大家會選擇那位做下屆行政長官
隨著行政長官選舉快到普通市民也無辦法直接在當日參與投票
而且見部份網站有公投，投心水特首。
候選人名單
1)梁挀英
2)唐英年
3)何俊仁
4)三者不選擇
事實上，他們的優點和缺點，可以參考下面Link
http://www.hkitalk.net/HKiTalk2/thread-670329-1-1.html
事實上，他們電視辯論的表現。
可能就成為心水選擇。 原帖由 KG1428 於 2012-3-18 18:11 發表 http://www.hkitalk.net/HKiTalk2/images/common/back.gif
隨著行政長官選舉快到
普通市民也無辦法直接在當日參與投票
而且見部份網站有公投，投心水特首。
候選人名單
1)梁挀英
2)唐英年
3)何俊仁
4)三者不選擇
事實上，他們的優點和缺點，可以參考下面Link
http://www.hkitalk. ...
4) 原因我自己個人覺得三個都不知所謂
以下全為個人意見
1) 來來去去就係帶人遊花園, 一味就係咁話唔關你事 (成日都話要證據), 又唔見你自己拎證據出黎證明你自己無辜; 從西九及黑金事件入面已經可以見到佢係咩心態; 加埋星期五電視辯論入面, 比唐英年講左兩件所謂高層會議 o既事宜, 到而家佢都比唔到香港市民一個認認真真 o既交代; 佢唔可以一味話冇件咁 o既事就係冇; 好多人都相信唐英年唔會無啦啦咁樣爆料; 而家基本上肯定係有人講大話, 呢件事只會係有發生過或者冇發生過 ... 總之我覺得佢係有需要重新交代事件.
2) 我自己認為佢係比 1) 好, 尤其係起政府入面工作經驗; 可惜佢民心盡失. 實情諗返起都係因為佢自己死口唔認 o既錯. 如果當初佢一開始坦坦白白理應佢係最佳人選. 我唔會理佢處理危機差定點, 因為始終政府係一個大團隊, 佢自己一個差, 政府內部都仲有大把人材可以幫佢. 不過都係個句, 佢而家已經民心盡失, 可憎也.
3) 呢個人根本不提也吧, 真係出黎陪跑. 老實講如果你真係有心, 就唔會下下出黎就講一句我肯定冇得當選, 大家唔需要抱任何希望. 如果係咁你不如一開始就唔好出黎選啦. 講真香港人心知你泛民主派根本係冇可能可以做特首, 但係既然而家兩個建制變成咁的時候, 你係唔係應該可以盡量去拉攏下 D 中立人士 ? 不過我自己覺得星期五場辯論佢係三個入面表現最好, 可能始終兩位都唔得閒招呼佢 ~
所以其實我係偏向三位都唔揀, 講完 ~
再重新一次, 上面係個人意見 ~ (3)
要解決香港問題，非 KO 中國不可 作為市民我揀3，但我其實係冇得揀。
本來揀4，被樓上一言驚醒，認真地只係諗阿爺喜唔喜歡，你就輸了。
假如好戲劇性地大家一齊玩野，唐營過票畀何俊仁，加埋泛民及中間票，
結果好衰唔衰何俊仁真係過600票當選，中央任唔任命佢？
個制度係你定，而家有人循制度當選，泱泱大國唔可以輸打贏要架喎。;P
呢班朋友既然已經公然置阿爺家訓於不顧，有咩做唔出？
假如佢地真係捧到鐵頭上位，鐵頭完全冇expect到，
心慌意亂之時呢班朋友就可以搭膊頭了。:P
馬後炮出場：
當年民主黨「密室會議」反對五區公投、共識2017普選，
而家知道何俊仁先係同你玩鋪勁那個，如果沒有這次末代小圈子，
又點會見到某些人係咁爆炸彈，玩埋自殺式襲擊，聽講重有核彈添，
而我地卻可以完全置身事外隔岸觀火，唔需要為任何押錯注負責。
如果我有選票，我都會係個ABC，從來沒有覺得梁振英係個好人。
雖然以前有個論調係特首唔需要係好人，最好係個強人，但整個人的integrity都好重要。
Integrity用最簡單的Google翻譯，除了「誠信」之外，尚有「廉正」、「氣節」兩解。
首先我本來睇樣已經覺得梁生太硬，城府太深，無人猜到佢心入面諗乜，
這種人做軍官可以，做文官就算佢立心係好都會成日同下屬有磨擦。
梁生仍身為行會成員時，突然開始在報章撰文與政府唱反調，
明顯就係為特首選舉造勢，完全係出於個人利益考量，妄顧團隊精神，
如果畀佢做到特首，難保佢唔會為了邀功而置香港整體利益不顧。
反之，唐生過住的缺失，都係個人問題，
簡簡單單，僭建就僭建把女就把女，你好容易可以blame到佢。
的確佢私德敗壞，但另一方面假如佢做特首，偶有失言失策下面都有成team人幫佢兜。
甚至假如當初冇爆到醜聞，而係做特首之後先爆，佢的過失一不影響政府運作，
二佢大可以引咎辭職而無需要整個香港陪葬，當然以目前形勢佢冇可能做到特首。
唐生由衫碌軨，到吊吊揈，到車毀人亡，到約道七號，有冇人因為嘲笑佢而惹麻煩？
但梁生被爆講過出動防暴隊催淚彈對付示威者，反正我信了。
別忘記當年五十萬人上街真係和平的。
調返轉諗丫，梁生的負人緣，and/or 唐生的正人緣，
可以驅使曾蔭權曾俊華等仍處政府高位的要員 奮不顧身 保護唐公子 踢隻狼落山，
也不理得罪阿爺有甚麼後果，置阿爺顏面於不顧，寧願攬住一齊死都唔想畀隻狼得志，
香港近代我真係諗唔出有邊個的人緣會差成咁。
唐生即使做唔成特首、要潛逃甚至要坐監，都今生無悔矣。
夢熊君，擬好你的進言書未？:lol
[ 本帖最後由 DIH 於 2012-3-19 22:54 編輯 ] 原帖由 DIH 於 2012-3-19 09:24 發表 http://www.hkitalk.net/HKiTalk2/images/common/back.gif
作為市民我揀3，但我其實係冇得揀。
本來揀4，被樓上一言驚醒，認真地只係諗阿爺喜唔喜歡，你就輸了。
假如好戲劇性地大家一齊玩野，唐營過票畀何俊仁，加埋泛民及中間票，
結果好衰唔衰何俊仁真係過600票當選，中央任唔任命佢？
個制 ...
劉夢熊當日講出普選 o既事, 係從心而發定係想搵落台階大家心中有數,
假若真係流選, 我即時買定花生等睇戲, 睇下班記者點樣訪問劉夢熊, 又話者睇下佢點樣回應班記者 :lol
當然鐵頭上位對香港人係唔係一件壞事, 我不矛置評,
不過而家佢無心戀戰, 想有 601 個人支持佢, 難矣 ~
之前我都曾經有講, 如果無啦啦比鐵頭漁人得利, 呢場大龍鳳就更加好睇 ~
[ 本帖最後由 AVD1 於 2012-3-19 11:43 編輯 ] 1. CY.....睇左佢發言，其實好多野，包括政策，都係兜圈，HEA緊香港人。同時覺得佢好奸
2. 何俊仁....連佢自己都未準備好，點可能選得佢落手
3. HENRY TONG.....和德有問題，又無乜表現，又無乜危機意識，佢無可能性任到特首嘅職責
所以...真心希望可以流選.......希望可以重新黎過
否則...最壞打算.......離港找機會好過。 我會選1號。
先講何生﹐真係認同上面所講 : 何生﹐你ready 未架?
一心以行動表示對選舉制度不滿﹐明言無信心當選。
你幾有料都好﹐點叫人有心信你會「做好這份工」。
唐兄﹐本來都唔差﹐私生活我可以唔理﹐但是誠信好有問題。
唐宅事件﹐僭建問題其實本身好少事﹐但是第1次唔認有潛建﹐ok 算﹐當你當時聽錯記者問題。
第2次再問你﹐你都可以答「掘深左少少放雜物」﹐即係他自己已經深知問題﹐仲可以作出否認。
直至記者圍屋的一天﹐早上都唔作承認﹐直至屋宇處一定要入屋﹐入屋檢查才出來承認﹐點叫人相信唐生?
上星期五﹐爆行會機密﹐又話梁生乜乜﹐但沒有任何証明﹐令我好難再信唐生的言論。
(ps. 以唐生的口才﹐比他做到﹐都唔係一件好事﹐隨時又有 "total rubbish 等驚人語句出現﹐真係失禮香港)
梁生﹐ 3人表現最好﹐而已表演大方得體﹐給予大家實事求事﹐穩健之選。3人之中﹐可以講無得選擇﹐只可選1號。 原帖由 238X 於 2012-3-19 09:16 發表 http://www.hkitalk.net/HKiTalk2/images/common/back.gif
(3)
要解決香港問題，非 KO 中國不可
如果咁講, 你應該選 2 bor(re 樓主, 點解d number 唔跟返真正的選舉號碼? 搞到我有d亂)
唔記得邊度睇過, 要香港有革命, 就要有如唐xx之流當選特首, 先有希望..
如果你透過選舉, 選到個"民主派"出黎, 不是正正證明了中央無影響選舉,
亦真正港人治港, 一國兩制嗎?
p.s. 呢d公投, 如果係真, 我最可能都係選3, 原本唐唐未爆約道7號時, 我就一定選佢,
但爆到咁, 俾佢做都係害左佢, 而我本身係ABC, 1就一定唔會選, 亦唔再多講, 而4,
ER, 我覺得如果有得投, 都唔投俾任何一個會好浪費, 何生雖然都唔可以叫做心水,
不過我都想睇下民主派治港會點.... 我揀2號,
起碼唔會遊遊下行比坦克碌,
同埋佢打滾左咁耐,
個班底係唔錯
地產霸權呢...就算係鐵頭仁都唔敢郁嫁啦