深圳地鐵經驗分享
話說小弟六月被借調上深圳公司，日日都幫襯深圳地鐵。剛好深圳地鐵大開通，又叫有幾個post關於深圳地鐵，大家有興趣就分享一點經歷和大家，如果大家有問題我都會盡力解答事先聲明：因為我唔係鐵路迷，有 technical term 如果錯左勞煩各位師兄幫手指證下，因為我上去係做野唔係玩所以手頭的相也不多，如果各位技癢歡迎在此post加上大家影的靚靚照片
前言：深圳八月會進行世界大學生運動會，深圳今年六月就把完本年半後才落成的地鐵延線 / 新線趕工完成，但部分地鐵站配套仍未完善，例如扶手電梯未開通、部分出口未開通、出口外道路未開通等...
http://a3.sphotos.ak.fbcdn.net/hphotos-ak-ash4/261816_2192633705411_1534208128_2352914_3046274_n.jpg
Pic 1: 地鐵站出口仍是一片工地(大新站)
收費：深鐵收費由$2到$11不等，以站數為計算方式。因為世界大學生運動會的關係，乘客在六月至九月使用深圳通搭深圳地鐵有九折優惠。深圳通就是香港的八達通，有租用版(緣色)和買斷版(黃色)，兩者分別是前者每個月扣押金其中$0.5做月租，直至用完$25為止，而後者押金則完全唔可以退還。
http://a6.sphotos.ak.fbcdn.net/hphotos-ak-snc6/263591_2192698267025_1534208128_2352964_4388293_n.jpg
Pic 2: 租用版深圳通
安檢：亦因為世界大學生運動會的關係，乘客在六月至九月使用深圳地鐵必須在閘口前接受安檢，其實係將隨身物品落X光機驗一驗，大家北上時記得唔好帶刀仔在身，比人檢出來解釋掃興就唔太好吧！
1號線(羅寶線)：羅寶線係深鐵的骨幹，延長前由羅湖去到深大，延長後更遠至寶安機場。據觀察，羅寶線出車有三種，一種是頭批用車，另一批是南車浦鎮，最新的一批應該是長春北車(用LED燈)。羅寶線出車比較穩定，繁忙時間三分鐘內會有車，行車亦很少延誤，間中有特車會「攝入」做清客之用(除竹子林外部分車站亦採用雙島式月台設計)。如網友所言，羅寶線係一條非常繁忙的鐵路線，由朝早七年到晚上十一點架車都好多人，若與香港相比，此線是香港的荃灣線來...
http://a6.sphotos.ak.fbcdn.net/hphotos-ak-snc6/270423_2192632305376_1534208128_2352911_6985732_n.jpg
Pic 3: 羅寶線廷長後首列車
http://a1.sphotos.ak.fbcdn.net/hphotos-ak-snc6/270316_2192621905116_1534208128_2352899_6094170_n.jpg
Pic 4 新出廠的北車(使用LED燈)
2號線(蛇口線)：2009年開通，一條好少人搭亦好早收的線(延長前)，我每天繁忙時間中途站上車都會有位坐，延長前尾車時間是19:30。六月尾路線延長至新秀後尾車終於都延至十一點幾。
http://a4.sphotos.ak.fbcdn.net/hphotos-ak-ash4/270395_2192613184898_1534208128_2352895_1071781_n.jpg
Pic5 深鐵轉乘唔係同月台，要上/下一層先可以(世界之窗站)
http://a2.sphotos.ak.fbcdn.net/hphotos-ak-snc6/267970_2192613624909_1534208128_2352896_709246_n.jpg
Pic 6 蛇口線列車，留意車門上的LCD mom 會顯示車程和每個車站的出口資訊
3號線(龍崗線)：原來此線並無連接到深鐵其它路線，但延長後終於與其他路線相通，因工作地點關係仍未試搭，下星期如有時間會試搭再同大家分享！
4號線(龍華線)：大家再熟悉而最易誤會的路線，此話何解？首先，此線由大家熟悉的港鐵營運。在香港，可能大家都認為港鐵覺得是可靠和快捷的交通公具，然而，龍華線卻是深圳最不可靠的路線：
A. 用車不足：龍華線只有四卡車，載客量不足。據聞，延長前用車只有四抽，延長後亦只有少於十抽車(待求證)。繁忙時間和非繁忙時間都要等八分鐘車，其實很不人道...
B. 經常故障：龍華線幾乎每天都會有訊號故障，短則5分鐘，最耐試過等45分鐘...港鐵公司在龍華線使用的是西門子出品的訊號系統(西鐵用果套？)，此系統在下雨天時會極不穩定，我試過在福田口岸等半個鐘頭都無車就係因為訊號故障，來了兩列車都是無燈無冷氣要私走。另一方面，間中亦會出現列車延誤和等待訊號的訊息，但大家要記得此線是八分鐘一班...
C. 列車無清潔：因為龍華線延誤得太緊要，列車去到福田後幾乎一落一走即走，結果車廂無時間被清潔。
同同事傾過，深圳人唔鐘意搭龍華線，攪得搞包裝搞宣傳不如給力加車加卡好過，做為香港人的我聽完有點兒尷尬...
5號線(環中線)：新開路線，深圳人稱此線為大運專線因為此線可以去到幾個主要比賽場館。呢條可以話係近郊鐵路，但大家搭呢條線要留意此線是13分鐘一班...
溫馨提示：最後，請大家留意，深圳地鐵明文規定站內攝影要事先獲得批準，無人阻你影相是好運，有人阻你影相是正常，希望大家留意。「自由」一詞在香港適用，而在深圳河對岸只是宣傳口號，大家記得留意。
[ 本帖最後由 卡達哥 於 2011-7-2 12:02 編輯 ] 講開地鐵,我又講下先
出口:
上個禮拜係大新站出閘見到出口附近都係爛地真係笑左
我出站果個出口直頭連站名都冇.....反而其他兩個都有站名
安檢:
尋日係羅湖入閘,d人排晒長龍等安檢....起碼有成40-50人
見到咁既情況唔對路,試下繞路第2邊入....結果係冇人檢查直行直過
之後係國貿站再入站,多人到直行直過唔過機都係冇人理~
5號線
應該唔駛13分鐘一班....果日坐差唔多隔1-2個站就見到對頭車
應該唔會太疏掛
不過埋站真係好快...開完門到開始關門都係10-15秒左右
轉車
老街個轉車站係過對面轉車,唔知仲以為自己去左金鐘咁
同埋佢d樓梯/扶手電梯係中間而唔係兩邊,上落都算方便既
3號線
尋日係老街坐去草埔....好多段路都係"風琴腳"...起碼dup左有7-8次
難為企果班人
之前坐過龍崗段都唔覺有咁既問題
最後真係要讚下草埔站(市吉檢查站)個巴總
換過晒d路線牌,d 坑修葺好整過晒,靚仔左好多
不過d資料好似有錯既(唔知係我睇錯野定係....) 原帖由 aPower 於 2011-7-2 15:17 發表 http://www.hkitalk.net/HKiTalk2/images/common/back.gif
深圳地鐵都唔係完全無對面站台換乘
老街站 (羅寶線 <-> 龍崗線)
黃貝嶺 (蛇口線 <-> 環中線)
都係對面站台換乘
而且好多換乘站兩線既路軌都係呈十字型上下橫跨
只有少數車站做到上、落一層 (甚至兩層) 換乘
其他 (除左早有預留既會展中心、世界之窗) 就要先上站廳再行百幾米既換乘通道 (即係香港既九龍塘式)
係大型換乘站，好似布吉、深圳北甘、行得就仲甘
十字型上下橫跨(全是島轉側)
會展中心(1號島4號側)
世界之窗(1號島2號側)
福田(2號島3號側，留意的是3,4號站台是預留給11號線，龍崗線是5,6號站台)
寶安中心(1號島5號側)
老街站只限羅湖、國貿<->益田或機場東<->雙龍同層換乘，羅湖、國貿<->雙龍需下一層、
機場東<->益田需上一層(或考慮在購物公園站換乘)
需橫跨大堂換乘
前海灣(羅寶線<-->環中線)
黃貝嶺(往返新秀站換乘環中線)
為甚麼前海灣站不規劃同台換乘(羅湖<->環中線各站)，基本上往前海灣過寶安中心站只有十多位乘客在列車上。
其餘各站都是通道換乘，以購物公園站最為不便，換乘通道可以用過山車來形容；深圳北站需用自動梯上或落
四層；布吉站比想像中好得多，有自動梯往返龍崗線大堂及環中線大堂，上落只需三層。
換乘通道中以大劇院最短；少年宮有自動行人道連接；少年宮及市民中心換乘通道兩端有熒幕顯出換乘線路兩邊
方向的尚餘到達時間。 羅寶線127(X)-152(X)是南車株機(株州電力機車)，123(X)-126(X)是北車長客，北車長客是訂先過南車株機，不過最
先服務的是南車株機。環中線列車都是南車株機，不過是採用與蛇口線相近的LCD Mon取代橫點線路圖。
雙島式月台除竹子林外尚有西鄉，固戍是一島(往機場東)一側(往羅湖)。
蛇口線世界之窗至大劇院與羅寶線平行基本上是想分流及減輕羅寶線的壓力，但蛇口線整體客流不算多，延長路線
後除延長服務時間外仍然維持全日10分鐘一班。
原帖由 AL_29 於 2011-7-2 16:28 發表 http://www.hkitalk.net/HKiTalk2/images/common/back.gif
3號線
尋日係老街坐去草埔....好多段路都係"風琴腳"...起碼dup左有7-8次
難為企果班人
之前坐過龍崗段都唔覺有咁既問題
龍崗線基本上於6月22日下午隨環中線開通而連進網內，真正發揮用途的是6月28日下午市區地底段通車，雖然
人多，但班次頻密搭救，未致於班班「頂閘」。行車表現誠然如AL_29所說有進步的空間。
至於之前只行架空段時行車暢順，因為10-15分鐘一班，大概只用8列車，所以有足夠的空間不用"風琴腳"。
龍華線......不用多說，根本是港鐵自視過「高」，加上暫時只來貨10列，短期內難有改善，除非來貨增至20列。
環中線應該是5條路線之中客量最低的一條，基本上服務足以應付需求，拿不出問題所在。
原帖由 AL_29 於 2011-7-2 16:28 發表 http://www.hkitalk.net/HKiTalk2/images/common/back.gif
5號線
應該唔駛13分鐘一班....果日坐差唔多隔1-2個站就見到對頭車
應該唔會太疏掛
不過埋站真係好快...開完門到開始關門都係10-15秒左右
環中線站與站之間的行程大多都是二至三分鐘，所以感覺上不太疏，不過黃貝嶺至布吉需要13分鐘，布吉至
深圳北站需要20分鐘。
除龍華線外，其餘四條路線全程行車時間約需68-70分鐘不等。
[ 本帖最後由 pcckw 於 2011-7-2 22:45 編輯 ] http://www.szmc.net/cms/page?arg=bigmap
其實入面個system map
係咪已經全部通哂車的?:L 原帖由 OTIS401 於 2011-7-2 22:24 發表 http://www.hkitalk.net/HKiTalk2/images/common/back.gif
http://www.szmc.net/cms/page?arg=bigmap
其實入面個system map
係咪已經全部通哂車的?:L
正是，已於6月28日下午起全面開通。 原帖由 卡達哥 於 2011-7-2 12:00 發表 http://www.hkitalk.net/HKiTalk2/images/common/back.gif
同同事傾過，深圳人唔鐘意搭龍華線，攪得搞包裝搞宣傳不如給力加車加卡好過，做為香港人的我聽完有點兒尷尬...
你同事講野好有point, 運輸工具應該係著重實用性, 而唔係搞包裝!
你同事呢句說話直情應該要講返比港鐵公司班高層聽! 原帖由 AVW56 於 2011-7-2 23:49 發表 http://hkitalk.net/HKiTalk2/images/common/back.gif
你同事講野好有point, 運輸工具應該係著重實用性, 而唔係搞包裝!
你同事呢句說話直情應該要講返比港鐵公司班高層聽! 之前深圳地鐵的入閘時限只有120分鐘,
不知現在有沒有延長? (廣州地鐵已延長至240分鐘)
否則是否會有機會在正常時間(不是遊地鐵河, 只是計埋轉車, 等車的時間)而不夠時間出閘呢?
頁:
[1]
2