其實還有好多
如:今日九巴主角姚車長為例，經常被乘客讚賞。
不過他的學歷無呢位人兄這樣高，但可以實現夢想都值得佩服。
事實有好多昔日10優/9優的人，
如新民黨個施生，區議會選輸左，但好快做官。(教育局工作)
我覺得呢位人兄好可能被九巴賞識
做九巴(載通系)管理層 原帖由 tonyyang 於 20/5/2013 14:07 發表 http://www.hkitalk.net/HKiTalk2/images/common/back.gif
我識個卡佬,做左廿幾年,養到個大女去美國讀碩士,細仔o係CU就畢業,得閒同佢女人去旅行散心,都不知幾幸福...:victory:
以前歌仔都有得唱啦,"想要嫁得好,緊係巴士佬"... :) ...
以前以前，你都識講以前啦，以前揸中巴揸到有海怡半島單位tim
依家?得個萬幾蚊人工，本身屋企人又冇瓦遮頭留低比你，你試下公屋居屋又抽唔到
租個房仔都隨時去咁你一半人工，乜野福利都唔到你排既N無人士
對上有年老父母，自己都未養得掂，成30歲人我睇你仲有冇得咁牙擦擦去追夢丫喇?
係香港同人講夢想，咪玩啦你今年貴庚啊?
唔講金唔通同你講心丫?夢想一樣要靠錢去支持
夢始終都要有醒既一日，夢想?都係實際D好…
知足常樂: 屋企都就黎冇飯開，只要我自我感覺良好夠我使夠我用，我都可以好快樂架係咪!?
我真係唔明點解咁都可以做到港聞頭條?
一開始大家條起跑線都唔同，講黎都晒gas
佢都只不過係啱啱開始揸巴士梗係多憧憬
你估依家玩緊OMSI？服務業大把受氣嘢你頂啦，興趣變成工作!?嘻～
佢自己本身都係Big4出黎，做幾年已經分分鐘儲夠個首期
屋企又唔係等開飯又乜都有晒支援緊係大口氣架啦
他朝一日佢玩厭左，以佢成績隨時返返上去做返高職高薪
你試下讀唔成書又冇大學讀屋企又等救命個時你走去學佢丫喇?
仲有根本咁做係晒左個學位，比D本身有能力讀上大學只係其他因素而無緣學位既學生睇到佢會點諗?
難得仲有咁多人週違share黎自high......
[三姑六婆mode]我琴日先當住個巴士佬面前訓話我個仔,鬧佢唔比心機讀商揾大錢,將來就要做服務業比人媽媽聲,你依家咁樣叫我情何以堪?
[ 本帖最後由 請勿下車 於 2013-5-20 16:32 編輯 ]
回復 42# 的帖子
狀元年紀仲細，渣巴士當working holiday，佢有學歷有經驗，玩一年半載玩厭再番去做銀行都仲得。做一世巴士佬？唔好玩啦，到結婚時老婆點諗？仔女點算？做銀行管理層送個女入名校都容易D啦，渣巴士嘅恐怕幫個女去DGS拎表都可能俾人掟番出嚟。 原帖由 請勿下車 於 2013/5/20 16:31 發表 http://www.hkitalk.net/HKiTalk2/images/common/back.gif
仲有根本咁做係晒左個學位
點為之嘥? 點為之唔嘥? 咁你認為大學女多男少甚至成績女好過男但好多女的嫁咗生咗仔直情工都唔返埋頭家庭做湊仔婆煮飯婆連萬四蚊都賺唔到咁又算唔算「嘥」? 原帖由 請勿下車 於 2013-5-20 16:31 發表 http://www.hkitalk.net/HKiTalk2/images/common/back.gif
以前以前，你都識講以前啦，以前揸中巴揸到有海怡半島單位tim
依家?得個萬幾蚊人工，本身屋企人又冇瓦遮頭留低比你，你試下公屋居屋又抽唔到
租個房仔都隨時去咁你一半人工，乜野福利都唔到你排既N無人士
對上有年老父母，自 ...
我剩係見到好大陣酸味..............大家覺唔覺?講到好似渣巴士無糧出會餓死甘,香港而家有幾多個職業司機?佢地係味慘到要乞食?佢地D仔女點養大呢甘?
[ 本帖最後由 chiukit2001 於 2013-5-20 17:04 編輯 ] 話時話，他的blog"夢想之旅"係邊？:D
好有興趣睇睇！ 原帖由 chiukit2001 於 20/5/2013 17:02 發表 http://www.hkitalk.net/HKiTalk2/images/common/back.gif
我剩係見到好大陣酸味..............大家覺唔覺?講到好似渣巴士無糧出會餓死甘,香港而家有幾多個職業司機?佢地係味慘到要乞食?佢地D仔女點養大呢甘?
我無酸，亦無指明邊個行業，只係想講要迫夢都要睇返自己本身有幾多斤兩
睇清自己係咪真係有咁既本錢學人追夢
各自做返自己本分就好
本身只係想講出份報紙同之前個類成功需苦幹文章一鬼樣
睇完得啖笑算
無意扁低任何人士 原帖由 iambighead 於 2013-5-20 17:04 發表 http://www.hkitalk.net/HKiTalk2/images/common/back.gif
話時話，他的blog"夢想之旅"係邊？:D
好有興趣睇睇！
實情係佢 FaceBook account o既 notes,
我唔知起度公開人地面書戶口條 link 有冇問題 ~
不過呢條 link 就應該絕對冇問題,
https://www.facebook.com/facemaghk
(Face Magazine FaceBook, 你應該會見到條 Link 的了) ~
[ 本帖最後由 AVD1 於 2013-5-20 17:53 編輯 ] 原帖由 請勿下車 於 2013-5-20 17:27 發表 http://www.hkitalk.net/HKiTalk2/images/common/back.gif
我無酸，亦無指明邊個行業，只係想講要迫夢都要睇返自己本身有幾多斤兩
睇清自己係咪真係有咁既本錢學人追夢
各自做返自己本分就好
本身只係想講出份報紙同之前個類成功需苦幹文章一鬼樣
睇完得啖笑算
無意扁低任何人 ...
又唔可以話得啖笑,年青人無屋企負擔,有夢想可以有能力去實現,唔通到你四五十歲
又未到退休年齡,屋細有大有細等你開飯先至話要去實現夢想(當然你都可以去實現,
只係到時想做未必可以做),唱都有得歌"既是有力挺起胸膛即管好好作反,《青春頌》"
楂車可以搵到二三萬,視乎勤唔勤力,無話一定要買海怡,買居屋都可以住,世界咁大,
錢又一定搵唔晒,俾你讀完打份iBank,無錯收入高但做到傻,正宗搵埋無命享,間屋
再大都只係用黎訓覺
PS:呢位人兄講真可以選擇路多的是,只要底唔花有牌在手怕無錢搵,點都好過齋做金融 我睇完段新聞，為佢的理想付出很大勇氣讚賞，但擔心的是，同事和乘客的對待，會否令到他的熱誠退卻。
最近我和一位做了二十年的車長談過，他說初初入行仲會有熱誠，但見到乘客的無情對待，已心淡了。