[趣談]美麗的誤會、可笑的誤解
“細路，你邊度架？黎呢個球場玩？未死過呀？”一些青年板友可能會對呢個撲滅罪行廣告的對白耳熟能詳。
小弟睇佐呢個廣告後，一度以為在街場打波的一定係黑社會成員、童黨。
或只有黑社會成員、童黨才會在街場打波。
加上某些電視、電影在球場打架、廝殺的場面，
令小弟小時候唔敢自己落街場打波（怕被人打嘛）。
大家曾經有無一d類似的誤解、錯的諗法呢？
以前小弟食有核生果的時候會特別小心。
因為怕一旦吞佐粒核落肚，就會發芽，生棵樹出黎。
另外，多年前有部電影“4個32A及一個香蕉少年”。
小弟當年一聽到呢個電影名，
以為4個32A，係指4個在會考加埋拎32個A的女仔（而家當然知32A解乜啦:P）...
若果大家要插、笑、挖苦小弟ge，無任歡迎:)
要分享的，當然更加無問題啦。 以前唔記得邊隻朱古力既廣告
廣告裡面d 人食左之後會變左動物頭
結果我一直都唔敢食果隻朱古力
(不過而家果隻朱古力都冇得賣囉...)
後加OT一講：
連逐打左幾次「朱古功」都唔知
我都算「勁」...:L
另加多謝提點
[ 本帖最後由 Ketsu 於 2006-1-5 21:03 編輯 ] 原帖由 Ketsu 於 2006-1-5 17:21 發表
朱古功
應該係朱古力
我有個表弟
睇完《黃飛鴻笑傳》之後
真係以為黃飛鴻唔識打功夫 以前聽得太多籃球場既血案，結果到而家都唔會打籃球
睇過一套外國片，講訓訓覺屋企人會變哂曱甴，之後細個唔敢同爸爸媽媽訓
聽過一個鬼古，話UFO會黎，仲識破牆，細個會捲入被窩等佢地見唔到我 我就冇咩
不過 新聞透視 - Today o既 "一氧化二氫" 有 D 人好似以為係 d 有危險 o既 化合物
其實 "一氧化二氫" = H2O = 水 ~~~ 最經典的是：「山楂」 (可食用) ←→「山埃」 (有毒)
細個聽歌聽到「命運是對手」，以為「對」字是量詞。 原帖由 238X 於 2006-1-5 22:37 發表
細個聽歌聽到「命運是對手」，以為「對」字是量詞。
講到歌詞，不得不提呢個誤聽：
「瀟瀟灑灑的 給我瀟灑的相機」
第一次聽真係R哂頭... 原帖由 s3n370 於 2006-1-5 22:43 發表
講到歌詞，不得不提呢個誤聽：
「瀟瀟灑灑的 給我瀟灑的相機」
第一次聽真係R哂頭...
哈哈﹐呢個誤會﹐曾經被某牌子相機拿黎做廣告架﹗
仲要搵番梁朝偉賣﹐但係有無人記得係咩牌子呀﹖
另外小弟有一個勁低能0既誤會﹕
‘如果太多牛奶味﹐朱古力味無定企....’
由於呢個維他朱古力奶廣告度有一隻啡色0既豬﹐
令我以為朱古力奶係由豬度黎架﹗:o 原帖由 238X 於 2006-1-5 22:37 發表
最經典的是：「山楂」 (可食用) ←→「山埃」 (有毒)
細個聽歌聽到「命運是對手」，以為「對」字是量詞。
haha, 有個類似0既... 姑丈難明~~ 呢個誤會係同巴士有關既。
細個成日出入新蒲崗，常和屋企人在彩虹道伍華對面番3B/5C/21番土瓜灣。
那時巴士站對面係樂善道路口，經常見到2D/10既巴士從樂善道轉入彩虹道
去竹園/彩雲。我以為巴士路線回程一定要行番一樣相反既路，咁我就成日
諗：彩虹道中間有欄杆，轉唔到過去樂善道喎，咁2D同10號回程如何由彩
虹道轉過去樂善道？唔通D巴士行到去路口可以禁個掣就會起飛，跨過欄杆
飛過去對面轉入樂善道？
後來才明白2D/10回程係行東頭村道既。