( 轉載 ) 阿倫帶頭反無綫粵語撐有線、亞視製音樂節目
阿倫帶頭反無綫粵語撐有線、亞視製音樂節目http://www.hkitalk.net/HKiTalk2/viewthread.php?tid=469823&page=4#pid1793645
四大唱片公司另泊碼頭，亞視倒模勁歌打無綫
資料來源：
http://hk.apple.nextmedia.com/te ... 462&art_id=13620413
睇完呢篇新聞，心入面第一刻就係覺得好開心
香港樂壇有機會唔再比一間電視台壟斷成個市場
家陣香港樂壇最需要既係要有心既人做去好音樂節目
而唔係求其整半粒鐘，比歌手唱下歌就算
如果aTV係可以製作到一個新音樂節目
主持人方面，我覺得aTV藝員 袁文傑 係可以勝任做呢個節目
佢對音樂資訊方面亦較為熟悉。
最後希望呢件事可以成事，
打破多年來的壟斷局面。
歡迎討論:)
[ 本帖最後由 薯頭 於 2010-1-25 15:05 編輯 ] 若果真係成事的話
影響最大都只係初出道歌手
講真,陳奕迅呢類如日方中嘅歌手又唔見得太依賴無線 無疑
HKRIA俾ATV做可能唔想有壟斷
但係我諗緊會唔會有幾個收視點既觀眾轉去睇ATV呢?
而家有太多媒體代替到電視機啦..
如果到頭來,HKRIA所收到既成效比之前TVB既低
真係得2個字講"盞搞"..
又搞到自己同TVB既關係
又做唔起
兩頭唔到岸就:L 原帖由 PoohPoohJoe 於 2010-1-13 17:40 發表 http://www.hkitalk.net/HKiTalk2/images/common/back.gif
無疑
HKRIA俾ATV做可能唔想有壟斷
但係我諗緊會唔會有幾個收視點既觀眾轉去睇ATV呢?
而家有太多媒體代替到電視機啦..
如果到頭來,HKRIA所收到既成效比之前TVB既低
真係得2個字講"盞搞"..
又搞到自己同TVB既關係
又做 ...
我諗收視點都唔會有太大改變
但係可以改變到壟斷呢個局面
對各方面都係好事黎既…
可能家陣轉去其他電視台，即時成效一定唔會咁好
但係有人肯帶頭去做，總好過原地踏步
如果繼續單靠單一電視台去發放音樂消息，
該電視台只會認為未需去改善，
因為全港觀眾只能透過該台接收消息。
張學友早前都提過，該台壟斷多年，都不給予資源支持樂壇，
咁會對呢個樂壇係一件好事咩？ 原帖由 JX9097 於 2010-1-13 17:28 發表 http://www.hkitalk.net/HKiTalk2/images/common/back.gif
若果真係成事的話
影響最大都只係初出道歌手
講真,陳奕迅呢類如日方中嘅歌手又唔見得太依賴無線
你估初出道歌手靠那幾分鐘節目係咪真係收到宣傳效用,
最多只係話俾人聽出過鏡,而家打歌最大渠道還是電台和
互聯網
正如台灣新晉歌手近年香港大陸超紅,都係由透過互聯網
紅起來,無記反而要俾錢請佢來港做show 原帖由 薯頭 於 2010-1-13 18:04 發表 http://hkitalk.net/HKiTalk2/images/common/back.gif
我諗收視點都唔會有太大改變
但係可以改變到壟斷呢個局面
對各方面都係好事黎既…
可能家陣轉去其他電視台，即時成效一定唔會咁好
但係有人肯帶頭去做，總好過原地踏步
如果繼續單靠單一電視台去發放音樂消息，
該電視 ...
電視台唔一定直接落資源去音樂度喎
佢有去谷過歌手
計有現代塵世美,細說名城等
叫得佢地歌手做,咪又係幫佢地谷下人氣
(雖然有部分已有一定名氣)
如果單講音樂而忽略佢係另一方面幫手谷個歌手
太唔公平啦
如果轉左,收視點又冇咩改變既,真係唔知搞黎做咩
簡單來說一項有意義(嘗試打破壟斷)但冇咩成效(分分鐘連版權費都收少一截)既事
吸引唔到人去睇分分鐘仲打沉埋二,三線歌手
又要落多D平面廣告
計埋計埋
成本分分鐘仲貴過用TVB一截:L 成件事起因其實係因為唱片公司要加3倍版權稅，由1千萬加到3千萬(如果沒有記錯)，講真唔好話獨大或壟斷問題，大台出鏡機會比較大，如樓上網友所講，除左音樂節目外，仲有好多唔同類型節目，另外仲有很多大型的表演節目，那些歌出場機會都唔細啦，近來其他電視台力邀這些歌星過檔，但有一樣野值得細想就係究竟其他電視台有沒有那麼多機會讓他們的歌出場呢，無錯，有人講某台獨大，投放資源很少，但係資源從何來，你要求多些資源，我反問你們唱片公司收多些錢又可唔可以先?你而家難聽講一句，獅子開大口，又要馬兒好，又要馬兒不吃草，某電視台有膽放上法庭要求裁決有關稅項是否合理，我想這就是公平的做法，而家我的感覺就係唱片公司在耍手段希望大台會屈服於自己。 原帖由 butterfly 於 2010-1-14 09:05 發表 http://hkitalk.net/HKiTalk2/images/common/back.gif
成件事起因其實係因為唱片公司要加3倍版權稅，由1千萬加到3千萬(如果沒有記錯)，講真唔好話獨大或壟斷問題，大台出鏡機會比較大，如樓上網友所講，除左音樂節目外，仲有好多唔同類型節目，另外仲有很多大型的表演節目，那些歌出場機 ...
不過唔少人眼中，大台係唔岩個位bo....
我就兩睇啦，大台夠膽玩到咁大，其實結果係點，大台、HKRIA一早知，
但，show始終要做，大台都好樂意做下show~
如果今次大台屈服，到時角色倒返轉，HKRIA獅子開大口，亦係咪所有觀眾/樂迷想睇既事? 原帖由 PoohPoohJoe 於 2010-1-13 19:42 發表 http://www.hkitalk.net/HKiTalk2/images/common/back.gif
電視台唔一定直接落資源去音樂度喎
佢有去谷過歌手
計有現代塵世美,細說名城等
叫得佢地歌手做,咪又係幫佢地谷下人氣
(雖然有部分已有一定名氣)
如果單講音樂而忽略佢係另一方面幫手谷個歌手
太唔公平啦
如果轉左, ...
坦白講, 對一個歌手而言,
音樂才是最重要,
就算 TVB 搵呢班歌手於個個節目都亮相, 觀眾都只會記得佢地既樣, 記得佢地拍過咩劇 / 做過咩咩節目, 但未必會記得佢地係歌手, 或者我嘗試問, 今時今日有幾多人會記得鄭嘉穎、馬浚偉曾經出過唱片?
所以, 如果 TVB 真係用呢個方法 (找他們做不同節目但唔放太多資源去他們的音樂上面) 幫手去 "谷" 一個歌手, 我覺得這個做法係本末倒置!
我認為, 今次四大唱片公司找其他電視台合作, 實屬一件好事
皆因既有 "電視台合約歌星" 制度實在太荒謬
在台灣, 歌手可以到不同電視台參與節目, 宣傳他們的歌曲 / 專輯, 但為何香港唔可以?
另外, 點解香港其他電視台去訪問呢班所謂 "有約在身" 的歌手時, 呢班歌手只可以用普通話接受訪問? 仲要用一個九唔搭八的咪牌?
又另外, 早年都有報導過, 曾經有一個樂壇女歌手因得不到最受歡迎女歌星獎, 毅然不與電視台續約, 甚至即用廣東話接受其他電視台訪問, 但點解到最後, 佢又突然間轉軚, 到下一年佢又得返個 "最受歡迎女歌星"?
我覺得以上問題既答案只係兩個字: "霸道"
所以, 要改變呢種不合理的壟斷, 要救香港樂壇, 唱片公司的確係時候起身做點事喇
革命係一場持久戰, 我認同今日去推行呢個改革, 或會打沉某些歌手 / 唱片公司
但總有一天唱片公司 / 香港樂壇會因為今日呢場革命, 而得到應有的回報
期待香港樂壇再有百花齊放的一天 樓上有人講過
歌手可以做其他類型的節目
但係歌手上電視台的目的係咩野？
係宣傳新歌或者新碟嗎？
如果為其他類型的節目而成名，
咁仲有冇人會聽佢唱既歌？甚至知道佢係一位歌手？
咁對香港樂壇會有咩好方面的作用呢？
上年兩間免費電視台都先後舉辦選秀大賽 ( 亞星 & 超聲 )
相信大家都睇得出邊台係有心搞好音樂，有心幫香港樂壇
只係因為單一壟斷成個市場，令到其他電視台的歌手難以成功突破。
亞星一的冠軍 羅力威，比賽完左之後就踏上歌手之路
好多人都知道佢係aTV出身，條路一定會比其他新人難行
但係我地係咪應該要比多d支持去呢班有心搞好樂壇的人
家陣香港樂壇開始青黃不接的情況，如果再冇人去改善的話，
只會令香港的樂壇一直惡化落去。
要香港電視業、樂壇 百花齊放，就需要大家的支持，
才會改變現時單一的局面。
[ 本帖最後由 薯頭 於 2010-1-14 10:21 編輯 ]