原帖由 superbus 於 2013-5-20 11:51 發表 http://www.hkitalk.net/HKiTalk2/images/common/back.gif
夢想永遠都唔會同現實接到軌, 好快佢個夢想就會幻滅
尤其佢做果間叫狗X公司, 個夢想會幻滅得更快:$
做專業人士, 返工要提心吊膽, 放工一樣要提心吊膽,
仲要覺得收完錢都唔知貢獻左社會乜野,
人工背後有幾多眼淚、幾多迷失又有冇人知？
我完全明白佢話每日好期待返工既感覺呀...
身邊都有唔少朋友/同事, 俾醫生問要份工定要命,
未到三十歲已經捱到殘有暗病, 睇你覺得值唔值啦...
有時做人做到攰, 跳出黎都未嘗唔係好事。
原帖由 S3BL100 於 2013-5-20 13:01 發表 http://www.hkitalk.net/HKiTalk2/images/common/back.gif
話時話，以我所知，果屆中大尖子（03年會考、04年拔尖的）
似乎特別多人走左去揀alternative career path，或者走去讀冷門科（i.e. 社會規範認為尖子唔應該揀既科目/事業）
例如，據我所知有個10A走左去讀數學，而家晌我以前讀果間 ...
行外人就覺得薪高糧準嘆冷氣, 行內人就知道其實連奴才都不如。
做車長覺得班客好野蠻, 但偶然都有個客口甜甜開心番半日。
坐寫字樓見住班人其實更野蠻, 冇野值得留戀。
我就成日同d朋友講, 有一日我拋低所有去撤哈拉流浪半年,
返香港做個小小既教師/社工/文員, 乜都好,
唔洗懷疑我發神經, 唔跳出去做到退休我就真係遲早癲。
[ 本帖最後由 kwyeung 於 2013-5-20 13:10 編輯 ]
原帖由 2234 於 2013-5-20 13:05 發表 http://www.hkitalk.net/HKiTalk2/images/common/back.gif
佢有返咁上下家底之餘,仲要自己做過幾年高薪厚職,
而家佢個人身家都有返咁上下,所以先可以出黎「實現夢想」一排
佢以廿六七歲呢個年紀就已經可以搵返咁上下多錢, 而可以出黎「實現夢想」,
真係要人生完全一帆風順 ...
事實如此, 而今次呢單新聞個主角有本錢, 屋企人又支持佢, 當然可以實現理想,
問題係如果兩者都冇 o既情況下, 一般人又點可以好似佢咁 ~
起我眼中佢真係好幸福, 都好幸運,
佢有本錢, 屋企人又支持佢, 難得自己仲有熱誠同埋勇氣去追求理想,
我真係好欣賞佢,
不過起香港呢個功利社會入面, 真係好難會搵到佢呢種人,
好多香港人根本每日都係行屍走肉, 為錢而活; 冇基礎 o既根本好難去講理想 ~
原帖由 edhong 於 2013-5-20 12:29 發表 http://www.hkitalk.net/HKiTalk2/images/common/back.gif
superbus你係示範食唔到既提子係酸的嗎? 定係你以為夢想就係你識果個九公司old 2咁呢?
目前環境下既公司文化, 如果你覺得九公司係最差既話, 大把公司比九公司更差 ... 我駛酸佢?;P
今日佢暫掛 296M 就仲好咋, 他朝甩出黎做後備
叫佢做條 601 或者將軍澳果D朝7晚9既蛇車, 再唔係俾人掟出去做條 1A、116
睇吓果時仲講唔講夢想
原帖由 2234 於 2013-5-20 13:05 發表 http://www.hkitalk.net/HKiTalk2/images/common/back.gif
佢有返咁上下家底之餘,仲要自己做過幾年高薪厚職,
而家佢個人身家都有返咁上下,所以先可以出黎「實現夢想」一排
佢以廿六七歲呢個年紀就已經可以搵返咁上下多錢, 而可以出黎「實現夢想」,
真係要人生完全一帆風順 ...
我又聽過，唔少諗住做banking/finance的，都係貪人工高，
諗住做幾年儲夠錢就劈炮唔撈，轉行從頭再來。
至少我有個會考8A的中學同學，就係諗住做banking，30歲退休。
結果佢考入Cornell，再轉去UPenn Wharton Business School，之後入左華爾街某大行，
無錯的話而家自己做緊Iinvestment consulting，距離「目標」似乎不遠矣。
但係當中又有幾多真係可以做幾年後儲夠錢，又有精力/時間可以從頭再來？
定係更多只係做到迷失方向，浮浮沉沉？
大家可能有錯覺，以為尖子/搵錢多的人必然係「一帆風順」，
let me tell you what, this is far from the truth:(
話時話，我當年undergrad，就有一個同學，本身係醫生，
但係讀醫只係因為屋企人期望，結果最後發現自己興趣係pure science，
於是32歲之齡重返校園讀physics，最後仲first hon畢業。
據我所知佢有報外國postgrad，考晒GRE，但係好似無admission offer（原因無問），
無其他野做果陣都係要返診所睇症:handshake
[ 本帖最後由 S3BL100 於 2013-5-20 13:32 編輯 ]
原帖由 kwyeung 於 2013-5-20 13:09 發表 http://www.hkitalk.net/HKiTalk2/images/common/back.gif
行外人就覺得薪高糧準嘆冷氣, 行內人就知道其實連奴才都不如。
做車長覺得班客好野蠻, 但偶然都有個客口甜甜開心番半日。
坐寫字樓見住班人其實更野蠻, 冇野值得留戀。
我就成日同d朋友講, 有一日我拋低所有去撤 ...
所以我唔明點解而家都仲咁多尖子/家長覺得做會計/finance/banking就一定係天之驕子
行行皆辛酸，不過我從來唔會晌facebook見到做banking/finance/會計的朋友
覺得有咩gratification，「今日我又做左一件好有意義既事啦」；
相反，走去教書，甚至浪跡天涯、體驗生活的，就不時都會見到佢地唔少帶來正能量的分享。
話口未完，岩岩已經facebook見到有個又係讀quantitative finance的朋友話「我應唔應該去渣巴士？」喇。
原帖由 S3BL100 於 2013-5-20 13:19 發表 http://www.hkitalk.net/HKiTalk2/images/common/back.gif
我又聽過，唔少諗住做banking/finance的，都係貪人工高，
諗住做幾年儲夠錢就劈炮唔撈，轉行從頭再來。
至少我有個會考8A的中學同學，就係諗住做banking，30歲退休。
結果佢考入Cornell，再轉去UPenn Wharton Business School，之 ...
其實人大左, 心態都會有小小改變,
反而可能會返求穩定生活就算 ~
而你個位醫生朋友, 其實佢追求理想 o既同時,
佢本身 o既專業都可以保住佢日常生活, 呢個就係佢個基礎了,
理想係重要, 但係基礎就更加重要, 某程度上呢個真係用黎保著自己條命仔, 又或者係用黎 pump 水去支持自己個理想之用 ~
點解個個講到渣巴士好似無人工出甘?大把老豆渣巴士未又係供到自己仔女.我唔信佢原本個行唔洗受氣,但受得氣黎自己開心真係差好遠