建議九巴26M及95M延長並加強服務(取代23M)
序言:o往來觀塘及四順的九巴23、23M及26M線，分別受制於茶果嶺道、觀塘道等道路擠塞，及以循環線模式運作造成班次誤點，導致經常在協和街至順利邨一段路拖卡埋站，浪費乘客時間，亦未能充份善用資源，建議23M、26M與行走路線及收費相近之95M進行重組，盼能改善營運狀況。
過往大部分建議皆以23、23M及26M互相調整服務而成，然而在作出修訂後，主要客源未有足夠補償予受影響乘客（例如：23M創紀之城、觀塘市中心往四順），或因收費問題引起站友反對。故此，本建議運用行走路線及收費類同的95M，與23M、26M進行重組。
大綱:handshake
建議將23M併入26M及95M，原本行走23M的五部巴士，分別改派三部及兩部予26M及95M。
現時26M及95M班次疏落，合併後路程雖然增加，但加派車輛足以提升至原本或優於23M的服務水平。
合併後之26M及95M頭、尾班車開出時間，需配合原有23M及23觀塘碼頭開出時間作出修訂，避免出現時間盲點。
專線小巴路線48需要更改路線，巴士方面則增設單向八達通轉乘優惠，補償予因重組後，路線上出現盲點之乘客。
詳情:D
26M 觀塘雅麗道－彩虹鐵路站(循環線)
服務時間
觀塘雅麗道：05:50－00:00 (為遷就原本23M頭、尾班車往順利而設定)
- 本線受觀塘市中心重建項目影響才改以彩虹開出，故不遷就彩虹往觀塘之頭、尾班車時間，或作出任何補償。
班次
9-20分鐘一班 (更改路線後加派三部巴士行走，冀由原本15-25分鐘一班加強服務至原本23M水平)
收費
$4.4 (不變，保留原有23M之八達通巴士轉乘計劃予本線，另設顯示於本節尾之新優惠)
行走路線
觀塘雅麗道開出：牛頭角道，支路，觀塘道，天橋，觀塘道，康寧道，物華街，協和街，秀茂坪道，順安道，順天總站，利安道，新清水灣道，清水灣道，調頭處，清水灣道，新清水灣道，順清街，順景街，利安道，順安道，順天總站，順安道，秀茂坪道，協和街，同仁街，裕民坊，康寧道，牛頭角道。（相關地圖：http://goo.gl/maps/3oh7，因google map有誤:funk:，一切以文字版本為準，敬請見諒）
途經車站
觀塘雅麗道(總站)，觀塘官立小學，觀塘道休憩處，創紀之城（原23M分站），物華街，和樂邨，聯合醫院，寧波第二中學，順天總站，順安邨，順利邨利業樓，順利邨利恆樓，順利消防局，彩雲邨白虹樓，彩虹鐵路站，牛池灣街市，聖若瑟小學，彩雲邨白虹樓，基順學校，順利邨利康樓，順安邨安逸樓，順天總站，順天邨天韻樓，寧波第二中學，聯合醫院，秀雅道遊樂場，和樂邨，裕民坊，觀塘雅麗道(總站)。
95M 樂華－翠林
服務時間
樂華：05:40－00:25 (為遷就原本23M頭班車及95M雅麗道尾班車)
翠林：06:05－00:35 (不變，已覆蓋原本23M及95M的服務時間)
班次
11-20分鐘一班 (更改路線後加派兩部巴士行走，班次比原有95M班次13/15-25分鐘有所提升)
收費
$4.4 (不變，保留原有23M及95M之八達通巴士轉乘計劃予本線，另設顯示於本節尾之新優惠)
行走路線
樂華開出：樂華邨通道，振華道，牛頭角總站，佐敦谷北道，牛頭角道，雅麗道，觀塘道，協和街，秀茂坪道，寶琳路，寶琳北路，翠琳路。（相關地圖：http://goo.gl/maps/gqOH）
翠林開出：翠琳路，寶琳北路，林盛路，康盛花園總站，林盛路，寶琳北路，寶琳路，秀茂坪道，協和街，同仁街，裕民坊，康寧道，牛頭角道，振華道，樂華邨通道。（相關地圖：http://goo.gl/maps/T5Tz）
途經車站
樂華開出：樂華(總站)，樂雅苑，牛頭角總站，牛頭角上邨，喜鵲樓，牛頭角鐵路站（跟98A同站），觀塘市中心，和樂邨，聯合醫院，寧波第二中學，秀茂坪邨秀康樓，秀茂坪邨秀程樓，寶達邨，安達臣道，馬游塘村，茅湖仔，康盛花園，翠林(總站)。
翠林開出：翠林(總站)，康盛花園總站，康盛花園，馬游塘村，寶達邨，秀茂坪邨秀程樓，秀茂坪邨秀康樓，寧波第二中學，聯合醫院，和樂邨，裕民坊，牛頭角鐵路站，觀塘官立小學，牛頭角下邨，振華苑，樂雅苑，樂華(總站)。
48 九龍灣－順利
服務時間、班次、收費不變，惟往順利方向，抵達牛頭角道直行，左轉安德道、安華街(牛頭角街市)，再右轉振華道才返回原線。
增設八達通巴士轉乘計劃
23往觀塘碼頭／26M往觀塘雅麗道＞150分鐘內單向轉乘＞14B往牛頭角／95M往樂華 (第二程免費)
乘車習慣之轉變:L
原23M往順利方向
- 樂華至牛頭角街市 往 牛頭角至寧波第二中學：九巴95M / 綠巴22M(只限樂華往裕民坊)
- 樂華至牛頭角街市 往 四順：綠巴48 / 隧巴619
- 牛頭角賽馬會診所 往 物華街及觀塘市中心：九巴14B / 26M / 95M
- 牛頭角賽馬會診所 往 協和街至四順：九巴26M
- 創紀之城及物華街 往 聯合醫院至四順：九巴26M
- 和樂邨至聯合醫院 往 四順：九巴23 / 26M / 綠巴47(祥和苑起)
原23M往樂華方向
- 順天／順安／順利 往 聯合醫院至協和街：九巴23 / 26M / 綠巴47(祥和苑止)
- 順天／順安／順利 往 觀塘市中心至牛頭角站：九巴26M
- 順天／順安／順利 往 牛頭角賽馬會診所至街市：九巴23 / 26M轉乘九巴14B / 95M
- 聯合醫院至裕民坊 往 牛頭角道至樂華：九巴95M
- 裕民坊至牛頭角道 往 樂華：九巴95M / 隧巴619 / 綠巴22M(只限裕民坊往樂華)
改動後之優劣:P
- 23M取消後，騰出車輛全數歸入26M及95M，提升兩線班次，收費不變。
- 23及26M皆由觀塘開出，即使兩線同時離開和樂邨巴士站前往四順，輪候下班車的時間亦有望縮短。
- 仍然受制於茶果嶺道及觀塘道之行車情況，影響班次穩定。
- 有感觀塘至四順由三線併為兩線猶如縮減服務。
- 重心乘客均可在重組後得到直接的替代服務，其他由八達通轉乘計劃取代。
- 保留23M之八達通轉乘計劃予26M及95M，受惠人數倍增。
- 順天往返觀塘市中心及牛頭角站乘客有路線直接的26M，班次比以往23M頻密。
- 26M總站開出後繞經牛頭角賽馬會診所，以及48往順利方向途經牛頭角街市，保留予該帶前往四順之交通服務。
- 95M往翠林方向，牛頭角站及觀塘市中心跟98A同站，利用23M遺下之八達通轉乘計劃及略增之班次，冀能為98A分擔前往寶達邨、康盛花園、翠林邨，及少量來自13M之乘客。
- 涉及多條路線，獲得支持機會相應下降。
後記:$
建議之初，只想解決23、23M及26M三線經常一同於協和街埋站之問題。最簡單方法，莫過於調整其中一條路線之每班車開出時間，提早或延遲五分鐘，即可見效。過往關於四順區內線之建議，皆以該三線互相調整服務或增辦新線為主，是次小弟破格地選用將軍澳的95M作出建議，成效如何有待各位討論，但想藉此機會向站友們學習，加入地圖做參考，希望大家喜歡。
歡迎討論:)
[ 本帖最後由 EX-TL 於 2012-6-10 02:50 編輯 ] 樓主只睇到觀塘返順利有三條, 又有冇睇到順利到觀塘實質只有兩條? 任何23/23M 同 26M/29M重組, 都會大大減班,
要解決, 一係超兜路, 一係拆晒四順重新規劃道路
另外, 即使將班次調整, 都無法解決一齊到站問題, 前車塞一塞車, 停一停燈位, 等一等埋站, 後車就會追到, 已經可以令佢地拖卡,
協和街尐燈又多又唔協調, 而且和樂係大站, 一定多人上, 前車上緊人時後車容乜易追到! 前車食左大部分客, 後車自然少客人而可以
快快開車, 咁咪一齊行囉
其實有冇人查過一日有幾多班係兩條一齊到, 有幾多係三條一齊? 又有冇查過即使一齊係咪後車完全冇客, 根本冇
[ 本帖最後由 leeallen 於 2012-6-10 05:12 編輯 ] 原帖由 leeallen 於 2012-6-10 04:57 發表 http://www.hkitalk.net/HKiTalk2/images/common/back.gif
樓主只睇到觀塘返順利有三條, 又有冇睇到順利到觀塘實質只有兩條? 任何23/23M 同 26M/29M重組, 都會大大減班,
要解決, 一係超兜路, 一係拆晒四順重新規劃道路
另外, 即使將班次調整, 都無法解決一齊到站問題, 前車塞一塞車, 停一停燈位, 等一等埋站, 後車就會追到, 已經可以令佢地拖卡,
協和街尐燈又多又唔協調, 而且和樂係大站, 一定多人上, 前車上緊人時後車容乜易追到! 前車食左大部分客, 後車自然少客人而可以
快快開車, 咁咪一齊行囉
其實有冇人查過一日有幾多班係兩條一齊到, 有幾多係三條一齊? 又有冇查過即使一齊係咪後車完全冇客, 根本冇
[ 本帖最後由 leeallen 於 2012-6-10 05:12 編輯 ]
要查過一日有幾多班一齊到站, 做到十足十RDP先可以建議, 咁F1板摺埋都得喇!:D
講真, 除非有人請人專程做調查, 否則冇人會咁得閒企足一日響和樂邨查, 住巴士站樓上又無聊o既例外.
照你意思, 建議後順利至觀塘得返23, 唔到裕民坊之餘少左選擇, 八達通轉乘新界路線要由29M替代.
去觀塘市中心, 順利DSQ客要走去基順學校, 順利/順緻客要去基順或者利康樓等26M, 班次同以往23M比係相同或密左少少,
但選擇就少左(一條), 要兜入順天至走人, 去牛頭角上邨仲要轉車(免費)!
如果要26M行新利街, 利安道, 新清水灣道, 順利邨道再入返順景街, 順利大致上有番兩條線落觀塘, 但會如你所講超兜路,
班次減到同以往23M一樣.
------------------------------------------------------------------------------------------------------------------------------------------------------
若果唔講順利, 用順天做主觀角度, 而家睇起黎有三條巴士線落觀塘(23, 23M, 26M), 但直接落觀塘只有班次最疏o既26M,
從前o既26M只到月華街, 三年前才延長至觀塘政府合署, 可惜班次已大不如前, 現今26M同23一樣入唔到裕民坊,
順天去裕民坊只可以搭兜順利o既23M.
由於23, 23M長久以來都係先經順天前往順利, 相反過順利後不停順天, 即使有26M經順天後落觀塘, 乘客仍樂意焗住搭23, 23M.
所以建議入面, 我冇刻意將順利分開來講, 因為觀塘<>順利(23, 23M, 26M)本身已經服務晒四順, 依家攤開黎講, 反而睇得到,
順利至觀塘似乎比順天方便, 只怪四順人口主要側重響順利邨果頭!
------------------------------------------------------------------------------------------------------------------------------------------------------
至於一齊到站o既問題, 小弟只係日常唔同時間行過/搭車經過見到有關情況(包括26M以往觀塘月華街及現時以彩虹為總站),
好多時係23/23M/26M是但兩條/三條線一齊, 小童/長者收費只差一毫, 成人三毫, 路線又一模一樣, 後面班車少客上或冇客好正常,
但呢兩條/三條線幾乎一齊離站後, 往往要再等十幾分鐘, 之後理應唔會再拖卡吧, 但實際上和樂邨呢條等左十幾分鐘o既人龍,
可能令兩線/三線再次拖卡.
拖住行蔓延到去四順, 23, 23M一齊埋站落觀塘, 咁其實兩線同一線分別唔大, 爭在個客係去政府合署/碼頭, 還是裕民坊/牛頭角站而定,
配合道路設計, 建議中之26M走線, 已經將落觀塘唔同地方o既客先響四順分開, 不過會予人有削線減班之嫌, 尤其前往聯合醫院/和樂邨,
而順利落裕民坊更要兜入順天.
無論如何, 26M都要入返順天再落觀塘, 如果離開順天總站後行順安道, 順利邨道, 感覺上會唔會好返D!
不過, 聽樓主口氣, 或者以往類似四順之交通建議, 得出結論都係好難搞, 或者搞黎都o徙氣, 死症之類!:Q 其實如果直接將26M改做彩虹<->樂華
觀塘上順利就有23同26M，順利落觀塘得23
順天落觀塘同埋成個四順落市中心就得返26M
一轉90分鐘，兩線加埋9架車最密10分鐘一班，會唔會更方便？
係就係好多地方得返一條線，但與其三條線拖卡到站
咁不如一條線搞掂晒，夠唔夠載有冇脫班服務足唔足都更易監察
客源集中落一條線班次亦可以更加密，兼且令九記冇任何缺失既藉口
頁:
[1]