重組交通運輸政策,政府責無旁貸
港府一直奉行「鐵路優先 巴士為輔」既運輸大方向已經逐漸走向失控方向誠然,鐵路擁有龐大斡載客量,能運載數以萬計既人由一個地方以好快速度去到目的地(不論遠近)
係好適合香港既營運模式,但港鐵座擁巨額純利仍漠視維修質素,這幾個月發生既事俾人狂插
影響廣大市民既日常生活,仲夠擔按「只加不減機制」在6月加價,港府做緊咩??
事實證明,巴士係點對點模式係鐵路永遠比不上,但運輸署對巴士公司實施嚴柯既「政策」
令乘客大感無奈,應該做既唔做,唔應該做既係咁做,遲早暴動都似.
我覺得以下有好幾點好值得政府官員參考:
1.修改私家車發牌條件,減少/設立發牌數量,商家當然反對,但你望下各路面出現最多係咩車?
唔係話唔俾出牌,係用少D,鼓勵市民用多D交通運輸工具
2.立即取消巴士車隄配額限制,市民對巴士服務需求有增無減,無奈係呢個政策之下,巴士公司
不能妥善靈活調配資源,一條路線加車/班次,即意味著另一線無左部車/減班
多左好多「跳飛機」,但市民得不償失,但運吉可不斷縱容私家車數量增長
張局長,你看得到嗎?
3.應積極支持巴士公司重組路線/區域性巴士路線重組建議,而唔係咩都唔聽就Cut線
以九巴為例,睇到好有心做,但用左9個月時間只重組左北區巴士路線,進度非常緩慢
難道正如歐陽杞梭先生所講,要10年時間才能完成這個「大Project」??
政府可以多參與嗎?
4.考慮設立繁忙時間電子道路收費,除左一眾大眾運輸工具可獲得免責,直接迫使私家車人士
轉用其他路段,但有好多技術性問題有待解決,收費水平如何,點樣收費,設立時段有無彈性等等
5.加快推動其他能源既進展,呢方面做得幾好,包括資助巴士公司訂購混能巴士,超級電容巴士
電動巴士,但配套都要做得好,否則既浪費公幣,資源同時間也浪費了 簡單回應下:
1. 不如好似新加坡咁, 整d 星期一至五唔可以入旺區嘅牌?
2. 呢樣唔使講, 專營公交都要限制多多, 真係佢至叻
3. 重組方案係要政府+巴士公司同意先出台的, 運輸署無政治能量讓各方贊成, 又無腰骨硬推, 實在咎由自取
4. 長遠應該如此!
5. 應該 或者全面在香港推行類似新加坡Bus Services Enhancement Programme (BSEP)的計劃，由政府資助購買新巴士比巴士公司開線，路線部份收入歸政府所有，都可以考慮。 電子道路收費??!!咩黎ga，食唔食得??
香港唔係真係想係呢方面追上星洲??
班中產真係陰功，稅又冇得減，福利又冇咩
仲要交咁多稅
係唔係想香港快D暴動?? 原帖由 busfunfun 於 2014-5-16 07:18 發表 http://www.hkitalk.net/HKiTalk2/images/common/back.gif
電子道路收費??!!咩黎ga，食唔食得??
香港唔係真係想係呢方面追上星洲??
班中產真係陰功，稅又冇得減，福利又冇咩
仲要交咁多稅
係唔係想香港快D暴動?? ...
冇計，因為在例如運吉處的角度，例如想市民盡量減少公共交通服務先至真正「責無旁貸」。:P
所以亦難怪例如運吉處難以有誘因做好交通運輸政策。:Q
現代的社會漸漸官僚主義當道，不少機構會官僚態度過活，甚至會引導其他市民亦跟隨官僚態度過活。:Q
若果要認真詳細探討官僚問題，我諗例如唔知夠寫幾多本書。:$ 原帖由 ATR83 於 2014-5-11 13:31 發表 http://www.hkitalk.net/HKiTalk2/images/common/back.gif
港府一直奉行「鐵路優先 巴士為輔」既運輸大方向已經逐漸走向失控方向
誠然,鐵路擁有龐大斡載客量,能運載數以萬計既人由一個地方以好快速度去到目的地(不論遠近)
係好適合香港既營運模式,但港鐵座擁巨額純利仍漠視 ...
1. 除左私家車，更多既係其他商務車 (e.g. 的士，小巴，貨車，旅遊巴等）一樣佔用路面資源。如果限制私家車發牌，我肯定多左人唔係搭巴士，而是搭的士，
到時咪照樣塞。
2. "市民對巴士服務需求有增無減"呢層我不知道，但我覺得巴士在繁忙路段係需要配額（當然配額幾多最好可以因應情況而作調整），否則巴士公司對經過繁忙路段
賺錢路綫出車海 (e.g. 過海路綫)，到時變左好似依家紅隧九龍出口繁忙時段一樣，巴士排隊入站排成三四個字先出到站。
3. 問題係九巴/運輸署方案有 D 方案太爛，人地好難支持。就算係建議方向較理想 (e.g. 上年九巴 30X 提速)，但問題係配套不足以獲得區議會支持。當然，區議會只
係咨詢角色，但巴士公司有責任同區議員相討一個比較能接受的方案，而不是 ban 完就硬推／放棄。 太過理想化？例如將車海小巴轉單層巴士可以減排/減少佔用路面，又係咪做得到？
私家車始終大家有自由揸，呢樣自由有代價，其實惟有硬食。
另外電動巴不如唔好搞啦。又冇雙層電動巴，行遠Ｄ上斜又唔得，根本揾來搞，係大大白象 原帖由 busfunfun 於 2014-5-16 07:18 AM 發表 http://www.hkitalk.net/HKiTalk2/images/common/back.gif
電子道路收費??!!咩黎ga，食唔食得??
香港唔係真係想係呢方面追上星洲??
班中產真係陰功，稅又冇得減，福利又冇咩
仲要交咁多稅
係唔係想香港快D暴動?? ...
有冇誇張咗啲呀?電子道路收費可以搞到暴動?
喺外面咁同人咁講真好笑大人嗰口,反而加車費會導致暴動嘅機會咪仲高。
中產又唔係社會上一無所有嘅人，會輕易願意放棄事業同其他嘢去以身試法?
你話佢哋上街示威咪仲合常理。
反而事業都冇成就同無財富可言嘅草根會因壓力而暴動嘅機會仲會高啲。
言歸正傳，電子道路收費同控制私家車數目係要搞，
話晒香港嘅密度比新加坡更高，道路始終唔夠用,
唔係就連所有車都喺市區塞無可塞時，到時全部人咪受害?