其實我覺得長鏡同短鏡大部份巴士迷都識得互相遷就，
我自己影相企位前都一定會留意其他人點企位，
免得阻擋大家影相，但有時真係一時留意唔到阻到人，
絕大部份都會有禮貌地/正常語氣地同我講番。
反而我覺得係巴士迷對普通市民既態度，
有好幾次都覺得好有問題，
例如架車轉緊出仲未到時已經大聲呼喝D途人行快D，
又或者普通市民想同架車合照又大叫佢地唔好阻住等，
呢D我先最睇唔過眼。
我覺得歡送熱狗絕對唔係巴士迷既專利，
好多普通市民其實都想影下熱狗作為留念，
何必要剝削佢地既權利呢？
加上佢地根本唔知我地D所謂「行規」，
點解一定要佢地一齊守我地D「不明文規定」？
難道等一等佢地影完先影真係咁困難？
希望大家唔好搞到市民等「巴士迷」三隻字咁反感啦！
[ 本帖最後由 dennislokawai 於 2012-4-5 00:59 編輯 ]
多謝各位客觀分析，我要講都講哂，無嘢可以再補充，因為仍然有部分人未有深入了解文章內容。
評分呢樣仍然唔夠回文詳盡，唔可以作為參考。而且aPower對我嚟講係無用，我入嚟只係為求討論，只要我無違反版規，仍有能力回文嘅能力，評分對我嚟講只係一隻蟻喺腳下。