原帖由 AVW56 於 2010-8-1 22:30 發表 http://www.hkitalk.net/HKiTalk2/images/common/back.gif
無得點諗, 咪唯有少數服從多數囉.
少數服從多數係一個比較公平的做法,
總無理由要大部分人去遷就小數人.
再講, 人地係做生意, 如果有一日香港的新移民/自由行真係多過本地人,
你係KFC, 你都會轉賣北方風味啦, 唔同你有錢唔賺協助保存 "香港美式快餐文化"?
呢D, 就係社會演變, 人想阻, 都阻唔到, 只能接受.
點解M記唔賣"乾炒牛河"? 有錢唔賺?
700萬人入到M記都想過叫"乾炒牛河" (或其他港式風味) , M記應該賣啦, 學你話齋 "少數服從多數"嘛:victory:
[ 本帖最後由 barking 於 2010-8-2 00:29 編輯 ]
原帖由 053h4 於 2010-7-30 20:38 發表 http://www.hkitalk.net/HKiTalk2/images/common/back.gif
而中共真係要消滅多元文化, 就唔會部留少數民族的文字語言
當然, 你可以話, 其地位唔等同漢語
但係, 真係有做野LOR
數據化去睇, 自秦朝, 中國二千多年歷史洪流裏, 趨勢仍然係北方文化不斷滲透落南方 (南至安南國則可免疫)
所以, 即使要談"消滅", 都唔關中共事
如果講廣州，請自行閱讀各大傳媒的報導，我唔引喇。
如果講香港，我姑且試下探討，香港人由幾時開始對新移民有排他甚至歧視的心態？
我諗至少在「阿燦」的年代已經開始，那個年代正是中國大陸受文革摧殘百廢待興，
香港台灣卻是經濟快速增長，深圳河兩岸經濟及文化差距越拉越闊。
其時「香港土生土長的城市人」已經成長，亦即是所謂本土意識興起。
改革開放前，來香港的內地人是專才、學者、藝術家，同時香港本身也不是很發達，這批人參與了香港的建設；
改革開放後，來香港的內地人是普遍知識水平和營生能力較低的一群，但香港經濟已經起飛，
當時已經成長或即將踏入社會的「香港人」，覺得被內地移民搶飯碗、拉低整體生活水平，
從而產生排外心理，進而將內地人異化，也不出奇，而其中最容易的就是抬高自己文化的地位。
再基於長期與內地隔絕，在《網中人》受歡迎、「阿燦」街知巷聞的同時，
也一定要港人本身已有這樣的思想才能成事，典型就是那樣誕生。
到了九十年代及回歸後，香港人則由自大變為自卑，
昔日仇恨、恐懼、抗拒的共產黨竟然就來到了面前，
政治上受兩任庸特首所累，事事都要聽中央發落；
經濟上跟內地也越來越緊密，又自願或被迫要依靠內地經濟發展，
也難免會有人覺得香港威勢盡失，阿爺未叫你跪你已經搖頭擺尾。
到這個時候，則是另一批人認為一定要在香港和大陸之間劃一條界線，
才能保住自己的少少尊嚴，港人變得連內地的有錢人及專才也看不過眼。
的確，暴發戶有錢大晒的心態，香港人自己都曾經做過，返大陸擺大爺款都有好多，
但經過金融風暴、沙士等，部分香港人已轉為著重金錢以外的價值，可以話已經「升呢」，
相比之下，內地富戶即使有錢，但未能發財立品，部分人看在眼裡亦不好受。
換轉廿年前，若有人發展大浪西灣，會唔會咁多人抗議呢？
以上只是針對香港人對內地人抱有歧視或排他心理的來由，非常簡單籠統的論述，
每個人都有自己的經驗和意見，我只是說出我的意見。
我也不是社會學家，只是「喱民」一個，歡迎其他板友補充或提供其他論點。
－－－
關於語言方面，有一點要搞清楚，為了遷就外來人口而漸漸以普通話為主流是一回事，
你的小孩從牙牙學語開始就要受政府支配說甚麼語言又是另一回事。
不能說這不是一個政治問題，「廣州人不高興」。
山高皇帝遠，粵人唔習慣畀人管，反而凌駕其他人的經驗較多，自由慣，所以而家咪唔gur囉。
歷史上，兩廣政治相對穩定，物阜民豐，較早接觸外國文化，又是近代中國革命的搖籃，
國父的母語都係粵語，加上香港經濟發達，文化內輸，海外又有大量移民後代操粵語，
廣州人以至說粵語的人有一種全中國境內最高最盛的文化優越感，亦是非常合理之事。
作壁上觀，廣東省頗多頻道有粵語廣播，絕對是中國語言中的奇葩，
而家畀人提議加普通話時段，而學校內粵語也早已被推普推走了，可以話粵語有咁耐風流有咁耐折墮；
但當你自己是這個語言的使用族群，身邊親戚朋友越來越少人同你同聲同氣，
廣州終於要同神州大地睇齊，唔可以偏居南隅，唔可以自成一格，又點睇呢？
關於外來人口多，唔到你揀的問題，但又要睇返，有幾多外來工作人口，真係可以融入到當地生活呢？
要問廣東人有冇排儕外省人之餘（睇下部分撐粵標語），外來人口又係咪只當南粵係掘金地，掘完就走呢？
如果佢地都係賺夠就走，或隨工作而流動，沒有留下來開枝散葉的意思，
咁我唔認為應該要長居此地的人為了過客而改變自己的口音。
廣州近來所謂粵普之爭，越演越烈實在連我也覺得詫異，但更突顯矛盾之嚴重；
要思考的是，全國性要少數服從多數相信沒有甚麼異議，但地區內是否也要外江支配地頭蟲呢？
不說廣州話的廣州，還是不是廣州呢？廣州人並非完全反對普通話，只係對本身文化日漸消逝感到不甘。
講到文化、習俗，又係咪一句人多，就代表必然要別人配合呢？「入鄉隨俗」，有多少人還能貫徹執行呢？
繼美國人埋怨日本人說不好英文後，現在開始冒升的是中國人埋怨歐洲沒有中文，或香港的標示沒有簡體字。
跟日本人不同的是，有部分香港人，的確可以為了迎合內地而自行使用簡體字，
甚至明明父母都係學繁體字大，但所謂為了給子女更好的競爭力，一讀書就讀普通話及簡體。
在這個問題上，我覺得他們和那些明明在香港長大卻以中文說不好為榮、滿口洋腔英語的黃皮白心無兩樣。
誠然我對內地情況冇其他板友咁了解，但我相信，廣州人上街，冰封三尺非一日之寒。
[ 本帖最後由 DIH 於 2010-8-4 10:18 編輯 ]
原帖由 053h4 於 2010-8-1 23:59 發表 http://www.hkitalk.net/HKiTalk2/images/common/back.gif
呢個不成文規定, 難聽D講咪叫排外
當年無人會示威反廣府話
換到21世紀, 就好似深圳咁, 你唔同潮州人講潮州話, 同客家人講客家話
生意唔會無得造, 難做D咁解啦
所以, 難怪廣州人網上成日同深圳人嘈, 似乎你的解釋 ...
唔同意閣下話香港無晒冰室同無人講潮州話, 冰室只可以講式微或者為求生存而隨時代轉變, 只係無 coffee shop咁成行成市.
香港講潮州話仲有好多人, 不過只限年長一輩潮州人多.
其實方言, 我相信每個國家都有 (好似日文, 就已經有關東, 關西, 甚至沖繩, 北海道都有分別; 英語單單威爾斯同英格蘭都已經唔同) 重點係個國家政府點去求同存異. 呢樣野不論中共為政者, 甚至國民都應該去學下.
原帖由 DIH 於 2010-7-31 12:13 發表 http://www.hkitalk.net/HKiTalk2/images/common/back.gif
若要推普同時不廢棄方言，要有以下條件：
1. 中共要抱著尊重方言而不是蔑視方言的心態
2. 中共要認為保存方言有助得民心，不要以為方言是阻礙和諧的絆腳石
3. 中共要投放相當資源，在教育普通話及規範漢語同時，保留方言教育
4. 中共盡量任用本地人做地方官員，使方言能在官方場合出現，承認方言地位，加強民眾親切感
正如之前所講
實際上方言會被用作排儕外省人ge工具
如果以你所講咁樣做
就會助長山頭主義
保粵語ge心態同其實同語言本身無太大關係
而係本地人對外省人入侵生活圈子ge一種反抗情緒
同反高鐵一樣
拎出一堆撐粵語ge理由無非係將呢件事包裝到睇上黎好合理而矣
原帖由 kychung 於 2010-8-3 14:46 發表 http://www.hkitalk.net/HKiTalk2/images/common/back.gif
正如之前所講
實際上方言會被用作排儕外省人ge工具
如果以你所講咁樣做
就會助長山頭主義
保粵語ge心態同其實同語言本身無太大關係
而係本地人對外省人入侵生活圈子ge一種反抗情緒
同反高鐵一樣
拎出一堆撐粵語ge ...
你又有冇諗過, 北京話(普通話)也可能成為排儕母語非北方語系族群ge工具?
曾經試過打電話上深圳追貨，追貨追到佢慶慶地，呢位銷售部的"北姑"就好寸咁回答：「你普通话说得（扯高音調）不标准要我怎样跟你们谈好呢？」
然後佢就cut綫
雖然眾所周知佢係燥底，不過明顯係人身攻擊囉，亦有以語言排儕的意味。
講真，純香港人要講到所謂的「標準」真係無幾個可以