
廣深港高鐵 萬千問題未解決
http://www2.cusp.hk/index.php?option=com_content&task=view&id=1333&Itemid=7
用文字來訴說 用行動去了解
http://www2.cusp.hk/index.php?option=com_content&task=view&id=1332&Itemid=7
雖然我一路都唔buy呢份刊物（入面好多野我都覺得好偏激），但係講到遷拆問題，反遷拆者
永遠都係站在道德高地，無佢地符。
不過第一篇，佢地依然係繼續引用「新專家組」的建議，依然對技術問題一竅不通。
之後仲引埋羅祥國話「高鐵唔一定有優勢」（事實上，香港上北京咁遠，我都唔搭高鐵啦，
拎呢個例子根本無意思），又話咩「基建唔一定有效益」（點可以搵珠海機場同香港比？
珠海有咁大個metro area咩？有好似國泰一間強勢航空公司咩），真係笑死我。
只不過，呢d輿論，的而且確俾外人感覺係「做足資料搜集」，感情上又比較有說服力，實在好容易改變（塑造？）一般巿民的諗法。
原帖由 S3BL100 於 2009-11-20 16:49 發表 http://www.hkitalk.net/HKiTalk2/images/common/back.gif
得閒又可以睇下今期中大學生報：
廣深港高鐵 萬千問題未解決
http://www2.cusp.hk/index.php?option=com_content&task=view&id=1333&Itemid=7
用文字來訴說 用行動去了解
http://www2.cusp.hk/index.php?option=co ...
只可以講宜家香港反高鐵既人都大勢已去
將來焦點係睇下拆村同動工時有冇人去搞事啦