[轉貼] 四成冷氣巴變熱狗 車廂高達30℃ 隨時中暑
【本報訊】「熱狗」（非空調）巴士退役後，竟有冷氣「熱狗」出現？《蘋果》量度了21架空調巴士的車廂溫度，發現四成巴士高達30℃或以上，甚至有熱過室外的情況。學者及工程師相信是巴士的維修保養有問題。有醫生表示，在悶熱的巴士內，比室外更容易中暑。 記者：伍雅謙上周有一名巴士乘客因車廂太熱，而與車長爭執、互毆。九巴、城巴及新巴聲稱，巴士均設有自動恒溫系統。但本報測試結果卻大相逕庭，車廂溫度的差異相當大，也常見冷氣不足情況
新巴796C熱過街外 :@
記者在市區測試21架巴士的車廂溫度，包括九巴、城巴及新巴。結果發現車廂溫度由20.4至32.4℃不等，相距達12℃；其中四成巴士達30℃或以上，測試時車內乘客甚少，卻又熱又焗，而以新巴796C線巴士最熱，錄得32.3℃，比街外31.2℃更高，有乘客不停搧風及抹汗。
此外，近半數巴士的車廂溫度維持在24至28℃，感覺較為舒適；但也有14%巴士的溫度在20.4至22℃，感覺偏冷。另有兩成巴士的車廂溫度，與室外氣溫相差達10至13.4℃。
香港大學電機電子工程學系教授容漢青指，若巴士早已預設溫度，「個誤差好驚人」。他表示，現時恒溫技術發展成熟，差異不應如此大，若非司機可以自己調校，則「維修保養好有問題」。理工大學機械工程學系工程師盧覺強表示，車廂過熱，或是雪種不足、系統損耗令效能降低導致，「（巴士）上下層（冷氣系統內）各有6把風扇，（若）其中一把壞咗，會唔夠凍」。
巴士冷氣不足，最難捱的可能是司機。九巴員工協會副理事長郭偉光說，「有夥計投訴，件衫個背脊由開工到收工都未乾過」，車齡13至17年的巴士，一般因零件退化，冷氣系統也較差。
家庭醫生關嘉美提醒，空調車廂不及室外通風，易引發「企鵝效應」，即在沒有窗戶的悶熱環境下，身體無法散熱致中暑，「喺一架32℃嘅巴士入面，容易中暑過32℃嘅室外」；並容易引致呼吸道感染。但若巴士溫度低至20℃，「由30幾度衝入20℃，好易『攝親』」。
九巴表示，早期巴士的溫度預設為23℃，08年後購入的巴士則為24.5℃；但車廂內的溫度，受途經路段、四季差異、乘客數量、停站開門等影響。新巴及城巴則推說因停車熄匙，令巴士在剛起行時溫度有差異。惟本報測試時，多在中途站上車。工會指兩巴的預設車廂溫度一般為22至25℃。
佢地D調査都5準既,一架30XX同55XX點比AR? 算啦……一陣又話凍過20度，一陣又話熱過30度，都唔明點解香港係硬要全空調化。 有時某些總站無瓦遮頭
上到部車時好似焗桑拿咁
:L
亦有些是部車的空調出風不夠強....
通常出現在車輛較大的巴士
:funk:
[ 本帖最後由 avianwind 於 2013-7-13 10:15 編輯 ] 原帖由 aaaaaa55555 於 2013-7-13 09:10 發表 http://www.hkitalk.net/HKiTalk2/images/common/back.gif
【本報訊】「熱狗」（非空調）巴士退役後，竟有冷氣「熱狗」出現？《蘋果》量度了21架空調巴士的車廂溫度，發現四成巴士高達30℃或以上，甚至有熱過室外的情況。學者及工程師相信是巴士的維修保養有問題。有醫生表示，在悶熱的巴士 ... 一般乘客點識/點會同你分咩30xx/55xx?
咪又係新巴一部。 原帖由 lsc04d11 於 2013-7-13 09:18 發表 http://www.hkitalk.net/HKiTalk2/images/common/back.gif
算啦……一陣又話凍過20度，一陣又話熱過30度，都唔明點解香港係硬要全空調化。
所以以前與巴/中巴開窗冷馬係幾好，如果冷氣唔得，起碼可以開窗先呀，但衰在落雨啲水由窗罅入晒車廂，
一係就唔好用自動冷氣溫度調控，改為上下層溫度由車長人手控制
唔想全空調化，應該從唔買熱狗開始，買返熱狗
買晒冷氣巴已經代表遲早都要全空調
[ 本帖最後由 AD118 於 2013-7-13 11:09 編輯 ] 原帖由 PS8851@182 於 2013-7-13 09:55 發表 http://www.hkitalk.net/HKiTalk2/images/common/back.gif
30XX 唔係新巴車？點解唔準呢？ 佢係求求其其找30架車試,失去準確性 原帖由 aaaaaa55555 於 13/7/2013 11:44 發表 http://www.hkitalk.net/HKiTalk2/images/common/back.gif
佢係求求其其找30架車試,失去準確性
咁都係模仿市民搭車姐
有幾失去準確性呀?:L 如果分公司睇，新城的較冇冷氣(55XX，80XX，81XX另計)，因為新城用車好盡，知道壞都冇得整(尤其北大)，就算係有d 40XX，55XX and 8203, 8204都開始冇咩冷氣
而且車窗問題，d太陽光入左巴士上熱氣都出唔到去，如果晚上就冇咩問題，早上d新城司機係要濕水毛巾先得(10XX個設計司機位後面係會出熱氣)
所以係巴士上開工的人係好慘的(熱到想走都唔走得)