我想問下 電車咁多年有邊度係改過路
即係,一開始有叮叮果時到而有邊段路冇改過 ////邊段路改過,thx 未有上環總站兩條車坑時，是行摩利臣街一路到干諾道路口先有波口位分叉東西行線，路軌是放正路中心。上環地
鐵興建時期，記得東西行線曾經係行金龍中心後面的臨時
路面；急庇利街東行取消過一段時間，用摩利臣街負責東
行同西行，路軌要鋪過，類似現在有兩條軌係摩利臣街。
銅鑼灣車廠，由波斯富街轉入勿地臣街，公眾路面有三個
波口連一個彎軌分別入四條車坑；堅拿道出口隨著車廠搬
遷而棄置，但路面繁忙，舊出廠車軌唯有留下。
西環山道屈地街總站，以前車站係貼盡香港商業中心，後
來起西環廠，曾經有一段時間係冇o左個迴旋處總站，所有
屈地街車全部都要入廠迴旋掉頭出返黎，兩條東西行車軌
因工程向北移了，連入廠波口位 (依家棄置係度o個兩條軌
係以前o既東西行車軌)，入廠車軌之地面以前是油站，後來
改做俾車行 (即現在 905 轉出山道過海那段路)，原先屈地
街總站就改做俾車行 (干諾道西西行轉出德輔道西東行)，
東西行線連入廠車軌，連新屈地街總站就再次大執，直到
現在的模樣。
朝光街車軌係車廠緊急出口，電纜仍在，一般情況不會用。
由皇后大道西起至山市街一段昔日原是海旁的堅尼地城海旁
路電車軌多年沒有改過，電線杆仲係當年o既款式。由山市
街開始將東西行線南移，並把山市街至爹核士街西行路面劃
作電車專線。堅尼地城以前有個渡線係係健文街對出，後來
被拆除。
中環會德豐對出車站移位，連車軌都要整彎，舊軌尚在。
英皇道太古城對出山路，曾經有電車行駛，但康山道啟用後
已改道棄置，後來被拆除。
西灣河近警署至西灣河文娛中心對出，曾經有一段時期路上
有一條很長的廢軌，形成當時三條路軌係路上的情景，但小
弟所知不多，不知道第三條路軌為何出現，這第三條軌後來
被拆除。
有錯請指正。
[ Last edited by tomchen on 2005-11-26 at 10:57 ] tomchen在 2005-11-26 02:11 AM 發表:
西環山道屈地街總站，以前車站係貼盡香港商業中心，後
來起西環廠，曾經有一段時間係冇o左個迴旋處總站，所有
屈地街車全部都要入廠迴旋掉頭出返黎，兩條東西行車軌
因工程向北移了，連入廠波口位 (依家棄置係度o個兩條軌
係以前o既東西行車軌)，入廠車軌之地面以前是油站，後來
改做俾車行 (即現在 905 轉出山道過海那段路)，原先屈地
街總站就改做俾車行 (干諾道西西行轉出德輔道西東行)，
東西行線連入廠車軌，連新屈地街總站就再次大執，直到
現在的模樣。
補番個時間表同地圖俾你。 http://img.photobucket.com/albums/v337/1601/wink.gif
1986 年開始0既屈地街總站↓
http://img.photobucket.com/albums/v337/1601/Tramway_1.png
1995 年開始0既屈地街總站↓
http://img.photobucket.com/albums/v337/1601/Tramway_2.png
1997 年 3 月開始0既屈地街總站↓
http://img.photobucket.com/albums/v337/1601/Tramway_3.png
注意：Not in scale！ 似喇似喇，謝謝。
係o個段時期干諾道西興建天橋起到立立亂，
電車o既入廠軌就越搬越西。 tomchen在 2005-11-26 05:45 PM 發表:
係o個段時期干諾道西興建天橋起到立立亂，
電車o既入廠軌就越搬越西。
係呀，0個陣我仲住係屈地街，日日睇住四幹工程0既進度
，仲記得當年橋底0既燈位直情亂過亂世佳人，0個陣干諾
道西西行因為呢單工程而第二次改做唔准右轉入豐物道。
http://img.photobucket.com/albums/v337/1601/shocked.gif
而德輔道西0既東行線亦都為0左呢個新石塘咀電車總站而
先後改0左三次路，去到97年尾98年初先至改成而家咁0既
樣。 http://img.photobucket.com/albums/v337/1601/rolleyes.gif
而0個條德輔道西入干諾道西0既支路就係第三次改路時起
0既臨時車路，初時路0既中間係有圍板分開兩條行車線；
工程完成之後塊圍板先至被拆，並且改成永久車路。 http://img.photobucket.com/albums/v337/1601/cool.gif
而家屈廠出面仲有一條廢棄0左0既路軌，就係95年電車改
行新0既出廠路軌0個陣停用架喇...... http://img.photobucket.com/albums/v337/1601/wink.gif
OT 了...... http://img.photobucket.com/albums/v337/1601/tongue.gif 跑馬地總站，在馬場建時曾連同巴士總站一起搬過位。以往電車軌過藍塘道時，
會直駛至愉園大廈前才拐彎轉往總站方向，而從前的電車總站較為接近路中心，
慢線是一般行車線，並劃有黃色停車線及「電車站」字樣。 tomchen在 2005-11-26 02:11 AM 發表:
朝光街車軌係車廠緊急出口，電纜仍在，一般情況不會用。
朝光街0既緊急出口亦都係 1995 年郁過，以前係0係干
諾道西東行線右轉出朝光街，但係起西隧0個陣，東行
線由地面道路改0左做高架橋，而呢條緊急路軌亦都因
為咁而改行西行線，而舊路軌就被廢棄兼且變0左做直
插入花槽。 http://img.photobucket.com/albums/v337/1601/wink.gif 大家又有無印象英皇道北角段呢?
以前來回線電車軌係在路的中心, 但因為電氣道改了單向, 英皇道東行
就減了一條行車線, 而電車軌亦向北移, 以方便英皇道西行增加一條行
車線. 雖然我唔係港島人，但都知一個好明顯的改動－金鐘道拉直是也！:P Route_99在 2005-11-27 10:30 PM 發表:
大家又有無印象英皇道北角段呢?
以前來回線電車軌係在路的中心, 但因為電氣道改了單向, 英皇道東行
就減了一條行車線, 而電車軌亦向北移, 以方便英皇道西行增加一條行
車線.
係呀，我記得當時由水務局至清風街的一段英皇道曾有三線電車軌，直至 90 年代英皇道重鋪工程才被拆去．
頁:
[1]
2