原帖由 dippy 於 2012-1-19 01:48 發表 http://www.hkitalk.net/HKiTalk2/images/common/back.gif
1. 行得糖街橋就梗係伊榮街/怡和街先落啦
2. 我已經講左幾次係只改110九龍段
你係閱讀都有問題定我真係寫完你都讀唔憧?
3. 如果淨係102P其實都仲慢過坐118再行, 雖然好辛苦
但要快既都會繼續坐鐵
4. 興發街好少人上102咩, 你又飛?
咁依家去維園D人點?又坐鐵?
1. 即係說明你用117停摩頓台取代102停皇室堡係唔合理囉。
2. 就算只係跟我改九龍段都好，110唔行彌敦道，都只係一條輔助線，而且比102疏好多，唔見得係合理替代。
110只改九龍段而唔改港島段無意思。
3. 如果你咁講，成件事我只係見到你為左筲箕灣有一條太安樓出入東廊的線
而要118客陪兜10分鐘，又搞到102飛起皇室堡客倉，唔合理。
4. 如果112縮落天后站的話，唔見得唔係102對天后返九龍客的合理替代。
再者102係有需要考慮飛興飛街，避塞車；但係港島方向102頭站皇室堡係客倉，
既然有其他方法可以合理照顧到呢班客而同樣令北角、筲箕灣齊齊有得加快，
點解係都要為左避北角段所謂重疊而飛走成個大站，之後再將條117改到咁奇怪？
而家你成個方案的constraint係北角要得一條線做，但係結果會搞到皇室堡個站飛起左。
我會問：呢個constraint係咪合理？點解原則係要以「北角得一條線做」為先，
而唔係保留現有客倉為先？
===
基於現有服務前提，無論點改都好，都要符合呢幾個條件：
1. 有條線行怡和街
2. 有條線港島方向停告士打道維園（皇室堡）
3. 有條線九龍方向停景隆街
4. 有條線維園道落橋，行渣華道
5. 118繼續柴斜直接出入東廊
滿足唔到呢五個條件，都會令大量現有乘客受影響，唔合理。
而事實上，滿足到晒呢五個條件的方案，成條thread起碼已經有三、四個。
筲箕灣係應該有條特快線，但係因為本身無特快，因此筲箕灣電車路特快行太安樓上東廊唔應該係條件之一。
102X健康村上橋，比102已經快起碼三個字，需唔需要為左再快D而搞到其他人慢左？
由頭到尾，我只係覺得閣下的路線建議，係將部分人的快樂建築在其他現有乘客的痛苦身上，
又唔俾返合理替代，甚至寧願放棄客倉都要堅持每個區得一條線。
[ 本帖最後由 S3BL100 於 2012-1-19 02:30 編輯 ]
我自己好唔同意將102/112/118,由3條拆做5條呢個做法
首先我唔建議將來拆線之後,除左本身已經係疏既線之外,所有線非繁既班次都唔可以太疏
因為一疏,條線既吸引力會大減,除時快左既行車時間都唔夠COVER返等車用多左既時間,
而且向繁時,由於每條線用車既數量少左,即係話站長向手上可以調派既車數量都少左
如果向斷纜既時候,會更容易出現三四十分鐘都冇車出現既情況,而到真係有車返既時候亦唔會好似而家咁一返就返十架八架,可以用黎踢同私既車就更加少,只會做成趕客既局面
所以102/112/118只可以3拆4
另外我幾同意一點就係現階段整個銅鑼灣應該一站都不能少由其係落車站
102/112班次都咁密,乘客絕對係會諗清楚自己既目的地然後選擇適合自己既路線
而唔會出現見車就上既情況,所以向該地區某站落車既乘客必然係因為該站比較就腳
再者每班車向每個站既落客數量都唔係少野, 如果將所有客都迫埋一個站落或者要去更遠既地方落車對路面既流量包括行人同車輛都係一個負擔,老實一句,向呢D咁人多既地方,真係向馬路上面行多一步都唔想,所以定線盡可能保留原有車站
118絕對應該全日特快,雙向阿公岩尾站過海,老實講,港島方向真係趕走好多柴灣客
如果改快之後,呢班客回流所賺既絕對多過渣華道既客
至於加價問題,其實只要取消太子分段,全車有八成人已經要比多5毫,咩都夠哂啦
而呢八成人我相信亦絕對願意只係單向比多5毫
至於九龍去渣華道,其實由英皇道行入去都只係兩個街口
如果一定要保留既就將110改返入去就算
我既睇法大致上係:
102縮去百福道,可考慮下繁分拆,一半班次經清風街天橋不停景隆街,
一半班次經興發街停景隆街
112縮去天后
118直飛東廓特快到柴斜
102X筲箕灣開,健康村上落橋
102P改為耀東開,太古城上東廊
110改行渣華道,如果渣華道客肯放棄紅隧線,
可考慮將110改為太古城上東廊轉埋做特快
咁102P都可以唔使開
5條線加轉乘,互轉補差額
如果咁改,除左110同102P外,
其他4條線都可以維持向非繁8分鐘或以內一班(102X-10分鐘或以內)
繁時5分鐘或以內一班
當然美中不足既地方係唔可以做特快:「西灣河,糖水道,太古城,旺角」
但呢D地方可以利用九龍東紅隧線+轉乘黎達成
而服務唔到:「何文田,大角咀」
可以透過東西九龍紅隧線重組之後所扣減既車開辦
PS:由於冇時間睇哂每一篇,自己既建議可能會同樓上有部份相同
如有雷同,實屬巧合
原帖由 dippy 於 18/1/2012 21:01 發表 http://www.hkitalk.net/HKiTalk2/images/common/back.gif
其實車都可以調既
之前既23XX都係轉會車
經營上嘅賬目問題同埋轉手嘅手續問題遠比用車嚴重，但似乎你完全忽略呢一點！
原帖由 dippy 於 2012-1-19 13:43 發表 http://www.hkitalk.net/HKiTalk2/images/common/back.gif
其實新117咁樣兜又得唔得呢
先停高士威道維園, 再停A11個站, 先番番去景隆街原線
http://g.co/maps/6pdyc
之前已經講過咁樣好複雜'
但始終係可解決既問題 ...
你呢個行法真係有D玩野
係橋底下面過，但對面糖街附近既街道
其實由朝到晚都唔暢通
明明可以塞少D變到要塞多次
我始終覺得經得維園就要去天后個邊
唔可能兜返去銅鑼灣
原帖由 AV385 於 2012-1-19 03:59 發表 http://www.hkitalk.net/HKiTalk2/images/common/back.gif
118絕對應該全日特快,雙向阿公岩尾站過海,老實講,港島方向真係趕走好多柴灣客
如果改快之後,呢班客回流所賺既絕對多過渣華道既客
至於加價問題,其實只要取消太子分段,全車有八成人已經要比多5毫,咩都夠哂啦
而呢八成人我相信亦絕對願意只係單向比多5毫
至於九龍去渣華道,其實由英皇道行入去都只係兩個街口
如果一定要保留既就將110改返入去就算
我既睇法大致上係:
102縮去百福道,可考慮下繁分拆,一半班次經清風街天橋不停景隆街,
一半班次經興發街停景隆街
112縮去天后
118直飛東廓特快到柴斜
102X筲箕灣開,健康村上落橋
102P改為耀東開,太古城上東廊
110改行渣華道,如果渣華道客肯放棄紅隧線,
可考慮將110改為太古城上東廊轉埋做特快
咁102P都可以唔使開
5條線加轉乘,互轉補差額
如果咁改,除左110同102P外,
其他4條線都可以維持向非繁8分鐘或以內一班(102X-10分鐘或以內)
繁時5分鐘或以內一班
當然美中不足既地方係唔可以做特快:「西灣河,糖水道,太古城,旺角」
但呢D地方可以利用九龍東紅隧線+轉乘黎達成
而服務唔到:「何文田,大角咀」
可以透過東西九龍紅隧線重組之後所扣減既車開辦.
我覺得你的建議差不多最好
如果110太古城上東廊轉埋做特快
102P其實可以照開
改太安樓上東廊
原帖由 dippy 於 2012-1-20 23:45 發表 http://www.hkitalk.net/HKiTalk2/images/common/back.gif
行果邊出景隆街仲暢通過行條橋直落去囉, 通常橋面都係左線去維園唔塞但右線塞
而A12果邊真係唔覺有幾唔暢通囉
一黎有哂泊車位同雙黃線, 二黎係一線變兩線先出去告士打道果邊
真係想知你幾時見到佢由朝到晚都唔暢通 ...
人話告士打道維園係大站，你就專登搬條117落去U-turn……
點解唔諗下果個站的客流係點？班客多數最終目的地係去邊？
117出隧道首站景隆街一樣做到呢班客，咁改我倒不如117港島方向維持原線但大幅加班好過。
117其實條定線幾好，不過太疏，d客唔會專登等，甚至未必知道有呢條線的存在，所以都係搭102。
因此如果真係要102唔做銅鑼灣的話，117大幅加班都算係合理。
到時117九龍方向就要改道，改行禮頓道、邊寧頓街、怡和街、銅鑼灣道、告士打道天橋，
停完景隆街入紅隧。
不過除左定線之外，唔該諗埋派車問題。
117而家得6架車行，如果想完全取代102銅鑼灣的功能，做返合理班次（起碼6-8分一班）的話，
起碼要加15架車，而且唔拉得去美孚（否則要再加車）。
咁15架車邊度搵？112縮去天后減得四架，
但係你102又想拆兩條，兩條都想維持合理班次的話，估計要加五架先得。
咁你就算斬完110，搵到12架車，都仲欠四架，換言之
到時結果係118唔拆得，港島方向行東廊唔落渣華道，減四架先得
（雖則我好懷疑118係咪應該拆），
102就維園道出、民康街上返東廊，經耀東去筲箕灣，派23架車。
102X就健康村上東廊，派14架。
但係咁搞法美孚長沙灣會無左車去銅鑼灣，再者連110果12架車都要晒，
同樣需要重組、但資源更少的106/116一組，想像空間就細好多。
例如neoplan720p提出、我覺得係上佳諗法的116X，開得呢條
就要將106縮短的同時開唔到106P全日版，令到太古至小西灣一段去紅磡土瓜灣變真空。
因此，如果要用117完全取代102銅鑼灣的功能的話，唔係唔得，但係
隨時製造更多問題。