倒不如話運房局呢舊野古古怪怪
運輸同房屋，其實有咩關係?擺埋一齊有咩效應? 呢個唔係問題,
其實plan一個城市, 新區,
已經要準備好交通設施
問題係佢當"鐵路萬能" 先大件事.........:Q 原帖由 1320 於 2014-5-29 10:51 發表 http://www.hkitalk.net/HKiTalk2/images/common/back.gif
呢個唔係問題,
其實plan一個城市, 新區,
已經要準備好交通設施
問題係佢當"鐵路萬能" 先大件事.........:Q
當鐵路萬能都未係最大件事，更大件事係保鐵又保得半桶水，加上本末倒置既惡劣規劃：有能力畀多多錢搭車既，或十居其九係有車階級既，就住港鐵站樓上；冇能力的，對鐵路最有需求的，就住到冇雷公咁遠。
再睇下海怡、黃埔起鐵路，你唸下如果呢D係公/居屋，又會點？(慈雲山、東涌西.....)
以下轉載自「反大圍站上蓋建屏風樓關注組」FACEBOOK專頁
曾俊華又提到鐵路能減少居民對路面交通的依賴。但參照現時名城住戶，絕大部為中高收入人士，不少住戶皆擁有私家車，在屋苑車位供不應求的問題中可見一斑。鄰近鐵路的便利到底是否能吸引車主們轉用鐵路出行？
相反，對鐵路需求較大的居屋及公屋居民，如美林及美田等，往來鐵路站卻只能靠個別小巴線。對鐵路最有需求的階層，要使用鐵路卻如此不方便。因此，上蓋更應該發展私人豪宅以外的住宅，才能真正達到地盡其用的效果。
依家啲公屋越起越山卡啦
舊啲就新田圍，呢幾年就美田，遲下就水泉澳、火炭唔知邊到
點解唔拎溱岸8號 名城塊地起公屋起居屋?? 係要起咁多唔方便出入嘅豪宅地段公屋? 原帖由 leochill 於 2014-5-28 10:06 發表 http://www.hkitalk.net/HKiTalk2/images/common/back.gif
真係唔能夠同意喎, 就連天水圍居民都寧願有條西鐵支線直插市中心, 好過搭巴士兜下兜下 (西鐵市區段又係另一個問題),
鐵路要規劃得好, 方便到最多人呢個係唔駛問, 多左人搭係好正常嘅好事;
反之, 另一個問題係行 ...
反而想知西鐵市區段，除左唔到旺角之外，又有乜問題？
西鐵市區段衰衰地都有成三個地鐵轉線站，仲三個都一轉即可過海，相比之下，東鐵得一個轉唔到過海線既九龍塘咋！
九龍南線同東涌線幾乎完全重疊，九鐵都急急優先興建，相比沙中線就死拖爛拖。
原本係plan西鐵只到柯士甸(時稱「西九龍」)，東西鐵以柯士甸作市區總站及唯一交匯站，即係尖東永久屬東鐵。後來唔知係咪縮皮，見紅磡現成有四個月台，又想柯士甸站起少一層兩個月台，就改到柯士甸至紅磡一段都納入西鐵，亦令東鐵失去左可舒緩九龍塘擠逼既尖東。
九鐵對西鐵客，其實仁至義盡了！有人覺得差，只係巴士做得太好！
但，如果冇輕鐵做對手競爭，巴士仲會唔會做得咁好？