回復 9#, 10# 的帖子
把他那句解成 "其他站務人員無權過問"，我相信並沒有歪曲他的意思，
也不會造成兩位所提到的質疑吧？
事實上，站規其實已經寫明，
對站務人員的站內操守不滿，應該找上訴委員會，
由召集人組成調查團處理的，
由此推斷，其他站務人員確實無直接過問權。
至於站外操守，可能只有站長有權作決定了。
[ 本帖最後由 238X 於 2010-2-23 00:33 編輯 ] admin 39 似乎迴避了呢幾位新 admin 現時晌站內的位置
照 admin 39 所講, 咁即係佢地宜家就係 admin team 的一份子啦
俾得個位人, 仲乜要咁閃閃縮縮唔公開得?
升呢, 積分, apower 立即提升, 按功行賞, 咁已經比一般站友取得了更多的特權和著數
點解唔可以俾人知, 家陣究竟開左幾多個呢類 account 先
定係諗住要我地 d 普通站友一個一個將呢 d 隱形帳號全部揪出黎先安心?
我唔理那個甚麼 B9 板, 20x板 呢 d 一般站友入唔到去的板做 admin
但點可能話, 當佢以普通站友身份去做出一些不合情理的事, 就咁話個人操守就無權過問?
揀人不善, , 有錯就企定
admin team 連自己都覺得團隊內的人都很難去介入
平日普通站友有乜芝麻綠豆小事就下下敦起 admin 款, 用站規邊條邊條黎說教
實難服眾
admin a/c 評錯分, 同評分專員講一聲, 抹左去就算數
其他站友遇上評負分變正分等, 向評分專員反應, 又有冇咁快有回覆, 甚至受唔受理先, 要唔要俾多一個警告?
就好似呢板對落幾篇, #483945 文章
成個星期都沒有人答覆過, 該板相關的admin 照舊一頭半個月唔出黎現身
話就話 admin 有乜唔妥, 撻過 "上訴委員會" 黎做擋箭牌
宜家你地連有幾多個呢 d 隱形 a/c 都唔講得
上訴委員會喎... 到時有人投訴
屈尾十話呢 dadmin 未正式公佈, 唔受理住
大家真係無可奈何 o 晒咀
點樣解釋先?
拿, 宜家又爆多一個人自認有 admin a/c, 只係一個註冊左半年多一點的帳號
我唔知 admin 用乜準則黎揀選所謂 "目標人士" 去升呢做 admin
講真 italk 合資格帳號上萬, 比我更投入, 有番一定年資的活躍站友多的是
一個只有半年資歷就可以委此重任, 我諗除左係站外有交情之外, 都幾難講得通可以如此信任
亦引證 admin 39 所謂管唔到個人操守, 其實有機會就係朋友底互相 "關照"
年復年, 月復月, admin team 呢種私人網站大晒圍威喂的作風
一點都未有改善, 令人痛心
[ 本帖最後由 cky 於 2010-2-23 03:40 編輯 ] 其實，站方任命邊個做版主大家都無權過問
之不過今次係被任命個幾位做出一d意料之外既野比人搵到痛腳。
講真，真係做測試acc既，應該開個italktestxxx既戶口，專責做測試，無貼文功能既。
唔係好似今次咁，幾個版友唔知係咪唔記得logout定點走去其他版開文/加扣分，
咁反映出有關人士的"大意"。
至於測試定正式任命既問題，有關人士戶口在未公佈職務前已升做lv7，其實心水清既都有答案。
個幾位admin，我都唔知點評價好喇，
未開始做就已經比人質疑、大造文章，將來任命後既路都會幾難行....
同埋最大問題係有關站友平日表現，再其後在admin acc用返平日表現去做，
難聽d講句，真係水洗都唔清
一d爭議性既野就唔再講啦，只不過一班做左多年既admin，係咪應該負返d責任，去教下新晉admin?(除行出馬路影相外)
呢點我覺得點都走唔甩。 講返少少意見
首先講返, 我本身都唔知有新admin, 而我本身亦唔知有新版測試...我更唔識得admin61/62係乜人...
我近年都少睇B3版, 我唔清楚有關人士與路中心影相問題的關係...(睇上文見有版友提及)
不過對於admin 操守問題, 及以上各版友關於處理手法上一d問題, 我所知的相信一般做法會是:
1. 如果有admin 懷疑在一般情況在站內違反站規(包括用個人身份戶口),
當版的版主/那事務的專員 會根據站規處理返
2. 如果那admin 係站內運用其admin 權力出現問題, 就要找站長/上訴委員會
3. 至於站外問題, 相信無論任何站友/任何admin, 都是一樣, 站方(包括站長, 版主, 專員)
本身是無權去處理, 但站友本身可以在合乎站規下, 作出評價/回應
以上是個人身份回應..
[ 本帖最後由 3ASV196 於 2010-2-23 08:50 編輯 ]
回復 13# 的帖子
澄清幾件事：一、
評分附例容許分板板務人員自行處理主動撤銷
評分的申請。
二、
無論是否 admin 都可以提出主動撤銷評分申請，
而只要分板板務人員收到並執行申請，基本上
都不會受到處分。
三、
評分管理專員如非有關分板的聯席板主，收到
主動撤銷評分申請時一般亦會轉介有關分板的
板務人員處理。
四、
本人只處理了有人誤用 admin62 帳號時的撤銷
申請，當時只因本人剛好看到。至於後一宗則屬
admin39 依例自行處理，他的行動並未與評分附
例有任何牴觸。
24/2 更正：admin62 的個案是貼文，
撤銷評分申請是關於一名普通站友向該貼文進行的評分。
五、
站長並未公佈新 admin 的任命。即使是本人，
亦至今仍未知悉 admin61 及 admin62 的
使用權屬於哪位站友。
評分管理專員示
[ 本帖最後由 admin35 於 2010-2-24 10:57 編輯 ] 原帖由 cky 於 2010-2-23 03:19 發表 http://hkitalk.net/HKiTalk2/images/common/back.gif
拿, 宜家又爆多一個人自認有 admin a/c, 只係一個註冊左半年多一點的帳號
我唔知 admin 用乜準則黎揀選所謂 "目標人士" 去升呢做 admin7
講真 italk 合資格帳號上萬, 比我更投入, 有番一定年資的活躍站友多的是
一個只有半年資歷就可以委此重任, 我諗除左係站外有交情之外, 都幾難講得通可以如此信任
亦引證 admin 39 所謂管唔到個人操守, 其實有機會就係朋友底互相 "關照"
年資長短又係唔係大問題既
只要做得野既
都冇問題既
或者可能得三個人去申請三個位呢~:lol 原帖由 Snoopy@FB8617 於 2010-2-23 14:17 發表 http://hkitalk.net/HKiTalk2/images/common/back.gif
年資長短又係唔係大問題既
只要做得野既
都冇問題既
或者可能得三個人去申請三個位呢~:lol
問題係未正式做野前已搞成咁，好難擔保正式做野後會有咩情況出現，
一般站友在今次事件起了疑惑/擔心其實是可以理解。
個幾位admin將來任命後，只要稍有不慎，好可能仲衰過今次。
其實大家睇下以往投訴版主既文都知道有呢個預測係好正常。 岩岩見到admin56係B2用錯版務人員戶口出文。 原帖由 kay 於 2010-2-23 14:36 發表 http://hkitalk.net/HKiTalk2/images/common/back.gif
問題係未正式做野前已搞成咁，好難擔保正式做野後會有咩情況出現，
一般站友在今次事件起了疑惑/擔心其實是可以理解。
個幾位admin將來任命後，只要稍有不慎，好可能仲衰過今次。
其實大家睇下以往投訴版主既文都知道有 ...
同意
若果新既真係keep住連用咩身分回覆都錯既
我覺得站方真係要好好考慮...
否則日後隨時引起大野...