梁振英話就話民意支持，
但一般小市民完全唔會諗到佢推行社會主義政策時，
會有幾多中產及中層職位人士受害，
而這班人係香港日常運作的支柱，
假如佢地被大幅剝削或虧待，又會掀起另一輪不滿潮。
再者，梁的強硬作風一向都不被商家、政圈中人及我所接受。
唐英年，我屋企的女士們話要買定黑衫，
如果真係「吮」到，即上街。
何俊仁陪跑唔使講，佢治港根本無能力，
所謂泛民除了要求普選、平反六四等等之外，
對經濟運作、整個政府架構的運作等等，未必有足夠的理解。
阿爺想跣佢一大鋪先會畀佢凍蒜。
曾鈺成畀我的感覺係撲朔迷離，佢係唔係共產黨唔係我關注的重點，
而係點解泛民、學者大致認為佢品格適宜做特首，
我卻一直對他有懷疑，有一種說不出的不信任，可能因為民建聯的關係。
葉劉算係四個之中我認為比較適合的一個，唔代表我好喜歡佢，
只不過佢政黨負擔比何俊仁曾鈺成少；做事一定唔似唐英年咁成pat豆腐；
同梁振英相比可能差唔多強硬，但無傳統紅底偉業思想羈絆，
必要時佢可以煞停不受歡迎的order。我一直都覺得23條佢係特登做衰的。
其實越多人參選，而阿爺到選前一刻都無太明確的指示，
攤薄晒票源，真係好可能要二輪投票甚至重選。
上面仍然在權鬥中，一個月內可唔可以擺平？我就唔多信喇。
可能連阿爺自己都唔知道根本出邊隻棋好，正所謂左手又係肉，手心又係肉:lol。
[ 本帖最後由 DIH 於 2012-2-21 12:10 編輯 ]
今日突然間有個想法，成日話上海會取代香港，
其實香港當年何嘗唔係取代了上海？
上海
－曾經係租界
－有大量歐洲風格建築
－有外資企業
－有路面電車
－有雙層巴士，當時香港都未有
－市民一般有媚外嫌內的心態、拜金
－有自己的方言，即使推普多年仍能維持方言優越感，
我上兩個禮拜接待復旦大學學生，佢地自己交頭接耳係講上海話
在中日戰爭時及共產建政後，上海大量人才外流，
香港都接收了唔少，商人、銀行家、文人學者都有很多來自上海。
上海從此失色不少，一直到改革開放、接近千禧開發浦東，經濟方面才再度起飛。
但政治上，它已經徹徹底底係中共的城市，
沒有人會再提它作為租界的歷史，及租界歷史帶給它的經驗，
一切徹底內化，它的成功變成是中共建制的英明領導所致。
世界輪流轉，會唔會有朝一日，可能係不久將來，
香港都會如半個世紀前的上海一樣，在世界舞台退下？
從整盤歷史來看，殘忍地講，香港只係華東華南政商文人的臨安，
當大陸回復穩定、機遇處處，佢地又會擇木而棲離港而去。
無能力走只能留下的一群，就要面對經濟衰敗、鬥爭不斷的生活。
[ 本帖最後由 DIH 於 2012-2-21 10:42 編輯 ]
原帖由 DIH 於 2012-2-21 09:53 發表 http://www.hkitalk.net/HKiTalk2/images/common/back.gif
其實越多人參選，而阿爺到選前一刻都無大明確的指示，
攤薄晒票源，真係好可能要二輪投票甚至重選。
上面仍然在權鬥中，一個月內可唔可以擺平？我就唔多信喇。
可能連阿爺自己都唔知道根本出邊隻棋好，正所謂左手又係肉，手心又係肉images/smilies/default/lol.gif。
咁我相信上面而家都唔知應該點算，中南海分分鐘意見不一。
不過如果佢地有返少少頭腦的話，應該知道豬當選只會進一步激化社會矛盾。
允許隻狼當選，起碼可以震懾下班有錢人的驕奢橫逸之勢。
佢地成日強調「維穩」，壓住d眾矢之的咪可以維穩囉。
最終結果：堂先生成功當選，跟住一年多後自己制造一些有爭議性的新聞出來，最後因為群眾壓力而宣佈辭職。
而堂先生這一年多的任期，其實是讓中央政府物色一個好人選，到決定有人選後堂先生唔該自己收工。
千二個選委，有二佰人去左何俊仁到，涼先生得三佰票，堂先生得六佰七十八票成功當選，有二十二票白票，面就話同你劃清界線，最終咪又係呀爺講的話才是對的。
這個方案既可避免流會，大家又有得開心，但堂先生要受到各位街坊鬧足一年，都咪話唔好笑。
原帖由 S3BL100 於 2012-2-21 11:59 發表 http://www.hkitalk.net/HKiTalk2/images/common/back.gif
咁我相信上面而家都唔知應該點算，中南海分分鐘意見不一。
不過如果佢地有返少少頭腦的話，應該知道豬當選只會進一步激化社會矛盾。
允許隻狼當選，起碼可以震懾下班有錢人的驕奢橫逸之勢。
佢地成日強調「維穩」，壓住d ...
中南海內部都有勢力鬥爭
唔好話，江澤民死定未死都對特首選舉有影響...