我講果種係中間完全冇任何站位，全部用來泊巴士，而站位全放在旁邊。
在大陸，絕大部分的巴士總站真係咁樣設計。
東京街總站咪係囉 原帖由 053h4 於 2013-9-6 14:43 發表 http://www.hkitalk.net/HKiTalk2/images/common/back.gif
其實要因地制宜, 先唔講地方限制
好似交易廣場入南區堆線咁, 條條都咁多人排隊上車, 傳統式總站多D排隊位會好D
傳統地鐵/大站接駁線都應該係咁
例如荃灣站同葵芳站, 甚至尖沙咀碼頭 我覺得樓主諗多咗,整唔整鋸齒式總站視乎設計者意願
另外除非露天總站可改建成鋸齒式,室內總站受建築結構限制,很難改建!
順便講下,全港最差總站係荃灣西,首先密封式設計,通風較差,且過馬路要特別小心,因為由外面進入巴總,要經過門口,然後先可過馬路,不過近門口緩衝空間非常窄,萬一趕時間的人一唔留神有車行過,被車撞意外風險好高!
[ 本帖最後由 groom1002 於 2013-9-6 21:16 編輯 ] 原帖由 groom1002 於 6/9/2013 20:50 發表 http://www.hkitalk.net/HKiTalk2/images/common/back.gif
因為由外面進入巴總,要經過門口,然後先可過馬路,
不過近門口緩衝空間非常窄,萬一趕時間的人一唔留神有車行過,
被車撞意外風險好高!
我知你講邊度... 其實嗰個好似係緊急通道，
無咩特別係唔應該喺嗰度入。 原帖由 238X 於 6-9-2013 09:48 PM 發表 http://www.hkitalk.net/HKiTalk2/images/common/back.gif
我知你講邊度... 其實嗰個好似係緊急通道，
無咩特別係唔應該喺嗰度入。
但附近居民又唔會專登經出口走入荃灣西港鐵站後經出口出番黎……
天水圍市中心總站都有緊急出口問題，始終個緊急出口位置係對附近地方既住客「方便」 新加坡巴士總站幾十年前已經係巴士泊中間，上落客位排隊等候區放側面，乘客一落地鐵唔需要過馬路就可以坐任何路線巴士。
而家人地可以做到等候區加冷氣，總站有廁所，仲間埋舖位出租賣平價外賣食物，又大型車長休息室甚至飯堂，一切以方便市民同員工角度出發。
交易廣場一類總站缺點多多，有咩好值得提倡？缺點一：乘客要過好幾條車坑馬路，由香港站前往更要跨過總站入口，人車爭路做成危險。缺點二：唔可以按照巴士客量去劃定候車區大小，排隊欄只可以跟車坑長度，590曾經要封埋旁邊車坑俾乘客等車。缺點三：乘客屈係總站中間吸廢氣，要加冷氣無從入手。
新加坡地方細過香港，人地做到香港點會做唔到？不過新加坡人做事一向好有前瞻性，事事比香港優秀，巴士總站設計領先香港又有咩出奇。 巴士總站設計都唔係巴士公司或乘客話事
都係由發展商去起
所以往往冇考慮乘客,車長需要.
多盲點乘客危險車長又大壓力
比起新加坡
香港巴總設計好多都好垃圾
隨便數下
通風極差既有
中港碼頭,藍田地鐵站
九龍站 坑口地鐵站
站內通道多死角位盲點既有
藍灣半島 交易廣場