力寶中心巴士分站是巴士公司買起的嗎?
因為629好多人排隊, 排到繞住力寶中心繞圈,巴士公司職員加圍欄拉白縄,圍欄同白縄拉到去力寶江山笑對下天橋底, 完全無空位俾905 960 968 969等分站落車乘客行番入行人路.我想問一下, 那條街係咪巴士公司買起了? 佢地有咩權封左條路唔俾人行?如果D落車乘客被迫行出馬路從遠東金融中心那邊行返入去, 有咩意外係咪由封路者負責?
我穿過人群再推行條白縄行返人去力寶中心那邊, 俾一名穿黃色背心的職員阻止並怒啤我, 如果唔係趕時間, 我一定打999叫差佬黎投訴有人非法封路
利申: 我坐969係力寶中心轉12A, 剛俾完錢巴士公司賺, 也算是顧客吧, 但落了巴士卻遇上麻煩.
(如果有巴士公司高層睇到篇文, 唔該出來回應下)
[ 本帖最後由 bbtong 於 2013-2-11 14:42 編輯 ] 你想城巴怎麼處理？讓629乘客亂排?
職員阻止你應該是覺得你有打尖之嫌，你沒有錯的話，解釋一下就行了，何必亂用警力？ 原帖由 castanopsis 於 2013-2-11 15:25 發表 http://www.hkitalk.net/HKiTalk2/images/common/back.gif
你想城巴怎麼處理？讓629乘客亂排?
職員阻止你應該是覺得你有打尖之嫌，你沒有錯的話，解釋一下就行了，何必亂用警力？
家陣是他們非法圍封巴士分站, 連條路仔都唔留返落車乘客, 舉報違法行為報警有何不妥?
要解決好簡單, 條龍排去地鐵站方向就可以, 點解要圍住巴士分站唔俾人行? 原帖由 castanopsis 於 2013-2-11 15:25 發表 http://www.hkitalk.net/HKiTalk2/images/common/back.gif
你想城巴怎麼處理？讓629乘客亂排?
職員阻止你應該是覺得你有打尖之嫌，你沒有錯的話，解釋一下就行了，何必亂用警力？
咁計係城巴問題喎:o 點樣加欄加繩都唔應該封死成條行人路喎...
btw樓主係到講 係到等高層出嚟 倒不如直接打去城巴投訴... 原帖由 bbtong 於 2013-2-11 15:36 發表 http://www.hkitalk.net/HKiTalk2/images/common/back.gif
家陣是他們非法圍封巴士分站, 連條路仔都唔留返落車乘客, 舉報違法行為報警有何不妥?
要解決好簡單, 條龍排去地鐵站方向就可以, 點解要圍住巴士分站唔俾人行? ...
其實要解決好簡單,直接封中港關口就可以
另問,閣下出POST係咪有五仙收?:funk: 其實城巴會唔會已經向有關部門申請左? 係咯，你報警囉，睇下仲多幾多人怒啤你？
唔圍住Ｄ人，Ｄ人亂咁排，唔小心叉錯腳走到馬路俾車撞到，係咪你負責？
仲有，俾＄唔係大晒
樓主隔幾日整幾篇灌水文章，毫無討論性，都唔知有幾多人怒啤你 原帖由 bbtong 於 2013-2-11 12:14 發表 http://www.hkitalk.net/HKiTalk2/images/common/back.gif
因為629好多人排隊, 排到繞住力寶中心繞圈,巴士公司職員加圍欄拉白縄,圍欄同白縄拉到去力寶江山笑對下天橋底, 完全無空位俾905 960 968 969等分站落車乘客行番入行人路.
我想問一下, 那條街係咪巴士公司買起了? 佢地有咩權封左條路唔俾人行?如果D落車乘客被迫行出馬路從遠東金融中心那邊行返入去, 有咩意外係咪由封路者負責?
我穿過人群再推行條白縄行返人去力寶中心那邊, 俾一名穿黃色背心的職員阻止並怒啤我, 如果唔係趕時間, 我一定打999叫差佬黎投訴有人非法封路
利申: 我坐969係力寶中心轉12A, 剛俾完錢巴士公司賺, 也算是顧客吧, 但落了巴士卻遇上麻煩.
(如果有巴士公司高層睇到篇文, 唔該出來回應下)
其實呢, 以629多人o既程度, 唔使樓主你報警, 亦都唔使城巴報警 (城巴同事都無咁多時間招呼差人), 事實上, 力寶中心o既職員試過報警, 就係因為人龍圍住左力寶一個圈.
以我今日o既見解, 果個post位o既同事不停要指揮遊人向龍尾行, 又要維持秩序唔好比人打到尖, 所以可能睇唔到你係咪落車客, 你知啦, 落左車o既乘客, 同路人無咩識別o架嗎, 不過anyway, 如果佢令你有咩唔高興, 我代佢向你道個歉又點話o丫
話分兩頭, 我希望樓主亦都要清楚咩叫封路, 如果真係封左條路, 我諗你連車都落唔到. 又打個比喻, 我相信各版友每朝都不時見好多長者排好長隊索取免費報紙, 晌我屋企附近甚至排到連便利點門口都攔住左, 唔通班長者又有權封左人地門口? 又如果樓主係便利店職員, 你會日日報警, 促進警民關係, 定係諗其他辦法?
不過樓主你放心, 已經有主任睇左你篇文
利申: 曾經管過黃背心同事, 而家繼續每周末穿梭於金鐘與海洋之間, 曾經坐過創富廠高層六字樓o既唔係高層職員
註一: 如果有任何人智障到因任何原因行落/橫過馬路唔睇交通情況而又被汽車撞傷, 或引致其他交通意外的話, 仍然係可以被控告不小心橫過馬路
註二: 續註一, 如果任何人, 因為外來因素導致要行落馬路而引致受傷, 可向有關外來因素進行民事索償, 例子: 如車輛停在一停車場的出口, 導致行人須經馬路橫過該停車場出口時, 被馬路上車輛撞傷, 則停在停車場出口之車輛可被控不小心駕駛
註三: 我都明白樓主你見到咁多強國人可能好慶, 心裡響起"請你好好訓低"幾個字, 不過如果大家都可以晌多角度分析一下, 就會明白香港同胞已經盡左力. (例如5部629一齊開門上客, 無奈天朝子民未嘗雙層空調巴士車頭滋味)
註四: 如果樓主年初三都仲要969轉12A, 咁我建議你晌中環轉, 如果唔係, 我怕樓主一落車就會被淹沒,
註五: 希望註四唔會太遲, 無法啦, 穿梭完海洋金鐘都已經夜晚10點幾, 返得屋企沖得涼食得飯呢個時間先有空覆樓主
[ 本帖最後由 ml27 於 2013-2-12 01:45 編輯 ]