今日有幸上左中伏的的列車之一
夜小小時間再同大家講經過(其實同之前的文差不多, 到時另附部分照片)
原帖由 3ASV196 於 2012-5-3 13:31 發表 http://www.hkitalk.net/HKiTalk2/images/common/back.gif
呢間公司真係好過份, 個高層咁o既說話都講得出 "金澤培無回應為何列車及站內廣播無提及列車服務受阻，
只表示解釋事故成因對乘客無幫助。 "
有無幫助唔係你決定, 係乘客決定吧, 你自己hold住d資訊, 唔公布, 就話無 ...
到而家，我好懷疑港鐵內部究竟有冇緊急應變計劃，
如有，又有幾多人知道應變內容。
我明白如果要全線員工都做演習有點不切實際，
但根本唔係咩專業技能，疏散乘客、發佈消息，直情應該係常識啦。
而家咩年代呀，當乘客係愚民，條線咽喉位通唔到就等於全廢啦，
屯門天水圍都應該即刻叫人走，自己泥菩薩過江重死攬呃人十元八塊為乜？
定還是係間公司內部係各自為政，有起事根本無人話到事、無人統籌？
唔好話一日半日故障喇，連訂車咁大件事，
都可以一句唔小心就要全間公司同乘客硬啃多幾抽車，呢間公司個管理好有問題喎。
4月3日，日本超大風當日，我身在長崎，
沒有新幹線的長崎都有張告示牌話山陽新幹線受影響，而且係打印版，白紙黑字。
再望返偉大的香港鐵路公司，那張唔知折騰幾耐先祭到出來的故障告示，
半個版面係幅根本不必要的地圖（畀我畫鬼腳呀？），畀人寫字的位就細到無倫，
全世界要哄埋去先睇到，好彩我唔係股東咋，真係影衰晒呀。
[ 本帖最後由 DIH 於 2012-5-3 14:35 編輯 ]
連主席都話今次事故處理不錯喎！咁今朝返工遲到o既龜鐵員工應該都無事o既;P
http://www.rthk.org.hk/rthk/news/expressnews/news.htm?expressnews&20120503&55&837743
原帖由 DIH 於 2012-5-3 14:24 發表 http://www.hkitalk.net/HKiTalk2/images/common/back.gif
到而家，我好懷疑港鐵內部究竟有冇緊急應變計劃，
如有，又有幾多人知道應變內容。
我明白如果要全線員工都做演習有點不切實際，
但根本唔係咩專業技能，疏散乘客、發佈消息，直情應該係常識啦。
而家咩年代呀，當乘客係愚民，條線 ...
其實如果佢話公司緊急應變計劃有不足, 事故資訊廣播有待改善,
我都仲接受到, 但依家唔係, 港鐵那高層, 一邊就講道歉, 一邊就
死不悔改
係資訊年代, 不但無正視問題, 仲可以講話乘客知多d都無用呢d說話,
真係好離普的, 正如你講, 真係當乘客係愚民....完全同個發展方向錯晒...
依家已經睇得好清楚, 港鐵出現的問題, 最嚴重係整個管理文化, 由高至低
出現問題.....佢真係當乘客得佢一個選擇, 咩都唔駛知, 等就得ga la...
呢d根本的過時管理心態, 貪$$性格.....有事故都仲想你用佢系統....
有frd 講入閘前都唔知有事, 入左閘先知有故障....
今次大獲到要列車乘客行隧道, 就知個延誤會好長, 根本就應該係全線車站
入口已經要限制d客入站....但佢就相反, 仲講咩15分鐘一班, 仲俾你入閘,
希望你去坐佢....d車去唔到紅磡, 就繼續廣播....
你咁做野法, 100架接駁巴士都唔夠la. 你仲要想吸客...唔焗親人就有鬼...
原帖由 DIH 於 2012-5-3 14:24 發表 http://www.hkitalk.net/HKiTalk2/images/common/back.gif
4月3日，日本超大風當日，我身在長崎，
沒有新幹線的長崎都有張告示牌話山陽新幹線受影響，而且係打印版，白紙黑字。
再望返偉大的香港鐵路公司，那張唔知折騰幾耐先祭到出來的故障告示，
半個版面係幅根本不必要的地圖（畀我畫鬼腳呀？），畀人寫字的位就細到無倫，
全世界要哄埋去先睇到，好彩我唔係股東咋，真係影衰晒呀。
一塊大白板其實亦可以做到好清晰，只係睇下有無心
http://photozou.jp/photo/show/713035/62005279
原帖由 3ASV196 於 2012-5-3 14:45 發表
其實如果佢話公司緊急應變計劃有不足, 事故資訊廣播有待改善,
我都仲接受到, 但依家唔係, 港鐵那高層, 一邊就講道歉, 一邊就
死不悔改
係資訊年代, 不但無正視問題, 仲可以講話乘客知多d都無用呢d說話,
真係好 ...
佢就係想賺你一筆先......
第2衰係拖，話故障故障，拖成十幾分鐘成個站都入左好多人跟住話over玩完，你地同我落地座巴士
咩玩法黎架....跟著無千幾人我唔信就去上巴士，咁你話，唔俾人關心前線人員的母親大人就奇怪了....
而個話事果個更無法理解，這叫合理？你同我試試我早左3個字出門點知俾你呃左個半粒鐘既心情如何......
這跟本完全可以避免，你講得出咩情況，唔好用訊號故障黎4個字，用到爛啦.....跟本己經完全沒有任何參考性的4個字你居然可以係站內成十幾分鐘都話黎個理由
之後趕人走....講出黎都覺得咁大間公司係咪弱智.....
原帖由 dippy 於 2012-5-3 15:57 發表 http://www.hkitalk.net/HKiTalk2/images/common/back.gif
其實將荃灣西既人送去荃灣同青衣會否較有效率？
我也認為這個方法比開巴士去南昌及美孚更有效, 但可惜他們不知道可以這樣做.
其實有樣我都不明白, 雖然西鐵沒車去美孚及荃灣西, 但廣播只提及那些路段有車, 那些路段無車, 倒不如叫人去坐依然行駛的荃灣線及觀塘線. 由東鐵沿線去荃灣西或美孚, 可以在九龍塘轉車不是更好嗎? 資源更有效地運用, 又不怕巴士搶您的客, 最重要是可以做到減輕原有轉車站的負荷及人流.
[ 本帖最後由 前KMB員工家屬 於 2012-5-3 16:53 編輯 ]
真係睇唔過眼要回文。
首先，呢單野已經係一個星期第二次同類事件。小弟兩次都有身上其中，
可以分享一下第一身經歷。
第一次發生在星期日下午 1415，在錦上路站至荃灣西站中間發生架空電纜
鬆脫事件，影響到假日出行乘客。當日由於並非工作日，加上受影響路段
都勉強可以行到單軌雙程 (亦是做 15 分鐘一班)，乘客並沒有太大的鼓譟。
而當日指示的確不足，擺左張「出事紙」在閘機旁，但並沒有交代延誤幾多
時間。就當日由屯門到荃灣西站，時間比平日足足已用多一倍 (即接近 45 分鐘)。
查證回龜龜當日向傳媒公佈消息的時間，是在單軌雙程前 10 分鐘 (即 1405)，
即有理由相信有關路線要採取臨時措施解決問題，呢次尚可接受。不過回復
行車正常的廣播，最好改用「列車服務逐步回復正常」去講，因為班次大多
都在事後被拉疏。
第二次發生在今早。如果按 mtrupdate 所講的 0805 開始出事，電子傳媒在
0825 才收到資料公佈。而實際呢，小弟在 0755-0800 已收到家人及朋友兩個
電話，指列車在屯門、錦上路站等有長時間等候開車的情況，叫我考慮改用
其他交通工具。即是今次事故，有理由相信龜龜足足遲了 30 分鐘先向電子
傳媒通報 (當然我們不清楚龜龜有否按 8-minute alert rule 向運吉報告)。
而因為從電話及傳媒中未知發生什麼事，小弟仍然乘接駁巴士到西鐵站看看
再決定下一步行動。0820 在西鐵站睇「出事紙」，指架空電纜故障，屯門 -
荃灣西、南昌 - 紅磡每 5-10 分一班車，荃灣西 - 南昌每 15 分鐘一班，
亦有廣播播出上述內容。由於尚有時間，決定入閘上月台看看情況再決定
是否出閘改用輕鐵。上到月台已見到有一班列車吉車離開，兩邊月台都已經
迫爆人，於是立馬決定改乘輕鐵。至於小弟的家人和朋友都一直聽到受影響
路段 15 分一班車，已去到元朗站之後，並沒有其他選擇，唯有繼續搭西鐵。
他們指去到荃灣西站，根本完全沒有 15 分一班車的一回事，因為荃灣西 -
南昌段最後停駛 (而龜龜在西鐵站是沒有公佈這一點；反而輕鐵站來自輕鐵
OCC 的廣播有，並叫人考慮改用其他公交出市區、及輕鐵來回大西北，但當時
已經是 0850)。結果，有同事拍到荃灣西站出現「乘客用盡車站所有空間」的
奇景，亦令到不少使用西鐵出入市區的人嚴重遲到。反而改乘輕鐵的同事只比
平時遲不過 10 分鐘。
是次是一星期內第二次同樣事故，其實絕對不能接受。加上今次事故發生在
早繁，亦是系統最大壓力的時段。龜龜今次好明顯是有漏報及遲報，根本有
好多地方可以避免：
1. 在輕鐵轉車站透過月台助理及廣播叫乘客不用西鐵 (這點見到兆康站有做)
2. 在西鐵站透過廣播向乘客說明荃灣西 - 南昌停駛 (相當後期先有，但沒有叫人改用其他途徑出市區)
3. 在西鐵站建議來往大西北的乘客改用輕鐵 (這點明顯冇做，大大條輕鐵在旁都唔叫人用)
4. 關閉部份入閘機，擺人在入口通知乘客 (零職員！)
5. 明知出事到呢個地步，開口叫未入閘的乘客改用巴士 (好明顯沒有做)
6. 在非直接受影響的車站，展示其他公交資料 (最少屯門、兆康、元朗都冇做)
而最荒謬的是龜龜高層向公眾一邊道歉，一邊講太多資訊會令乘客不便，想問
這是什麼道理呢？如果上述六點，龜龜有做到其中四點，都已經可以幫輕西鐵
今早帶來的影響，最少可令一萬乘客改道。反而廣播不講最重點 (三站停駛)，
不停放人入閘，又不透過運吉網站去通知公眾，簡直是不負責任。我想指出的是，
運吉網站是很少公佈龜鐵停駛的實時資料，有事時是有等於沒有，高層出來還
可以講職員做得好好，有否想過職員如果有更多資訊會做得更好呢？
運吉跟龜龜是有 8 分鐘及 15 分鐘的通報機制，當然應變計劃是內部文件，
只供內用。不過，其高層經常提到的骨牌效應，根本沒有在領悟到，講多於做。
他們現時作風只認為「出事路段要有替代」，而不是做多一步，在間接受影響
車站建議乘客改道，結果就出現了西鐵今次的亂子，前後約 60000 人以上受到
影響。我相信乘客理解有事故會有延誤，這是必然的事實；但有事故後沒有任何
替代服務，或龜公司沒有主動向乘客建議下一步點做，加上資訊封鎖，才是令
乘客憤怒和不滿的主因。
其實龜公司如果肯在網上公佈實時資料，已經幫到一部份。我們不是要求道歉，
而是道歉後肯有實際改善。今次高層咁講，聽日報紙記者、或者立會議員下次
開會，麻煩插到兩錢肉緊，幫小市民爭取改善交通資訊發放啦。
跳制車是否D303-D304?P303跳?