巴士紅隧內落客 車長乘車集體犯法?
以下行為已構成刑事罪行, 建議執法部門票控有關巴士車長http://hk.apple.nextmedia.com/news/art/20140509/18714269 咁你舉報左未? 強烈要求樓主下次有相等程度既大鑊野
架巴士分毫動彈不得
都照坐係車度唔好落車 咁架車著火
樓主係咪都堅持到站先落車XDDD 大約五個月前, 將隧公路有晚塞成四五個鐘都唔郁, 半夜一點鐘條路先通番,
如果樓主係巴士座上客, 部車在觀塘繞道上郁都唔郁, 係咪等到部車開為止?:L 我諗樓主一定係小朋友
講真, 眾怒難犯
司機係前線工作
車上一定有好多人要求落車
既然情況許可,
司機亦都會通融 樓主係咪食飽冇野做阿?講出黎都經下大腦先啦 建議乘客打999話被禁錮，再合法地等待由消防+警察救出隧道:lol
坦白講司機可以點，禁錮乘客咩:L 不少乘客在長期擠塞下，即使巴士未到站，等到唔耐煩都會要求車長開門，而車長繼而解釋安全、法律、保險等原因，通常經爭執後，乘客聲稱自行負責安危，車長都會放行，有時車長亦因解釋過程阻礙有關乘客而被投訴。
而其實好多乘客對公共巴士服務條例都認識不多。根據有關條例，在部分突發情況是可斟情處理，讓乘客落車。大家都有更多認識時，能避免不必要誤解和投訴。
但因此在下車後至安全着陸(行人路/有有關路線停靠嘅巴士站)期間有其他不幸嘅意外發生在個別乘客時，只怕乘客反口唔認數，又追巴士公司claim保險。
現實就是很多人為了方便而挺而走險(eg:衝燈),但又覺得可以僥倖，不會有嚴重後果。
而法律責任，似乎乘客受傷就全由車長負上，又是車長吃虧。
唔知有關條例能否對車長有更多保障，避免過分利於乘客，似乎應定時檢討修訂下。
近九龍那邊的管道口步行尚可回到行人路，但香港那邊得入口有路可走咁。
唔知有冇人趁機亂入隧道兩旁嘅房間(是否存在)..
而如果突然又可暢通地行車，行咗一段路載第2d巴士，車長又會唔會停？不過佢地‘少做少錯’,但隧道中堆行人與車輛無阻隔，而行人不小心跌倒，繼而有其他意外就無謂喇。
而其實紅隧因事故長時間塞車(不只今次)，除咗要趕飛機船期離境/人有三急/需緊急救援，否則通勤通學者攞正牌遲到，坐車瞓下用下‘v’bus免費wifi亦是不錯選擇。 我又唔信隧道公司係咁既情況下揸正黎做囉...
如果巴士車長真係企硬唔開門, 反而會發生更大件事
至於責任問題, 如果件意外係大家都預計唔到既, 咁都唔關車長事架
攪清楚.. 係邊個要求落車先?
如果條馬路停哂車, 又有路比個客行, 即係安全比佢走啦
咁個客落左車之後既事, 請問又關車長咩事?
冇理由佢落車之後出事, 第一時間就話"最衰個車長放我落車"咁咩...:L