原帖由 nr5800 於 2009-12-21 18:07 發表 http://www.hkitalk.net/HKiTalk2/images/common/back.gif
是九龍塘站吧:L
不!!!
是九龍灣
原帖由 KZ9314@YCC 於 2009-12-10 01:55 發表 http://www.hkitalk.net/HKiTalk2/images/common/back.gif
翻新係九鐵一早plan定要做，並唔係因兩鐵合併而得來既
我認為為統一形象而統一，真係好浪費資源
正如樓上所講，西鐵、馬鐵等等車站只係用左5至6年
根本好多野並無需要作出更換
最瘋剌的是，當港鐵十分「努力」地更換指示 ...
指示牌光管既問題已有人回左，不述
咁公道D講，合併後，原九鐵，特別係東鐵既站，確實係有應做而有做既改善既
1.月台上高掛既站名牌，位置太高，由車廂內觀望的話唔多方便，呢點九鐵係知既，所以各新站同大翻新後既大圍站，都o係柱上加上直立式站名牌，只係唔知點解其它站又唔做。合併後，港鐵已於東鐵線全線加上直立式站名牌。
2.部份東鐵站，包括大站既九龍塘站，出入口無編ABC代號，港鐵已編上
3.原九鐵各線，特別係東鐵線車廂內，o個種慢吞吞又長氣(阻著晒睇新聞)兼極大陸鄉下feel既廣播(個人見解)，港鐵已換上比較見得人既
應做而冇做既
1.八仔查閱機，早在合併前幾年，地鐵全線已換上更清晰同可顯示更多資料既彩芒機，九鐵呢？東鐵舊站仲係用緊97年既第一代機，西/馬鐵同東鐵新站就用新少少既機，但仍未及地鐵彩芒版咁好，合併至今兩年，原九鐵各站既舊八仔查閱機仍未更換！
2.美孚及九龍塘站既月台編號，原九鐵部份，指示版至今已更換過兩次，合併初期一次，九龍南線通車一次，但月台編號唔知點解仍然唔統一，唔改其中兩個為3,4號，出現1,2號月台鬧雙胞！(講真，連九龍南線都通埋車都仲係咁，佢似乎有意長期係咁落去，有冇人知點解？)