巴士故意飛站分享
話說今日18：01，我係屯公轉車站（往屯門方向）排隊諗住轉60M/60X/61X/263一去到架ATENU@263埋站 前面D人上哂禁滯 我見冇位冇上到之後行前排第二(我後面約有8人)架263走左之後見倒後方落客站有架SL3576@60X落緊客我諗住上
好喇架SL3576@60X落完客之後冇駛前埋站即刻cut出外線走人飛站（架車大把位) （當時係18：05）:@
我截佢個司機望都冇望踩油走人排我前面戈個都話有冇搞錯 咁都得嘅？
幾分鐘後有架ATENU@61X我上車後立刻打去投訴！
唔知大家點睇？ 大家又有冇類似經歷呢～？ 試渦搭98c類似同類情況於嘉道里道飛站:@ 始終屯轉對車長黎講比較新
唔及大欖或者城隧咁熟
成日都見到唔應該停既拉曬手制開曬門
但明明要停既就直頭飛左站
頭主走左60X仲有61X 263 961
59M上客59X飛走先至激死你... 好多時候一廂情願認為唔會有人上而飛站……
263停豐景園、翠寧花園、友愛，完全一樣，而且佢覺得要去市中心,263屯門公園都已經做到。
司機唔會認為那少少，就是差少少。
正如置樂不少人專登搭52x，唔係貪佢平或者點，係去稻香飲茶既話唔洗過天橋。
而我都見過(好彩當時我冇需要搭)，往屯門站方向，k52見到k53 o係前面，落客後即閃，這個站位真係完全一樣，但司機沒想過，可能有人要轉506呢，k52免費，k53卻不能哩！
司機同普通乘客一樣，只諗大路野。(正路樓上例子，59m同59x都係去屯門碼頭，司機冇諗過龍門路及湖景路分別有幾大，因為行的不是他，而且可能佢認為你仲有259d揀....)
[ 本帖最後由 lsc04d11 於 2014-6-28 21:58 編輯 ] 試過係和宜合道運動場等36B出九龍﹐ 架36B其中一架笑面鐵甲黎到
甘岩個站就有成堆城隧番落黎既巴士係度上落客﹐ 佢就跟到龍尾架48X貼一貼(架48X好似淨係落既)跟住過左個車站上蓋就即刻比油:@ :@ :@(唔好問我有無遞手 (其實我都有fing手)﹐ 但好話唔好聽貼到甘佢都唔荒會睇到)
[ 本帖最後由 Mandurah__Line 於 2014-6-28 22:02 編輯 ] 當年九巴 91 重係行 BL 而 91M 全冷果陣，試過 91M 科大 (往鑽石山方向）上緊客果陣時，有架 BL @ 91 往彩虹方向
無埋到站，兜野就轉出去想走人，我見到即刻o係 91M 車頭標出去攔截，好彩最後比我截到上車。
最記得就係有次 M 仔行 30, 我o係下葵涌分科診所落山方向等車返荃威，點知果部返荃威既 M 仔，見到我 fing 曬手截
都飛到同個站無雷公咁遠先刹停，我跑過去但跑不夠幾步佢竟然開車走。:@ 搞到我要搭小巴落荃灣轉車
（因爲我趕時間）。 呢類飛站城隧成日都有架啦
的確會令等車的人氣結,
不過可減輕轉車站塞車的情況 舊年有一次中午我預咗時間(再早少少)係屋企行上去大老山等緊85x去紅磡果陣,當時有架85m埋站落客,冇耐有架85x嚟咗,以為佢準備埋站,我亦排隊準備上車之際,見到架85x突然抽頭,當我以為佢係特登抽頭埋站上客,點知佢竟然飛站,我就好似個傻仔去追車,冇記錯果時大老山去九龍方向慢線封咗,見架車停咗係度,我係咁揮手,我以為可以追到架車,點知架車又再一次開車,絕塵而去,
由於我要去庇利街,而85x一班車要等20分鐘,同埋太趕時間,所以搞到我要搭75x兼搭貴2.5,仲要喺係浙江街行番過去,果時已經慶到一上車打去熱線投訴,我從來未投過訴,今次事件係令我第一次去投訴,我仲好記得第一句就係話:你地九巴訓練司機除咗教識佢地揸巴士之外,係咪仲要教識佢地必要時飛站呢?
[ 本帖最後由 82M 於 2014-6-28 23:54 編輯 ] 2004年夏天某日中午12點20分，我在屯官對面個站等A52，
離遠見到有車已經一早遞手截車，當時亦無其他車埋站，
點知一路截到架車過左站司機都無意識行入慢線停站，一路行中線走人，:(
果時A52仲係屯門市中心開20分鐘一班，結果烈日當空既夏天，
我就足足等多20分鐘先有一架有停站既A52！:@
唔同轉車站，呢個站去屯門碼頭甚至龍鼓灘一帶無其他車，
佢點可以就咁飛站就算？:@ 原帖由 kiwai 於 2014-6-28 23:46 發表 http://www.hkitalk.net/HKiTalk2/images/common/back.gif
呢類飛站城隧成日都有架啦
的確會令等車的人氣結,
不過可減輕轉車站塞車的情況
#9呢個你點解釋？:@ :@ :@