KTL脫班問題
相信大家都知道k-train比m-train慢，搞到KTL成日脫班。小弟每天都要由長沙灣去彩虹返學，所以都"深受其害"。
有次早繁搭車返學，去到太子轉車，我等左成8分鐘都冇車。
與此同時，TWL已經黎左4班車，到第5班黎既時候，KTL先有車黎。
D人龍(堆)仲差D逼到TWL既乘客落唔到車
到今日，我大概6:22p.m.落到彩虹4號月台，岩岩送車尾，所以就無聊咁計時(班次):)
之後架車走左，見到PIDS寫"油麻地 2分鐘"，心知不妙，立刻去PSD前面排隊
3分半鐘後，終於有架A311黎到開門，逼到......:L
計完時，由上一班車開車到我班K車開車，用左4分36秒:@
到左鑽石山，月台超多人(正常)
之後閂門閂左6次先得，車門重開第5次既時候，仲有個乘客在座位上大叫"X"(噪口):L
去到KOT，一如所料，等車既人塞滿成個月台......
結果，由CHH去KOT用左11mins:L
未知各位板友有冇同樣經驗呢??? 係呀! 其實係明唔明白點解而家TKL仲未轉K-Train,就係因為K-Train的影響,所以如果後車係M-Train,多數會追到前面抽K-Train,而KTL K-Train開始停車愈來愈唔準! 繁時通常K-train會因為不斷開閂門而好迫，後面架M-train追到，就好少人。
不過今日早繁觀塘綫西行，我搭架M-train在樂富都開關門三次。:L
沙中綫沙中綫！我要沙中綫！:lol 莫講話K-train，連一向用開M-train既TWL於繁時也經常脫班
試過於平日下午六時許係荃灣站觀察，前車係2號月台上完客開走左之後，下班車都仲未到1號月台清客:o
回復 3# 的帖子
樂富係我坐過咁多個站最恐怖既站 :L 黃大仙、鑽石山都無咁恐怖（我諗唔到其他形容詞代替恐怖，所以唔好扣我分…）金鐘、佐敦都唔會好似我嗰次既經驗咁
上個禮拜二 10 點幾坐免費巴士去樂富等車，等咗 12~15（唔太記得啦）分鐘五架車（全部都係 K）都係迫唔入
本來隔 2~3 分鐘一架，後尾無啦啦 1 分鐘後有架 M-Train，嗰架就大把位坐，先上到車
不過去到九龍塘，又係水泄不通 :L
九龍塘既乘客都話好少少，因為多人落車，上到
樂富得小貓三四隻，所以好難上
石硤尾觀塘方向（其實係上定下行？）都係有咁既情況
[ 本帖最後由 bananasims 於 2010-1-25 21:54 編輯 ] 樂富 站 既車中間好多時都入唔到。行去車尾(往油麻地)先勉強上到!
有冇發覺星期六五點幾去到七點幾,KTL/TWL都勁多人,但每抽車又相距三、四分鐘,真係逼都逼唔入。行去車尾,勉強逼到。試過由黃大仙去美孚,搭左成九個字車先到。 當中係等車耐,經常在樂富、九龍塘重開三、四次門以上。:L
點解呢個時候唔加密D班次? 反而西鐵就三至四分鐘就一班車!:L
有次我寧願轉東鐵、西鐵去美孚,都係差唔多時間,而且更唔駛行去車尾/車頭都有位坐!
好心港鐵星期六下午三時,收少兩抽車,以應付下午五至七的繁忙時間!!! #5，#6：
繁忙時間搭港鐵，會令你有置身東京的感覺。:lol
可恨沒有跳站的「通勤特急」或者串連各線的「大江戶線」。
「KR」同「地下鉄」都係咁迫，但又唔似東京咁有個車掌睇月台開關門，好彩有幕門咋，
如果而家仍然冇幕門，港鐵近年增加的人流之多，繁忙時間分分鐘推人落路軌。
「KR九廣本線」九龍塘站，晚繁多人等車，好多人都要在黃綫以外走動，好危險。
早上八點幾，北上尾卡都冇位坐，兩年前都唔係咁架......
[ 本帖最後由 DIH 於 2010-1-25 22:54 編輯 ] 其實，我都唔敢亂咁評論兩種車既快慢，
我假設佢地係一樣先，
但係每次我搭荃灣綫去太子，
一到站總會有部觀塘綫係度，
不過佢一定係即刻關門走人，
之後我地一樣要呆等至少兩分鐘，
成日搞到太子好多人．．．．
如果佢等埋個班客，
至少可以疏導下人流，
試過有次繁時，
個月台多人到排到去扶手電梯口．．．． 搭KTL我都係寧願搭M-Train,
K-Train繁忙定非繁忙時間都係慢d:Q
如果K-Train後面係M-Train,
通常後車好快就到又冇咁多人 原帖由 daniel96513 於 2010-1-25 19:26 發表 http://www.hkitalk.net/HKiTalk2/images/common/back.gif
......
到今日，我大概6:22p.m.落到彩虹4號月台，岩岩送車尾，所以就無聊咁計時(班次):)
之後架車走左，見到PIDS寫"油麻地 2分鐘"，心知不妙，立刻去PSD前面排隊
3分半鐘後，終於有架A311黎到開門，逼到......:L
計完時，由上一班車開車到我班K車開車，用左4分36秒
......
非繁時觀塘綫5分鐘時段一樣有呢個情況:lol
試過係彩虹站等車, 前車係M-TRAIN, 後車係K-TRAIN,
後車同前車相距大約7分30秒,
已經超過地鐵2分鐘誤差都當準時的標準;P
不過有次下午繁時係金鐘站等荃灣綫往中環先夠激,
可能果日出面落雨, 再加上係假期前夕,
好多人搭地鐵, 結果我係金鐘站等左起碼5-6分鐘先有下班車入站,
8卡車全部頂閘, 落客都晒好多時間,
雖然呢班車企圖縮減開門上落時間去追時間表,
不過由於月台上有唔少乘客仲上緊車, 結果車門又夾到人要重開;P
最後呢班車進入中環站時, 月台兩邊當然係人頭湧湧,
(好明顯前車一早已經走人)
兩邊月台都企滿晒人, 落車都要同人迫一輪先上到大堂;P
基本上繁忙時間你唔駛旨意地鐵可以班班車好似官方班次所示,
2分/2.1分開出一班, 特別係人流多的轉車站(例如金鐘/旺角/太子),
一定係係導致脫班的重災區:funk:
[ 本帖最後由 ES464470X 於 2010-1-26 01:42 編輯 ]