人地機位已經唔夠, 你仲要搵多幾個人去爭位
p.s. 不過派過去果 d 就認真開心, 有得免費遊埠 原帖由 Quanta 於 2010-12-21 01:30 發表 http://www.hkitalk.net/HKiTalk2/images/common/back.gif
p.s. 不過派過去果 d 就認真開心, 有得免費遊埠
咁講又有D問題, 你估咁樣過去真係好好做咩?
得幾個人, 又做唔到乜, 肯定變出氣袋la.. 而且英國周圍都係雪,
機場又亂, 好多野都取消, 真係"遊埠"咁HAPPY咩?
就算你免費送我去, 唔駛做, 我都唔去la @@
我當年因為有液體炸彈問題, 我都滯留過希思路, D行李仲滯留左
一星期, 呢個機場下下講到自己幾勁, 但次次一出事, 仲亂過第三
世界, d人講野無句真, 我真係聽見都怕怕, 以後有乜旅行, 除左去
LONDON, 都會盡量避希思路...
[ 本帖最後由 3ASV196 於 2010-12-21 08:06 編輯 ] 原帖由 AVW56 於 2010-12-21 00:54 發表 http://www.hkitalk.net/HKiTalk2/images/common/back.gif
原因好簡單: 去讀名牌大學嘛, 浸過咸水返黎威D嘛
你知香港人幾崇洋架喇
依家正正就係呢d心態
完全扭曲咗出國留學嘅真正意義
講真,英國又唔係咩第三世界國家
上唔到機,咪返去宿舍/homestay
依家航空交通混亂,唔代表陸路都咁大鑊ga嘛
何苦要瞓機場,搞到自己好似好慘,搞到好似上唔到機就死人咁款?
(當然,可以向航空公司爭取補償/補救方法,始終都畀咗錢)
出國留學就係要學識獨立
依家只係上唔到機咁小事都喊哂口咁
come on...好小事而已
第時出嚟做嘢公幹一樣有機會遇到類似情況
唔通到時又喊哂口咁瞓機場?
香港人,轉轉彎,OK? 原帖由 AVW56 於 2010-12-21 00:54 發表 http://www.hkitalk.net/HKiTalk2/images/common/back.gif
原因好簡單: 去讀名牌大學嘛, 浸過咸水返黎威D嘛
你知香港人幾崇洋架喇
又黎抽水喇……
果d 會考/A-level衰左，屋企有錢送去外國雞校讀書既唔計，如果一個學生
HKU/中大/科大收左，同時牛津/劍橋/LSE又收佢，而屋企又afford得起，你話佢會揀邊度喇。
識得一個小學同學，今年科大畢業，入到間投行做，一個月人工$18,000，
佢有個同事LSE出身，做既野同佢一樣，一個月$50,000，
我本身唔係巿儈，但係呢個唔係崇唔崇洋的問題，而係practical issue。
再者，去外面讀書，只要善用每一個機會，得著一定比香港多好多。
雖則我相當同意樓上所講，去外面讀書的重點之一係培養獨立能力。 原帖由 s3n370 於 2010-12-20 23:57 發表 http://www.hkitalk.net/HKiTalk2/images/common/back.gif
聽到一個接受訪問留學生語，話擔心滯留期間無人照顧。
小弟不禁想，這個小危機不正是最好的訓練機會嗎？
擔心無人照顧的話，何苦要出外留學呢？家長又何苦送子女出外呢？
再者，我就唔明點解呢班去外面讀書的留學生，咁多都會諗住成日返香港
（英國一般行tri-semesters制，spring break有成個月咁長，識得有中學同學果邊讀undergrad，一年返香港三次:funk:）
難得出到去，唔係應該把握機會，體驗當地生活文化，遊覽英國以至成個歐洲，得著肯定比返香港大得多。
出到去讀書的人，淨係識諗住放假返香港；相比之下，
大把出唔到去讀書的人，好似我呢d，當年undergrad香港讀，不知幾想周圍見識見識，
結果都係靠去exchange同埋而家讀grad school的假期，去過美國東西兩岸唔少主要城巿，
唔係吹水，但係我相信我睇到既野，隨時多過果班外國留學但係一放假就返香港，對世事不聞不問的人。
一年返一次香港，探屋企人 + 朋友，已經好夠架啦，我今年聖誕都無返香港。 原帖由 S3BL100 於 2010-12-21 11:07 發表 http://www.hkitalk.net/HKiTalk2/images/common/back.gif
再者，我就唔明點解呢班去外面讀書的留學生，咁多都會諗住成日返香港
（英國一般行tri-semesters制，spring break有成個月咁長，識得有中學同學果邊讀undergrad，一年返香港三次:funk:）
難得出到去，唔係應該把握機會，體驗當地生活 ...
咁講返, 依家好多話有問題的, 都係未成年學生, 即都未上大學的一班,
又唔好搵undergrad去比gei....
始終未成年, 尤其如果16歲下一d,好多方面都未必咁便捷, 亦唔會
話隨便去到旅行體驗... 我覺得最大問題係，家吓天氣惡劣就出包機，係唔係次次大雪/打風都要出包機？唔係暴動，唔係災難性天氣/地震，無即時危險，點解出包機呢？自己身上無錢嘅，屋企即刻轉返幾百鎊落戶口都得嘛？雖然而家海陸空交通都大混亂，學校宿舍又閂門，但係地鐵繼續開，應該都可以搵到地方住。
回復 16# 的帖子
中學何來有一個月復活節假？中學生點樣自己一個四圍遊埠？唔返香港要搵監護人都好重皮架。 原帖由 fm1234 於 2010-12-20 21:55 發表 http://www.hkitalk.net/HKiTalk2/images/common/back.gif無辦法啦，之前泰國單野無出包機被人狂轟，菲律賓o個單出包機、反應快，加分！
今次咪又照辦煮碗，包機！但完全無諗實際情況…:L
Didn't u know this time already because 無出包機被人狂轟??
港生滯英零援手 政府無鬼用
http://the-sun.on.cc/cnt/news/20101220/00405_001.html
滯英學生無人理 家長轟航空公司及1868
http://tv.on.cc/index.html?s=3&ss=15&i=ONS-101220-11635-34M-APN&d=1292861487
港人有家歸不得 舊恨未消添新仇
http://orientaldaily.on.cc/cnt/news/20101221/00186_001.html 原帖由 Kaix 於 2010-12-21 13:40 發表 http://www.hkitalk.net/HKiTalk2/images/common/back.gif
Didn't u know this time already because 無出包機被人狂轟??
港生滯英零援手 政府無鬼用
http://the-sun.on.cc/cnt/news/20101220/00405_001.html
滯英學生無人理 家長轟航空公司及1868
http://tv.on.cc/in ...
全部都係oncc，到底係特首治港定「東太」治港？:L（無影射無影射無影射）
又，何解方向集團唔叫政府派包機去德國法國？:lol
我自己都有接近30歲的朋友被困法國，而佢正在英國留學，
除了在飛卜update一下之外，其實真係無乜可以做架喎。
不過都要諗返，有一些學生係「被留學」的，可能係成績唔好去野雞，
可能係成績好、想讀個勁學位但自己個心其實好黐家，甚至可能因家庭問題而放洋，乜人都有，
亦都可能係遊學團或交流等等，成棚十零歲在當地，我唔想鬧錯人，
佢地可能真係自理能力唔太好，甚至根本只係過客，唔係一句訓練獨立就可以了事。
英國的special case就因為始終係「養娘」，同香港關係密切，
相比其他歐洲國家，會有一班年紀比較細的人在當地，而政府層面的溝通亦比較容易及全面。
「東太」的評論就真係牽強得可以。
今次事件，唔係生死存亡的事，派包機我覺得係浪費資源，
你話派幾個人過去幫忙協調都講得通，但載人返港都係push下國泰就算啦，
我人不在當地，唔知情況有幾惡劣，派架包機去，會否浪費了當地寶貴的slot而對其他人不公？
港鐵故障又唔見「東太」叫政府包車送市民返工？
Anyway，既然係要派，咁就唔該做得好好睇睇，
希望政府係真心想解決問題、經過評估之後決定派，而唔係畀張報紙叫你去派。
在理雖未必真係有急切需要，在情我都唔想因為自己的固執而令到一班人明明有解決方法都「被唔包」。
[ 本帖最後由 DIH 於 2010-12-21 17:15 編輯 ]