原帖由 s3n370 於 2013-2-23 10:23 AM 發表 http://www.hkitalk.net/HKiTalk2/images/common/back.gif
正如小弟所講，只要在添馬（或者銅鑼灣北）起多個月台/調頭隧道開短棍，短棍班次係夾住機場快線的slot，就己經可解決兩隧容量差距的問題。
至於風險問題係認同，總有機會一出事就ko哂兩條過海線路。但小弟相信唔係無法舒緩。
大部份情況下的故障，應該不致於全線癱瘓，可以局部維持運作。最多咪好似宜家咁，去到香港/北角調頭。
例如早前北角站幕門出事，將軍澳入面仍維持限度服務。
我都講了一個短棍車的問題﹐便是夾時間﹐係話夾機場快線﹐現實中係唔係真係容易夾到?
這便是我上文所講的重點了。
當短棍車係香港站﹐當然添馬又得﹐其他有條件又具效率的車站都得﹐不過用香港站會容易一點詳細講解。
但越離開香港站越遠﹐短棍車的成效越低﹐因為香港站去相應的短棍車總站係會少了車(班次)的。
假設將軍線線開出班次如下(唔好加入康城開出﹐增加講解思考複雜性) :
A車>2分 > B車> 2分 >C車 > 3.5分 >D車(去到香港會撞機場車入西隧﹐所以要遲開車) > 2分 > E 車 > 2分 > F車
即係每2分鐘一班車﹐如該班車去到香港係會與機場車撞開車時間﹐便會押開班次﹐令到3.5分才車。
這便是一條線過﹐會產生的班次不穩及減少班次的原因/情況。
按你的意思﹐短棍車便會在 D車 身上﹐會與前車保持2分鐘。
理論上是OK的﹐無問題。
但是﹐當這部車去到香港站掉頭的時間﹐又係唔係真係夾到去將軍澳方向的空檔位﹐並且攝入機場車之前佔用的空間﹐載客返將軍澳?
會唔會這個空間會在這部短棍車之前已經出現﹐令到要在香港站要呆等幾班車的時間﹐才會有機會攝入載客返將軍澳?
又或者唔理三七廿一﹐即時掉頭攝入載客返將軍澳﹐原本的班次便等一等﹐稍為押後。這又會唔會有連鎖反應﹐一直令其他東涌及機場開出的車塞起來?
現時機場快線10分鐘一班車﹐即係1小時有6班車﹐你要夾1班短棍唔難﹐即使令其他車班次有影響﹐都影響唔太大。
但係﹐當每隔幾班車便要插短棍﹐而無人可確保短棍掉頭時又可以時間剛剛好攝入﹐唔影響回程班次﹐在控制班次的技術相當高。
除非﹐香港站(以上述例子而言)有則線暫時存放列車﹐這才有機會減少這個夾班次的難度。
不過﹐又會唔會有機會出現月台/則線都唔夠用﹐泊唔晒短棍車? (例如西隧一邊有車delay)
特別係日後機埸快線要加班﹐或者有等別原因﹐某個期間加密班次﹐這個日常時間表又要夾過晒。
*********************************************************************************************
風險問題﹐你都認同有機會出現2條過海隧道同時出事。
你又講得無錯﹐當出現問題時﹐係可以在香港島一個合適的車站﹐安排車去折返﹐放棄餘下車程。
如果好似上次北角失火事件﹐要封車站﹐又因鰂魚涌無的掉頭﹐可以即時落order 停過海﹐即時斬纜停某一部份的服務﹐這便易講。
但是﹐這些嚴重問題又幾何發生?
最常見的係訊號系統故障﹐個別一個車站出問題﹐列車要在出事車站/路段慢駛。這會帶來連鎖反應﹐後車一部接一部有延誤塞車﹐極端的(例如近開出的總站 / 影響時間長)便會令反方向的服務同時受阻。
無錯﹐可以安排列車中途折返﹐不過這些決定唔知有無人可以即時落order。有權力的人﹐亦都未必敢去做﹐因為當多一部車在出事位置之前﹐又會增加 "倒塞" 的機會﹐以及會影響另一邊會唔夠車﹐要2邊一齊做中途折返這個安排。
除非好明確知道要幾多小時才能修復﹐否則都係等車慢慢塞好過。因為一下決定﹐牽連的影響亦都相當大﹐所以唔敢胡亂下決定。
(東鐵由於有多個車站都有多月台﹐令到列車折返容易控制及靈活得多﹐當一邊"塞車"接近極限﹐另一邊可以在多個車站﹐按實際情況落指示折返﹐但前地鐵線有能力做到折返的車站﹐真係無幾多個﹐靈活性太低﹐亦是一個難處。)
相同情況﹐又係訊號系統故障﹐如果在香港島的車站發生﹐一班控制室的人員會更頭痕。真係點都好﹐好快會因為"塞車"而影響到2條過海隧道﹐一邊斷晒纜﹐一邊塞爆車。
所以以系統可靠性﹐危機處理應變去做﹐唔合併成一條線係明智得多。最少唔會因為一個車站(非2線的轉線站)而有機會同時影響2條過海隧道的班次。即使係轉線站出事﹐亦未必同時2條線會受影響。
原帖由 kei_hk 於 2013-2-24 17:04 發表 http://www.hkitalk.net/HKiTalk2/images/common/back.gif
我都講了一個短棍車的問題﹐便是夾時間﹐係話夾機場快線﹐現實中係唔係真係容易夾到?
這便是我上文所講的重點了。
當短棍車係香港站﹐當然添馬又得﹐其他有條件又具效率的車站都得﹐不過用香港站會容易一點詳細講解。
但越離 ... 依家東涌綫啲車去到荔景已delay曬，如果由寶琳出發:L
正常班次唔駛過海...
[ 本帖最後由 egdeen 於 2013-2-24 22:55 編輯 ]
東涌線列車駛入港島線
技術上真的可行嗎??
原帖由 053h4 於 2013-2-24 10:09 PM 發表 http://www.hkitalk.net/HKiTalk2/images/common/back.gif
而家地鐵信號系統係某一段故障，咪又係某一站折返
有幾何全線斷晒
關係唔係做直通有咩關係？
前mtr線訊號系統故障﹐多數只是個別車站出事﹐甚少一大段路(同時有幾個車站)出事。
一般都係讓列車在安全情況下﹐繼續載客﹐慢慢駛過出事路段﹐甚少安排車做折返的。
是否直通係無直接關係﹐但直通的便會出現一個車站出事﹐令到全線2條過海隧道都會受影響塞車﹐影響很嚴重。
原帖由 egdeen 於 2013-2-24 10:04 PM 發表 http://www.hkitalk.net/HKiTalk2/images/common/back.gif
依家東涌綫啲車去到荔景已delay曬，如果由寶琳出發:L
正常班次唔駛過海...
其實係無真正的 delay﹐而是班次係分佈並非相等﹐再加人為因素﹐令到東涌車好似有delay。
如果細心留意﹐青衣車係會比較緊貼前一班東涌車的。青衣車之後一班東涌車又會比較疏的。
班次大既是這樣的 : (以荔景站觀察所見﹐以及相距時間不太準確)
東涌 > 3分 > 青衣 > 5分 > 東涌 > 4分 > 東涌 > 3分 > 青衣.............
註 : 班次相距有機會係與機場快線夾時間有關
在荔景﹐青衣車永遠唔會等對面月台的轉車客﹐但東涌車永遠係會等轉車客﹐甚至對面月台車未停定都會等客的。
在2個因素下﹐便形成東涌車好似成人delay。
實際上﹐這個安排可以令青衣車在青衣有更多時間﹐供職員上車檢查及清客。
[ 本帖最後由 kei_hk 於 2013-2-25 12:40 編輯 ]
DEL
[ 本帖最後由 tonytsang_hk 於 2013-2-25 12:19 編輯 ]
原帖由 tonytsang_hk 於 2013-2-25 12:13 發表 http://www.hkitalk.net/HKiTalk2/images/common/back.gif
DEL Relax 屯東鐵路係同道路一齊咨詢，呢次咨詢係地區鐵路優化，有預定立場又唔出奇。