(長文) 產業測量師不懂僭建?
昨日面對自己的住宅僭建, CY 被問到, 點解作為測量師都自己唔知, CY 回應:「因為我是產業測量師，這些工作是屋宇測量師或者建築測量師去做的，不同的測量師是不同的專業，
雖然同屬一個測量師學會的會員，但是不同的專業來的。」
呢句野真係珍奇到O 咀.....
而羅太回應更是離奇: 「不是能力或政治敏感度的問題，而是他作為土地測量師，他對於屋宇署的條
例不是太理解。」
完全錯晒, 人地CY係產業測量, 並非土地測量呢....
首先, 測量行業本身真係無咩人識, 講到英文"Surveying/Surveyor", 好多人更加以為係做調查, 做問卷,
其實測量師本身係建築及房地產行業的專業人士, 一般亦與建築師, 工程師, 甚至規劃師等一齊合作,
測量師本身來自英國的制度, 主要在英國及其統治過的地區實行, 所以有唔少其他國家本身無測量行業...
都讓我介紹下測量行業, 本身測量行業的確分開左不同範疇, 有不同專業, 包括:
土地測量( Land Surveying) - 工作重點真係量地, 確定地界, 面積等, 工作亦最為其他人熟悉, 係街見到
D人係度SET鏡, 唔知望咩的, 就係呢d...
工料測量 (Quantity Surveying) QS - 主要工作是管理工程價格, 量度工料數量, 工程合約管理, 主要係為
樓宇建築期工作
建築測量 (Building Surveying) BS - 或叫屋宇測量, 工作重點真係正如CY所講, 睇建築圖則, check 僭建,
另外仲係屋宇的醫生, 睇有無裂痕, 屋宇狀況的評定, 而建築測量師亦係唯一的測量師有可能成為建築物條
例下的"認可人士"(AP), 可以入則起樓
產業測量 (General Practice Surveying) GP - 正如個英文名, 呢行工作範圍就較闊, 主要工作是物業估價,
地政事宜, 物業交易, 管理等, CY 就係呢類喇
而除左呢4類, 近年新增仲有, 規劃及發展, 物業及設施管理之測量組別, 不過都係同以上一D範圍重覆
咁CY 咁答又有無問題? 當然係有la...
無錯, 有關僭建, 的確係建築測量師先係最在行, 最熟悉, 但唔代表產業測量師就可以唔駛知, 或唔知係合理,
因為正如我講, 產業測量主要工作是估價, 最直接是, 僭建物是影響估值的, 試問你做估價點會完全唔識咩係僭建?
再講, check 僭建最直接就係對返屋宇署的批准圖則, 基本上人人都可以call 出黎睇返, 即使間屋唔係你起,
而產業測量師亦一定要識睇圖, 因為要從圖則量度個實用面積等...從而進行估價...
CY 咁樣答, 其實係違背緊自己的專業, 將個波代俾其他專業, 其實咁樣講, 好可能連成為測量師的考核試(APC)
都不能接受, 連牌都考唔到la...
而羅太一句, 如果CY真係土地測量的, 就是合理, 但如果是產業測量, 亦是不當, 因為好多時物業估價同地政事宜,
都會涉及考慮建築物條例, 否則亦係做唔到, 因為估價必須考慮所有有關情況, 包括可以起到咩, 起唔到咩....
而講真, 就算花架唔知係僭建係合理, 睇返相, 佢車房上蓋同那雜物房就正常行內一睇到都會懷疑係la, CY
仲話自己搵專業人士睇過, 加埋佢自己都係專業人士, 咁樣咁多僭建都完全發現唔到? 尤其之前唐唐事件後,
佢都仲未發現? 其實就真係好難相信佢真係唔知....
而自己屋企有無僭建, 本身亦唔只係測量師責任, 而是作為業主的責任, 盡管其實大部分香港人屋企都會有
僭建/違規改建, 包括你同我...
講返政治, 其實真係唔知明報是否故意, 現在就正正好似唐唐翻版, d 僭建就越來越發現得多, 一日多一d,
連地窖都有, 今日仲有記者用高台車影佢, 真係有d 風水輪流轉的感覺....
雖然我自己一直覺得有僭建唔係好嚴重的事, 我亦唔相信會影響到佢就任, 不過呢樣野已經令佢未上任
就扣晒分了... 估唔到仲有人記得被遺忘的land sur:lol 好老實講, 如果:
作為產業測量師梁振英, 自住的物業有僭建是一時疏忽;
作為商人的唐英年, 非自住的物業有僭建就實屬不幸~
財爺政務司都有官邸提供, 唐英年多年無返過約道大屋不足為奇,
但梁先生多年來都住係自己屋企, 做測量都話唔識, 唔係那個專業,
就等於一個純數的數學家話自己唔識加減乘除一樣的可笑~~
唐英年因為僭建事件民望急跌, 失去選委中很多選票,
咁梁振英呢單野, 選委們又會有甚麼雙重標準呢?!
而家確定左領導人會七一來港觀禮, 西環點都會夾梁生上台,
但咁樣攪法, 佢既強勢領導計劃一定成為泡影~
話時話, 以後既特首智囊中, 除左政治助理, 應該都要個屋宇測量師, 未選前先執執間屋~
三任特首, 暫時得董先生沒有僭建~~
計埋特首候選人的話, 唔知楊鐵樑, 吳光正, 馮檢基, 何俊仁手持的物業又有沒有僭建呢?!
呢幾日令我諗起黃子華呢段野:
http://www.youtube.com/watch?v=MHKsS0WAFOU
唔quote太多, 因為有粗口, 但我好認同, 今次真係中晒, 應晒~
[ 本帖最後由 hkbw 於 2012-6-25 14:53 編輯 ]
回復 3# 的帖子
夾都唔一定夾得成，可能到時有人會玩「偽遊雲夢」，到儀式中間突然叫人「拿下」梁振英 (純粹講笑 :lol)
回復 3# 的帖子
應該查埋梁家傑，佢都曾經參選特首。 原帖由 stevenlim84 於 2012-6-25 16:29 發表 http://www.hkitalk.net/HKiTalk2/images/common/back.gif應該查埋梁家傑，佢都曾經參選特首。
d冇贏面的人搵佢黑材料晒時間
所以冇人聽到涼瓜杰同鐵頭何有競選醜聞.根本冇呢個需要
不過我亦覺得好surprise. 唐狗班底咁多叻人,點會前兩個月冇人刮到佢呢單出來,反而比左防暴隊呢隻屎坑橋比唐伯父?
回復 6# 的帖子
我覺得以當時而言，防暴隊嗰單嘢有力得多。煩請解釋一下你的問題，因為鄙人愚陋，唔明你點解話嗰條係屎坑橋。 原帖由 238X 於 2012-6-25 23:56 發表 http://www.hkitalk.net/HKiTalk2/images/common/back.gif
我覺得以當時而言，防暴隊嗰單嘢有力得多。
煩請解釋一下你的問題，因為鄙人愚陋，唔明你點解話嗰條係屎坑橋。
防暴隊論如果正常情況, 是好有力, 不過問題係防暴隊論係涉及行政會議內容,
當那涉及行政會議保密原則問題, 講出黎本身令唐唐自己都要承受一定政治風險,
可能兩敗俱傷...(尤其投票的唔少都係政商界, 爆保密野, 對呢D人可以好反感)
其實我懷疑當時唐營無人估到CY自己都有僭建, 所以無人提.... 原帖由 238X 於 2012-6-25 23:56 發表 http://www.hkitalk.net/HKiTalk2/images/common/back.gif
我覺得以當時而言，防暴隊嗰單嘢有力得多。
煩請解釋一下你的問題，因為鄙人愚陋，唔明你點解話嗰條係屎坑橋。
行為會議開會有Immunity,成員有責任去保持機密
你爆出來,除左市民知左隻狼個背面,本來撐唐的商人都會怕左佢.
一陣我同你私下講話收工上遊艇一齊同女名星玩都比你爆埋出來,點算
公務員都會怕左你,你可以用個政府個利益去出賣,換你的籌碼
你要記住,投票係邊d人投.唔係市民. 一陣同禮義廉某私人場合頃好數話下個月點老屈垃法局,點知比你擺左上檯
邊個敢同你玩.
仲有佢亦唔跟practice code做野, 新聞有話過, 行政會議定政府有權向洩密者追究責任(雖然唔likely會,亦唔知罰乜比打手板更輕)
*EDIT: 打得慢...某d point比3ASV兄講左先添:handshake
[ 本帖最後由 cn2661_2d32 於 2012-6-26 00:17 編輯 ] 原帖由 3ASV196 於 2012-6-26 00:14 發表 http://www.hkitalk.net/HKiTalk2/images/common/back.gif
其實我懷疑當時唐營無人估到CY自己都有僭建, 所以無人提....
哦, 公信第一覺得啱timing咪報導囉...
CY又唔會落台, 自己爆完唐唐爆CY, 夠哂公信第一