原帖由 DIH 於 2010-7-26 09:28 發表 http://hkitalk.net/HKiTalk2/images/common/back.gif
#3：
那個投票事件，我傾向認為沒有那麼戲劇性，只是以訛傳訛，再者故事時代唔係中共，係中華民國。
以面積及使用人口計，我唔反對北方話作為國語／普通話，而保留粵語亦唔係純粹話歷史悠久，
而係粵語根本仍然健健康康生存緊，若有人用任何行政手段使粵語衰落，就係文化謀殺；
母語係粵語者在無需要時轉台，則是自殺，自殺commit suicide也是罪，對唔住列祖列宗。 我自己就起網上搵到一樣野
http://big5.huaxia.com/zhwh/gjzt/2010/04/1831250.html
我諗睇完之後, 大家應該會知道究竟當年真相係點 ~
講真, 當年秦始皇統一中國, 再將所有文字統一 (當然仲有唔小制度, 政治, 經濟上之統一)
到而家, 我諗所有人都認同統一係一件正面的事
好啦, 到今時今日人地要統一語言 / 文字
起中國就講普通話, 用簡體中文有何問題 ?
係就係今時今日統一唔成功, 只因為有台灣同埋香港用繁體中文,
而正正因為上面所講兩個地方發達, 不小人移民外地, 而順道帶埋繁體中文出世界其他地方
但係今日廣州市, 未一樣周圍簡體字 ~
廣東話雖為方言, 但係而家人地又唔係唔比你講 (最小冇話講廣東話就犯法先)
只不過係想大家方面些小, 南方人去到北方都一樣識溝通而已
迫你學普通話真係無可厚非 ~
同樣道理, 又唔見人地嘈學校迫學英文 (或其他外語) ?
[ 本帖最後由 AVD1 於 2010-7-27 13:41 編輯 ]
其實推普之餘點解仲要或明或暗咁消滅方言
原因好簡單
因為方言有時係一種用黎排擠外省人ge工具
如果接觸得多五湖四海ge人就會明
舉個例子
響工作場合或者學校裡面
有同事或者同學可以響你面前"光明正大"咁用佢地ge方言唱你講你是非
因為你聽唔明
變相迫你學方言
呢個就係推普其中一個阻力所在
原帖由 AVD1 於 2010-7-27 13:39 發表 http://www.hkitalk.net/HKiTalk2/images/common/back.gif
廣東話雖為方言, 但係而家人地又唔係唔比你講 (最小冇話講廣東話就犯法先)
犯法就未必, 但響大陸 (包括廣州) 好多學校,
你講方言係會被罰
有 d 直程你普通話講得差 d 都會罰
討論本已沉下，而且樓主係講香港的情況，但既然尚有少許關連，故不開新文。
2010年7月30日 都市日報
朱湛剛 都市博客：「撐粵語」概念錯誤
「撐粵語」者根本搞不清粵語的定義，按地域分，粵語應該包含廣府話、潮州話、客家話等廣東省三大地方方言，以及由三大方言衍生出來的方言。「撐粵語」撐的是廣府話、潮州話還是客家話？「撐粵語」將廣府話變成粵語唯一語種，犯了原則性的概念錯誤。「撐粵語」者若要繼續「撐」，必須正名為「撐廣府話」，否則貽笑大方。
不知貽笑大方的是誰。粵語不是以地域分的，粵語當然不包括潮州話（閩南語系）、客家話，
如果包括，豈不是連台北捷運都有「粵語廣播」？香港人成日講的「廣東話」才是定義不清。
可以質疑為何只撐廣府話而不撐台山話，但我相信作者沒有想到這種論點。
再者，也只有廣府話先有「牙力」可以「撐」（呵，個撐字都有隻牙），
而家班人要「撐」一個睇落似乎強勢又充滿生命力的語言，何解？
筆者非語言學家，但對各地特有的方言有濃厚興趣，不同地域的方言有不同特點。
好彩佢有講呢句。既然不同方言有不同特點，若有人發起保護方言的行動，是否不應該太拘泥於行動的名字呢？
走南闖北多年，發現方言的生存不在於撐與不撐，在於其生存土壤與根基。
對啊，不在於撐與不撐，不論在廣州還是香港，在經濟壓力下，
加上部分人欠缺自我要求（如懶音、雖口講粵語但採普通話用字而不懂粵語本來用字）的心態，
粵語的土壤正不斷流失、根基也不見得很穩，也因此，一個小小的提議竟然能令見慣風浪的廣州人忐忑不安。
或者我太過固執萌塞，但我認為概念一定要搞清楚，
同你住同一個山頭的某甲不等於就是你的家人，不能在你死後代表你。
若到頭來係一班以普通話為母語的人提倡保護粵語，就真係醜死怪喇。
也許今次係搞得太大（但是否「太」大又是誰人可以定奪？），而講返香港人，學習普通話也沒有甚麼不妥，
甚至有人計劃自己家庭在一兩代間全部改用普通話也是他們自己的自由（同樣地有普通話人學粵語），
但我希望這班人不要到了風燭殘年時，才來懷念母語的親切，茫然不知自己歸屬何在。
講到底，呢個都係情感的問題，若然用理性去反詰撐粵語的人，根本係對牛彈琴。（OT：因此我支持高鐵之餘，大加鞭撻的是假專業偽科學的公共專業聯盟，而不是苦行者。）如果純粹以功能性來採納普通話並同時逐漸放棄粵語（人的能力有限，有得必有失），持這種思想的人也不應該批評「漢奸」、不應該推崇岳飛、不應該紀念袁崇煥。
再者，香港其實大部分人的先祖都係十九世紀末至二十世紀中遷入，所謂同聲同氣其實都經過文化取代的過程，於香港而言廣府話取代了本土的圍頭話、客家話、蜑家話，身為既得利益者，實在沒有甚麼理由去冷嘲熱諷廣州人保衛廣州話。
[ 本帖最後由 DIH 於 2010-7-30 17:00 編輯 ]
>但中共推行簡化字是一錘定音，即使當時民情支持，站在文字發展上這都是一個倉卒的決定。
唔係好明點解一錘定音就係倉卒既決定..........
(利益申報: 我冇讀過文字學)
歷史上秦始皇採用小篆同隸書, 都係搵一個李斯, 搵一個程邈去設計字體.
都係一錘定音, 以政治力量推行, 而且推行得好急..........
但隸書去到漢代就成為主要文字, 後來更變成楷書.
若果說今次都係為左書寫方便, 推行簡體字, 我反而覺得係自然發展......
(睇返語音, 都係循住 簡=>繁=>簡既路線走.........而家既廣東話, 已經比中古音簡化左.)
所以, 若果係倉卒既話, 倉卒到「破壞左漢字本身既意思」,
我諗係設計簡化字沒有好周詳考慮到漢字既某d 元素.........
有一些簡化字如「為」咁, 我感覺係從草書既「為」字抄出黎, 都算ok.
但有部分就好唔得...........
如我以前見過一篇文, 研究日本既「營」字,
上面兩個「火」字簡化做「當」字上面既三點, 保留了代表「火」既意思, 很好
(「火」有幾個變形, 一個係「當」字上面三點, 而最為人熟悉既一個就係「熱」字下面個四點).
但中國既簡化字「营」, 就變了兩根草............ :Q
這個就真係完全破壞了字義, 我諗這就真是一個很不妥的地方........
話說回頭, 語音不停改變, 有時都冇辦法阻止到語音「改朝換代」既事實.
以前上中古有清濁音, 後來粵語只有清音; 而家粵語既九聲, 慢慢變成pth 既四調 (都好耐歷史了, 由五胡亂華開始).
惋惜都有少少既..........但都知道語言發展到太繁複時自然會簡化, 我自己就平常心lor.
閩語四聲八調之中, 第六聲都丟失了 (權與第二聲相同),
有時發展之下, 難以避免有d 語音 (甚至整個方言) 冇左.........
自己對方言既保留唔太樂觀, 因為下一代好多都唔識講鄉下話,
同樣, 時間一久, 我地n 代之後唔識廣東話又有何出奇..........
語言從來都係慢慢醖釀, 打壓唔會頓時收大效, 唔打壓又唔代表會流傳千秋萬世.........
個人認為到了最後, 廣東話都好可能會消失, 所以打壓只係使消失速度加快少少少許而已.
ps 我自己都好鍾意廣東話, 但明白左語言發展後, 真係不怎麼樂觀........:(
[ 本帖最後由 av220 於 2010-7-30 16:46 編輯 ]
原帖由 av220 於 2010-7-30 16:23 發表 http://www.hkitalk.net/HKiTalk2/images/common/back.gif
自己對方言既保留唔太樂觀, 因為下一代好多都唔識講鄉下話,
同樣, 時間一久, 我地n 代之後唔識廣東話又有何出奇..........
語言從來都係慢慢醖釀, 打壓唔會頓時收大效, 唔打壓又唔代表會流傳千秋萬世.........
個人認為到了最後, 廣東話都好可能會消失, 所以打壓只係使消失速度加快少少少許而已.
ps 我自己都好鍾意廣東話, 但明白左語言發展後, 真係不怎麼樂觀.......
這也是無可奈何，我讀生物的，就總會聯想到演化論。
今日的粵語雖然係比較古老的語言，但也不等於本身就係古漢語，
只係古漢語流傳下來，語音同用字變化比較不太大的其中一支。
若拿粵、閩、客家話等同北方話比較，大家都有不同程度的保留和因地制宜的創新，因此，也不用拘泥於古唔古。
世界的確會變，即使不推普，粵語也會慢慢變音，
假如有人用時光機回到200年前的廣州，相信都有一部分聽唔明，
再推前去到2000年前，粵語才剛剛在形成期，眼前只有一堆南蠻。
以此望向未來，我也不是要說粵語要保留千秋萬代。
正如20000年後的人類假如仍然生存，都一定和今天不一樣。
但係，推普之所以惹人反感，原因在於各方言本身仍然有一定的生命力，
以政治手段謀殺或陰乾之，就如鈍刀割牛頸，隻牛越健康，反抗就越大，雖然總有一日隻牛會支持唔住。
在人類開始重視多元文化的今天，中國卻反其道而行，骨子裡總是恨不得除方言而後快。
但中共眼中只有黨的利益而沒有國家利益，中國歷史上也不止一次因為領導鬥爭而鑄成大錯，
文革才過了不足50年，已經要搬返孔子儒家出來；又有誰能保證，若推普取得100%成功，
50年後唔會有一班只懂說普通話的文藝青年出來說要尋根，把粵語或任何一種方言從墳墓裡拉出來呢？
其實粵語能夠在廣州市甚至廣東省大部分地區有實際領導地位，在各方言中已經算係出類拔萃，
即使不作任何特別保留，理論上都可以支持到幾百年；但在中國境內人流交往頻繁的今天，
粵語已經急速被同化，如原屬普通話的「關窗」（閂窗）、「打傘」（開遮）都進入了內地粵語。
而這班粵語已經不太純正的新一代，又很多會同講普通話的同胞結婚，子女自然會講普通話，
香港勢孤力弱、澳門早已歸邊、海外華僑也越來越多用普通話及簡體字而棄鄉下話及傳統字，
只消一兩代、幾十年光景，近代唯一能和Mandarin分庭抗禮的Cantonese，
不論讀古書或是講粗口都字字鏗鏘的漢語活化石粵語，將會消失得無影無蹤，而這是說漢語的人自己造成。
[ 本帖最後由 DIH 於 2010-7-30 17:42 編輯 ]
原帖由 053h4 於 2010-7-30 18:01 發表 http://www.hkitalk.net/HKiTalk2/images/common/back.gif
普及普通話,就等同要消滅粵語?
話回來, 當廣東省有幾千萬人不是以粵語為為日常運用的語言時
地方電視台個別主流頻道增加非廣東話廣播時間, 為有關人仕服務
真的會引起所謂消滅多元文化的問題嗎? ...
本身普通話頻度已經有好多, 足以滿足普通話使用者的需要
同埋中共政府消滅多元文化的事例見得多
不難令人一聽到有人想用行政手段減少使用廣東話就出聲
溫水煮蛙, 到事情嚴重先出聲就太遲了