原帖由 kay 於 2014-5-24 09:12 發表 http://www.hkitalk.net/HKiTalk2/images/common/back.gif
依家有人話一定要九巴全盤接收意見?
基本上連區議員都知係做show
但你要知道，人地九巴肯同你坐低一齊傾
都叫做有誠意，如果你唔領情
人地真係會將責任推卸落你度，話區議會唔開溝通大門喎
元朗杯葛既原因係因為撞正268B重組
係囉, 點解沙田班垃圾政棍係個會度晒時間罵九巴運吉既? 你覺得他們好有誠意傾?:lol
268B 客量低, 坐唔滿, 重組係合理的結果, 元朗班區佬為左選票, 放九巴血,
當正自己係皇帝走去杯葛, 做咩要幫班政棍搵藉口開脫?
巴士行配額制，但你望下條街，比十年前更塞
九巴都話自己手上堆線行車時間越黎越長
你想條街全部都係巴士，定係全部都係私家車?
條路只要唔係私家路，就屬於全港七百萬人
馬路應該係集體運輸工具優先而唔係私家車
如果我可以係街上求其截架私家車車我返屋企，你岩
但事實係唔可能，即係你錯
巴士配額已經係扭曲供應，你望下好多線，明明有需求入中環銅鑼灣
都入唔到或者無得全日，乘客無得揀咪又搭返地鐵?
好多線繁忙時間有需求, 非繁呢?
呢個世界無野係包賺，但故步自封，唔放膽去試
食老本可以食到幾時?
套用某板友的邏輯" 寧遠原地踏步都唔要行差踏錯".
將軍澳線未通車，的確係黃金年代
通左當然無左好多客，但有危就有機
如果唔係有796B，798點開?
如果唔係有692，將荃有車開?
你講得無錯, 但你知唔知796B 換798 都唔係一面倒支持, 將南班區佬堅持要796B 同798 並存架,
第一城區議員更加要求798 停埋第一城, 798 差d 難產你又知唔知?:lol
692 呢個就更經典, 取消692 引起全區議會反對, 運吉數埋人頭結果條數同運吉做的結果一樣,
呢班議員一樣可以輸打贏要, 後來運吉要行政指令先可以取消692.
宜家仲要過5個區議會, 咪即管睇下今年第三季開唔開得成.:)
新巴依家搞黎搞去，都係得返796S/797M/694姐
但呢3條線，埋單計只係用十部車鬆D，好似694基本上唔可能取消
你又有無計去幫助新巴重組?無就坐定定係度
不過我認同，九巴係將軍澳的確無新巴咁慘情
你想攪人稱 "哪吒" 方國珊地頭的線, 你未死過啊?;P
知唔知新巴縮796S 去將鐵, 方角山已經嘈到拆天啊?;P
新巴的確呢幾年越做越hea，但正正係一句，無競爭無進步
比人壟斷左就hea做，因為都無得揀，好似九巴咁奉止要搭佢
所以話點解要引入競爭
引入競爭唔係萬能, 你想引入競爭, 係咪需要了解一下自身的能力先,
我上面都講, 970/970x, 682 呢d 新巴有錢賺的獨營線都攪成咁, 你憑咩話要引入競爭?
798 夠引入競爭啦, 初期咪又係出單層車, 仲要得一條682 有得轉乘.
你睇下CCTVB，無競爭，節目質素差，結果個個熄電視收視下降囉，個個買小米盒子返黎睇電視
香港話就話多幾條鐵通車，但你唔好忘記元朗南、洪水橋、新界東北都係未來發展地區
城巴點解踩入北區有傳係因為睇中新界東北發展，人口有增無減
你九巴比人搶地盤仲唔知驚，我好肯定將來死得仲慘
洪水橋將來會有西鐵站, 元朗南的屋苑係有村巴去西鐵站, 古洞北將來會有北環線車站,
你唔係唔知道吧?
咁你咪熄電視囉, 熄得幾多啫, 香港人工時長, 返到屋企咪又係一樣要開電視.
上年台慶都仲有成三十點收視喎.
前線員工被投訴，有邊D公司會先鬧投訴者?你UP得出既話比呢間公司名我
依家唔係話洗腦，係香港地出黎做野既基本standard，去到邊度都係咁，比人投訴，有位比人入
好多時都係有地方做得唔足夠，無人投訴，無人搵問題，又點會有改善?
仲好笑，明知中菜間餐廳無pizza，你去點pizza就係強人所難，我亦都無講過呢樣野
但同一碟揚州炒飯，你整得難食，D客食完反胃就會一去無回頭
同樣道理都係九巴度，我幫趁九巴，已經知道唔係搭的士，未必有位坐，預左要企
但你連比架可以企既車都無，成日收車有生意唔做，我係乘客都死心啦
比人投訴有位比人入, 你唔駛諗下合唔合理? 一定要照單全收?
塞車巴士公司可以控制得到? 缺勤可以控制得到?
但九巴又口口聲聲話7成路線蝕，過去十年有無擺晒呢7成蝕錢線上去?
"7成路線蝕錢，需要重組"同埋"區議會唔放重組"
呢兩句九巴金句都係九巴轉左高層後先興起
即係話蝕錢線一路都有，但點解上一手又唔去做重組?唔通真係一個社會責任?
上一手就唔駛面對區議會?
青衣條44 拉去青碼由東涌線通車的年代已經開始講啦喎, 宜家咪又係無左件事.
以前九巴都係接近年年加價，但個時社會都無對加價咁大怨氣
今時今日一話加價就實有人出聲反對，呢d現象你點解釋?
你開得齊車，班次頻密，就算你話加價一成，大家都會覺得物有所值囉
真係好笑, 邊個覺得加價物有所值架?
大家樂d 食物加價, 已經全城痛罵了.
原帖由 張偉沖 於 2014-5-24 09:17 發表 http://www.hkitalk.net/HKiTalk2/images/common/back.gif
唔好意思, 你的如意算盤睇怕都打唔響,
今年元朗提68x 分拆, 有268 補償番元朗至太子的服務, 但一樣被否決.:victory:
仲有,
沙田班垃圾政棍, 係度扮失憶, 明明上年己經通過左86A/87B 改道, 開辦287X 方案,
但今年他們走去反對87A 改287X, 當86A/87B 無到, 仲要走去拉banner 保留87A,
操車紙都出埋, 結果臨門射失, 呢班人"今日的我打倒昨日的我", 仲要大大聲罵運吉九巴,
你自己又點解釋?
如果 68X 拆線份野寫得清楚少少，唔俾人誤會其中一條線繁忙時間減到半粒鐘一班，你估結果又係咪一樣？
至於 87A，未了解件事始末之前就唔好亂射耙，而家根本係九巴唔想咁快開線住，所以出左操車紙都收返;P
咁都可以賴落區議員身上？
原帖由 S3BL100 於 2014-5-24 11:29 發表 http://www.hkitalk.net/HKiTalk2/images/common/back.gif
如果 68X 拆線份野寫得清楚少少，唔俾人誤會其中一條線繁忙時間減到半粒鐘一班，你估結果又係咪一樣？
至於 87A，未了解件事始末之前就唔好亂射耙，而家根本係九巴唔想咁快開線住，所以出左操車紙都收返;P
咁都可以賴落區議員 ...
咁你元朗班區佬唔睇文件咩? 有誤會唔係應該提出要求九巴澄清咩?:)
不過, 你仲有油尖旺那關要過.
[ 本帖最後由 張偉沖 於 2014-5-24 11:46 編輯 ]
原帖由 kay 於 2014-5-22 20:34 發表 http://www.hkitalk.net/HKiTalk2/images/common/back.gif
唔正面答你，倒返轉黎問你:
1.有無聽過"大巿場，小政府"原則
2.有無聽過"有競爭先有進步"
3.有無聽過"汰弱留強"
今時今日交通越搞越差，政府的確要負上大部份責任
信政府，信張偉沖，定係信"巿場先生"?
點解巴士公司想開新線 ...
但其實好多競爭既小巴而加都唔係做得好好:lol 同埋小心一陣九巴"汰弱留強"，將少人區d巴士率先cut曬:L:L
原帖由 jonathanngan 於 2014-5-24 20:39 發表 http://www.hkitalk.net/HKiTalk2/images/common/back.gif
但其實好多競爭既小巴而加都唔係做得好好:lol 同埋小心一陣九巴"汰弱留強"，將少人區d巴士率先cut曬:L:L 咁講到底，都係運輸署問題，而唔係區議員問題，呢樣野係百分百無可抵賴
講黎講去，講左咁耐，依家都係得班九毛話區議員唔放重組姐，但新巴城巴又無咁樣出聲，運輸署都未出聲話區議員有問題
係度睇班九毛自彈自唱，自我陶醉，都唔知好嬲定好笑
收車服務，日日進步呢可~~
近來港鐵事故頻頻,係一個好機會俾巴士公司改善服務
可惜九巴派更部唔知做緊咩,有幾條線收車/脫班
乘客除左粗口滿天飛/打去九記熱線怒插/無奈等外
基本上無野可以做,何生真係踩你都傻,政府做緊咩??
正正回應本文主題,以鐵路為主既交通運輸政策已經
嚴重失衡,鐵路已經超負荷,另一救星巴士往往受制於
運吉極荒謬政策,市民只有無奈被欺負,完全無議價能力
對樓主閣下的論點，我不打算逐點回應，只想講幾個事實：
第一，港鐵事故的確多，但相比巴士，鐵路可靠度仍相當高。
等巴士等四五六七八九十個字，唔係咩出奇事，鐵路有幾何會咁？而且鐵路即使有乜問題，新聞幾乎一定報，佢又會出張延誤證明書畀你，因鐵路問題攪到返工/返學遲到，都叫做多D籌碼向公司/學校求情。
巴士呢？巴士公司收車、脫班、壞車又點？新聞會唔會報(除非好似87D咁有人影到站長室更表，又好彩推到上報)？有冇延誤證明書畀你？一聲話82K壞左架車，分站等車，旨意佢出入沙田某垃圾廢村的你，點算？
你覺得鐵路事故多，只係因為社會大眾對鐵路既要求，遠比巴士為高。巴迷如果覺得巴士無敵，樣樣都好過一無是處的鐵路的話，敢唔敢對巴士行鐵路標準：連分站都有指定到站時間(即使唔公開)，延誤幾分鐘、壞一部車就要通報、上報紙，對巴士公司罰款(可設上限，以年計)？
咁樣的話，我唸每日報紙會厚過電話簿、唔使一個星期，罰款已達上限。
******************************
第二，港鐵近年年年加價又不停故障，固然係賤格卑鄙無恥，但九巴亦然，一樣係年年加價又不停脫班收車(我印象當中，加幅仲要高過港鐵，唔得閒查)。
而且港鐵衰極加極，都叫做2007年合併時減過價，之後加價都有D極冇誠意既小恩小惠(即日第二程九折、極多限制既十送一)，九巴有乜野？
所以如果要改善交通，唔係放棄鐵路優先政策，而係要將九巴以當年中記方式處理，然後交畀城新或有心既新經營者接棒！
******************************
第三，成日話保鐵、打壓巴士。事實上，你睇下政府D垃圾規劃：有能力畀多多錢搭車、或根本十有九九係有車階級既，就住正鐵路站上面，例如名城、溱岸八號、御龍山。冇能力既，真正需要方便公交既，就住到冇雷公咁遠，例如九龍東彩X村系列(彩虹除外)、安達臣道公屋、沙田舊有新田圍，近幾年就美田、新就水泉澳、再黎火炭最入o個度、大圍香粉寮街....
講呢D為乜？大量的孤島公屋，又往往不批(或只批極少)對外巴士線，自然造就巴士公司開辦駁腳線，呢類線，閒閒地位位$3.5-4.x，又係居民出入唯一(或極少當中既最主要)選擇，但又唔係長程，又冇隧道費，對巴士公司黎講，你咪話唔和味。
黎緊水泉澳架288，唔知收幾多呢？又有幾和味呢？
如果有日，全港都好似新界西北咁，所有鐵路接駁線都由港鐵營運，如轉乘港鐵免費，咁至好話政府打壓巴士。不過觀乎新界西北經驗，巴士就係要咁樣「打壓」至會做到咁好。
******************************
第四，九巴有心做？咁快唔記得o個個垃圾級既沙田巴士線重組計劃？
原帖由 kuro 於 2014-5-27 19:33 發表 http://www.hkitalk.net/HKiTalk2/images/common/back.gif
你知吾知798點解用單層呀小朋友
796B同797m削車先有車囉
初時全日班班企/頂閘嫁
吾識就出城啦
佢個句"你要明白, 新城唔係萬能, 新城連自己的本土線都做得唔好, 點會有能力踩人地那區?"睇完我真係笑左出黎，新巴我唔知啦，但城巴有點最厲害，就係吸到水既線一定會好落本去做，資源咪就係黎自唔好搵既本土線囉，當967都可以20mins時段拍晒蚊都可以Keep住10mins一班，我睇唔到呢間公司有乜做唔出