我之前都講轉車快過巴士,甚或時間相若,乘客係吾會介意搭,而且更多例子說明鐵路要轉車都可以有效吸客,之前問你點解將軍澳線過海去北角至上環各站或鰂魚涌至柴灣各站要轉車,都會令一程過巴士嚴重打殘都無答,你舉出一兩 ...
請問你係唔係住南區
你係唔係住南港島線沿線
南港島線站位唔係就晒所有人
就好似海怡二期
鴨脷洲邨利滿樓個d比行去巴士站更遠
你次次都用官方時間比
想問你係唔係用港鐵網提供嘅時間?
你有留意個網係提供最短乘車時間?
巴士提供嘅時間往往都比事實多
(唔知係唔係司機行一單最長時間)
一個用最短,一個俾多時間
你咁樣俾係唔係唔公平?
巴士時間由一總站去一總站
港鐵係由一個站去一個站
巴士係唔係一開始就係個港鐵站,
總站就係港鐵站?
根本就唔可以咁比
再者巴士提供點到點
我以前係灣仔伊館返學
我朝早搭592由海怡半島二期去灣仔立德里
只要平均地17分鐘(我用錶計同每一次搭車都有記錄時間)
回程只需13-15分鐘
港鐵比唔比到呢個時間我?
由學校行去灣仔站,銅鑼灣站要7-8分鐘
加埋等列車時間6分鐘(非繁忙時間)
加加埋埋仲耐過592
咁點吸引我搭?
同埋我講過,住南區嘅人知道幾時會塞車
隧道唔塞車,去銅鑼灣時間同港鐵差唔多
係唔係咁大誘因去轉搭港鐵?我唔覺得
如果講到摺硬,冇可能
[ 本帖最後由 brianlhm 於 2010-4-25 13:49 編輯 ] 原帖由 053h4 於 2010-4-25 13:55 發表 http://hkitalk.net/HKiTalk2/images/common/back.gif
不如你講, 南港島線開左, 影響有幾大啦
就算尚德離地鐵站咁遠, 尚德客出觀塘都要係調景嶺轉觀塘線
296a重要有轉乘客支持, 班次都減少
796S的客量變化就更明顯
你話無影響, 係無影響到咩地步
我估大約50%(上繁影響 ...
我一直都講緊非繁
(包括學生返放學時間,6:30-7:30,15:30-17:00)
(呢段時間朝早去銅鑼灣係3-6分鐘一班,去海怡下晝係8-12/6-9一班,當時仲未受香隧塞車影響)
客量影響方面
係繁忙時間去銅鑼灣應該有30%
但非繁應該只有5-10% 原帖由 homan0323 於 2010-4-25 11:40 發表 http://hkitalk.net/HKiTalk2/images/common/back.gif
我從來無話贊成巴士還是鐵路,我所有立論對南港島線優勢係根據官方預計的行車時間與去現有鐵路網絡所需時間與巴士公司的官方時間進行比較,同時考慮南區實際巴士服務質素及地理位置與居民一直對南區巴士反應而閳述,如 ...
用官方既時間既巴士點都會慢
巴士公司係訂立行車時間時唔少都有加一定既時間...
即係我從未搭過82K由美林去火炭真係要9個字
幾時有人話過條鐵冇好處?
但唔代表南港島線後南區既巴士線就會死到開項...
回復 148# 的帖子
我從來無話因為南港島線去銅鑼灣只需14分鐘較巴士快有優勢,就要取消所有往銅記巴士線。我於回文#94話「有客量大幅下降威脅」,從而對應回文#74「因應巴士需求下降而重組/取消/縮減班次」的論點,之後以官方時間為依歸比較各條巴士線時間,討論過程簡單,吾明點解可以假設我目的就要取消巴士線,但要整到勁複離及針鋒相對。回復 155# 的帖子
我針著點不是有冇人話佢有好處,成個討論根本充滿著為駁斥而駁斥心態,我從來吾會否定巴士價值,不過有D地方講得較誇,脫離一般人搭車時間或與官方時間差異甚大想加以指出。我可以接受快過官方時間,但一定吾會差距咁大,甚至極端話官方時間錯,不過強調佢既制訂係根據行車距離、車速、分站上落客時間及燈位時間而得出較貼近實際不同時段的行車時間預算,亦係一個最客觀的參考。
回復 151# 的帖子
你要堅持巴士做到地鐵相同或更快時間無問題,最重要係有冇南區居民支持你既睇法及有冇試過連等車哩個時間(灣仔最快13分鐘,慢極17分鐘;銅記最快20分鐘,慢極25分鐘)先最重要,當我孤陋寡聞,不過巴士滿足到南港島線去既地方優勢的居民需要,都係果句:駛嘜對地鐵爭取呼聲咁高?由頭到尾只係你或部分巴迷話去銅記巴士點方便,點好,南區居民背後對有關巴士線則充斥大量不滿聲音,你講果D巴士線就係南區居民話服務最差果幾條巴士線之一,所以到底哩堆巴士線有幾耐、幾好,居民爭取力度話左俾我地聽,情況同當年將軍澳居民爭取地鐵既力度差吾多,巴士服務同樣差。你於回文#68睇下點解我話港鐵俾既官方時間有預多無預遲先駁斥,吾好連爬文都無就從官方時間入手咁表面。
[ 本帖最後由 homan0323 於 2010-4-25 15:51 編輯 ]
回復 159# 的帖子
有多一野選擇,況且樓價會升,咁就梗係爭取呢樣野唔使講都知
我都成日話南區冇地鐵,好慘架
但一樣還一樣
唔一定要爭取到地鐵就唔搭巴士
海怡四期,利東漁安苑班人一直爭取地鐵
但由唔准地鐵起咁近
有d人甚至話將個站搬到利南道足球場
咁係唔係代表唔爭取地鐵
香港人不嬲都唔知足
成日投訴
巴士多又投訴
少又投訴
但又係唔係真係不滿到有地鐵就唔搭巴士?
況且5年後嘅事又有邊個知
可能5年後巴士服務仍然咁差
亦有可能巴士服務大大改善
呢d因素足以影響客量
[ 本帖最後由 brianlhm 於 2010-4-25 15:59 編輯 ]