原帖由 teddybus 於 2013-9-6 00:04 發表 http://www.hkitalk.net/HKiTalk2/images/common/back.gif
為左一架巴士走去大改造個博物館, 算唔算係一種本末倒置?
唔算, 因為科學館道呢間歷史博物館大樓, 係先安置好架電車,
然後至起棟樓嘅. 所以想偷走架車都有難度;P
點解唔直接將AD7452 泊喺鐵路博物館度展出呢?
只係因為間博物館個名叫做香港鐵路博物館? 個名唔改得嘅咩?
因為唔同政府部門負責?
原帖由 FS1819 於 2013/9/7 16:47 發表 http://www.hkitalk.net/HKiTalk2/images/common/back.gif
嗰架車被人縱火之後燒通頂，得車頭係比較完整
但D550機械上係完整，仲可以做revenue service
﹣
呢批丹拿E係隧道線功臣，更係全英國最後出廠half-cab巴士，意義重大
湯個頭出嚟係乜保育？要全架車行得，俾市民乘坐，先真正有意思，
唔係個個都對住一個爛鬼車頭可以幻想到咁多「那些年」，如果真係得，
咁香港唔駛骨灰位，切先人個頭落嚟擺屋企飯廳啦，咁日日都可以同先人一齊食飯添﹗
...
你講緊邊架車? 倫敦寶又係燒車? Volvo Wrigtbus 又係燒車? 咁多人講日本啲火車只留車頭又係燒車?
切先人個頭咁冇「真正意義」, 反而得堆骨灰就有「真正意義」? 咁奇怪, 那是不是將架巴士燒成一堆灰你就覺得有「真正意義」? 咩道理呢?
一係咁啦, 你係咪想叫大家將先人通通學毛主席做全身防腐處理? 如果係, 你又有冇身體力行先? 定係原來你要日日見住先人遺體才會懂慎終追遠?
弊喇, 防腐處理都唔代表嗰個係活人, 咁點算好呢?
原帖由 petcity 於 7-9-2013 18:42 發表 http://www.hkitalk.net/HKiTalk2/images/common/back.gif
你舉既例子真係好難同留一架車做比較
如果要望一架完整巴士可以諗起那些年套用到先人
首先唔應該火葬，而係留全屍，中國人傳統觀念更加
唔容許有器官捐出去(OMG，咁醫護人員真係講句唔該哂)
留先人個頭除左心理有問題，冇 ...
當然我要用一個誇張嘅例子，去講切頭幅「保育」呢個做法有幾錯，如果有冒犯任何人嘅，喺道都照例要道歉:(
我覺得一架古老巴士唔只係一件展品，更重要嘅係佢嘅價值､同佢所載嘅人與事，我以城巴車隊為例，
1頭係城巴開國功臣，更重訂客車嘅標準，為過境巴士起步，所以值得留，特別係102， 仲係三軸巴士樣版；
2頭係令赤柱等地都有雙層冷氣巴士服務，大大提升郊區服務質素，又係第一款2加2量產專利車，都有啲值得留，；
市區3頭係令市民接受冷氣巴士嘅重要基楚，令市民明白冷馬唔一定係「豪華」，只係多咗空調機，都有價值留；
315唔駛講啦﹗
4､5､6頭都冇乜特別，最多留架NC豪；
7､8頭，只留一架8頭就得，因為佢用亞記頭幅，不過意義唔大；
9頭我諗唔到有何特別；
Dennis低地台車留2201就得，因為佢嘅身世特別；
其他嘅樣板都唔太特別，唔一定要留；
07年打後新車，得一架7000要留，因為係第一部兩軸冷馬…
你話要留先人就要留全身，我絕對同意，而D550都應該係要咁，可惜就係九記套畸形邏輯壞事 :L
原帖由 king 於 2013-9-7 18:17 發表 http://www.hkitalk.net/HKiTalk2/images/common/back.gif
唔算, 因為科學館道呢間歷史博物館大樓, 係先安置好架電車,
然後至起棟樓嘅. 所以想偷走架車都有難度;P
點解唔直接將AD7452 泊喺鐵路博物館度展出呢?
只係因為間博物館個名叫做香港鐵路博物館? 個名唔改得嘅咩?
...
你都識講當年架電車係安置好先封周圍
呢種我就唔會叫改造
咁要放架完整嘅AD7452入去個博物館
係咪要博物館拆牆?
呢D都唔叫得做大改造的話，我唔知點先為之大改造喇
講真，又唔係無位嘅
入囗出面個空地應該都擺到成架嘅
如果你唔mind架車日曬雨淋兼無人睇過夜的話...
改裝博物館放架巴士入去，真係笑到訓唔著。
如果有一樣野係絕大多數人都想保留的話，我諗拆左間博物館起過都唔會
有人反對。但為左一架巴士做咁大改動？全港七百萬人有幾多人真係對呢
D舊巴士有咁厚既感情？改裝一間博物館去放一架巴士又要洗幾多納稅人
既錢？
原帖由 syp 於 7-9-2013 23:41 發表 http://www.hkitalk.net/HKiTalk2/images/common/back.gif
你講緊邊架車? 倫敦寶又係燒車? Volvo Wrigtbus 又係燒車? 咁多人講日本啲火車只留車頭又係燒車?
切先人個頭咁冇「真正意義」, 反而得堆骨灰就有「真正意義」? 咁奇怪, 那是不是將架巴士燒成一堆灰你就覺得有「真 ...
Wright嗰架係燒車，切頭我冇異議，DMS我唔太清楚
我冇話骨灰有意義，我係話架車要可以載人行先有意思
保育巴士唔只係留嚟記念咁簡單，仲有背後嘅故事，
如果你想繼續用先人做例子，咁即係要先人未死，可以繼續同你講舊事，
但依家九記就好似強行送一個活人仙遊，再將佢個頭切落嚟咁
原帖由 FS1819 於 2013/9/8 00:14 發表 http://www.hkitalk.net/HKiTalk2/images/common/back.gif
當然我要用一個誇張嘅例子，去講切頭幅「保育」呢個做法有幾錯，如果有冒犯任何人嘅，喺道都照例要道歉:(
我覺得一架古老巴士唔只係一件展品，更重要嘅係佢嘅價值､同佢所載嘅人與事，我以城巴車隊為例，
1頭係城巴開國功臣，更重 ...
邊度搵咁多地方去俾你保留咁多架巴士先?
再講, 巴士你又話要保留咁多, 咁其他交通工具又駛唔駛要保留好多? 建築物又係咪? 其他物件又如何? 你第一次擤鼻涕用過張紙巾又駛唔駛保留?
你講嗰個唔係叫「誇張」例子, 根本個例子就係不合邏輯, 九唔搭八。
[ 本帖最後由 syp 於 2013-9-8 00:51 編輯 ]
原帖由 FS1819 於 2013/9/8 00:33 發表 http://www.hkitalk.net/HKiTalk2/images/common/back.gif
Wright嗰架係燒車，切頭我冇異議，DMS我唔太清楚
我冇話骨灰有意義，我係話架車要可以載人行先有意思
保育巴士唔只係留嚟記念咁簡單，仲有背後嘅故事，
如果你想繼續用先人做例子，咁即係要先人未死，可以繼續同你講舊事，
但依家 ...
咁就要睇下你定義咩嘢為之「死」啦, 我就見呢到成日有人講行車證到期就係死期喇。