原帖由 hkth 於 2011-3-15 08:15 發表 http://www.hkitalk.net/HKiTalk2/images/common/back.gif
又爆炸了! :funk:
香港電台報導:
福 島 第 一 核 電 廠 2 號 廠 房 傳 爆 炸 聲 周 邊 輻 射 量 度 曾 上 升
2號廠房似乎問題更大, d原料棒曾完全外露, 今次爆可能更大獲...
核子一出事, 就好難處理, 好多時未必人可以控制, 我想長遠科學家們都
要研究下核能點樣可以更安全
原帖由 3ASV196 於 2011-3-15 08:23 發表 http://www.hkitalk.net/HKiTalk2/images/common/back.gif
2號廠房似乎問題更大, d原料棒曾完全外露, 今次爆可能更大獲...
核子一出事, 就好難處理, 好多時未必人可以控制, 我想長遠科學家們都
要研究下核能點樣可以更安全 ...
真正長遠倒不如諗太陽能、風能、潮汐能如何可以擴大利用。
我真係唔明核能有幾咁「潔淨」，唔需要有切爾諾貝爾、三哩島同福島，
淨係學過原理就已經覺得不適宜由人類使用。Murphy's Law.
核能發電話就話有多重防護、各套程序管制（而家日本理論上都係跟緊程序），
但正正因為學說本身唔係凡夫俗子能夠明白、一旦出事又有太多顧慮、
甚至連係咪出事都要靠儀器去檢測，因專業水平要求高而令透明度不佳。
一旦發生天災人禍，核電廠周圍人數最多的唔係核專家，而係平民，
佢地如何判斷自己是否受影響？應該走、留在屋內、定參與救援？
國家機器傳消息幾快都唔夠居民自己察覺快，但正因為輻射無色無味無臭，
而且可以穿牆過壁（平民鬼知你乜野alpha/beta/gamma），可能有人自己中招都唔知。
再講，核能發電其實只係煲水去推動渦輪機，而唔係核子反應本身的功勞，
咁只要有其他替代方法可以有效率地煲水或轉渦輪，問題就已經解決。
雖然我平時都算係半個環保人士，但我寧願燒多Ｄ化石燃料都好過建更多核電廠，
至少我知道噴出來的二氧化碳可以相對短時間內由植物吸收，
核污染講緊係幾十年甚至上百年的遺害，唔怕一萬只怕萬一。
[ 本帖最後由 DIH 於 2011-3-15 10:55 編輯 ]
而家好似越來越大劑。
共同社：東京偵測到微量輻射
http://news.rti.org.tw/index_newsContent.aspx?nid=286048&id=6&id2=2
「他們已偵測到碘和銫」
「埼玉縣(Saitama)，輻射標準是正常的40倍」
東京大逃亡可以話係只欠東風。
唔好話我危言聳聽，如果我係一個長住東京的人，我都會諗下有冇辦法走，
唔係明知會放gamma rays的銫-137「梗有一粒係左近」都完全唔諗後著呀嘛？
理論上幾咁安全係無用，當有「人」這個因素，所有可能出錯的地方都可以出錯。
真係洩漏輻射的話，一般市民唔會有防核裝備，
而銫-137的半衰期長達30年，切爾諾貝爾出事25年後，現在主要的輻射源就係銫-137。
[ 本帖最後由 DIH 於 2011-3-15 13:07 編輯 ]
日本地震同海嘯發生左幾日,
依家福島果邊仲有輻射,
希望日本今次可以大步檻過啦
小弟有一群係東京住既親戚,
呢幾日同佢地聯絡過,
佢地都話係東京住左咁多年,
東京未試過咁混亂,
JR有限度服務,食物搶購一空,汽油有限發售,
依家又有輻射雨,
但佢地表示未考慮離開東京避一避,
因為係東京有事業,
不過諗住安排小弟既祖母到關西或者hk暫住
最後希望大家可以捐錢比日本,重建日本
原帖由 053h4 於 2011-3-15 14:24 發表 http://www.hkitalk.net/HKiTalk2/images/common/back.gif
中國雪災地震都優先保障災區的重點設施或公共事業的能源供應
以免災區或沒有直接受災的地區出現物資食物供應不足的情況
根據新聞, 災區唔會停電呀
「岩 手 縣 、 宮 城 縣 、 福 島 縣 等 災 區 不 會 停 電 。」
(source: RTHK http://www.rthk.org.hk/rthk/news ... htm?expressnews&;20110315&55&741088)
原帖由 053h4 於 2011-3-15 14:24 發表 http://www.hkitalk.net/HKiTalk2/images/common/back.gif
中國雪災地震都優先保障災區的重點設施或公共事業的能源供應
以免災區或沒有直接受災的地區出現物資食物供應不足的情況
日本而家的情況, 同處理手法係比較難理解
當然, 估計和關東關西地區供電的的頻率唔同有一定關係
災區本身有不少核電廠，如意算盤係由東北產電給首都用，
但一個地震一個海嘯，產電區自身難保，個個核爐都停晒，
後勤區變災區，由國內別處輸送都唔知應唔應付到。
災區供電無問題，災區用電好少（唉，屋都爛晒人都死晒，邊個用電？），
而係首都圈失去後勤，所以首都圈要停電。
電壓不同唔係大問題，係有變換所的。
http://en.wikipedia.org/wiki/Electricity_sector_in_Japan
但係：
http://news.cnyes.com/Content/20110315/KDVMGCA8KC4GA.shtml
「根據《日本經濟新聞》報導，東京電力的福島第一和第二核電站共能產生約910萬千瓦的電力，
其旗下5座傳統火電站大約能供應700萬千瓦，上述兩大電力供應在地震后均已停止運作。
目前東京地區大約需要4100萬千瓦的電力，供應缺口高達1000萬千瓦。 」
http://news.chinatimes.com/focus/50108314/112011031500152.html
「九州電力公司已自十二日起每天開始輸送十五萬千瓦電力給核電廠受損嚴重的東京電力公司。」
我唔知幫到幾多喇。
[ 本帖最後由 DIH 於 2011-3-15 16:56 編輯 ]
原帖由 053h4 於 2011-3-14 15:50 發表 http://hkitalk.net/HKiTalk2/images/common/back.gif
無人敢講話香港唔會發生大地震, 但風險真係好細好細, 我覺得擔心唔到咁多
另外, 就而家日本核電廠的問題, 買日本產品同食品時都要小心
香港會唔會發生大地震真係冇人會知,
但係歷史資料除左而家話搵到個條斷層之外,
就係 1918 年南澳 (汕頭) 7.3 級淺層地震 - (香港距離汕頭唔算遠, 當年地震香港係有明顯震感) ~
- 另外, 就而家日本核電廠的問題, 買日本產品同食品時都要小心
所以而家 d 家長未開始買日本奶粉 (過左呢批之後你都唔知夠唔夠膽食)
當然魚生個 d 又唔係算話日本專利 (其他國家都一樣有出三文魚等海鮮), 只不過食個間餐廳起邊個國家入貨就真係唔知咁解姐 ~