會考殺到埋身，又係D家長緊張的時候。D子女埋頭苦幹通宵苦讀時，家長晚晚到時到後又催訓覺，仲要係第二朝唔駛考試個隻。
D家長又要子女成績好，又要阻住子女專心溫習，係咁起度嘈生哂，大家討論下D家長唔係自相矛盾呢﹖
呢個世界有好多事，
細眉細眼、芝麻綠豆咁細細件睇，
件件事都好合理，
但 group 埋一齊睇，
成件事又好荒謬喎！
好似去快餐店買漢堡包，
要Ｄ收銀好態度，
咪輕手輕腳、「歡迎光臨」、「多謝晒！歡迎下次光臨！」，
但係Ｄ收銀做足咩？
又鬧Ｄ收銀手腳慢、長氣，
「我o黎買個包之嘛，
唔趕時間都唔o黎啦！
咁長氣，晒我時間呀？」
（唔好笑！
當年小弟做 M 記時，
的確比客仔咁鬧過……
不過小弟已經係全 counter 講得最快o個個～～）:L
所以所謂「自相矛盾」，
放遠Ｄ睇，
事事都係咁…… 原帖由 KZ2356 於 2006-4-21 22:05 發表
會考殺到埋身，又係D家長緊張的時候。D子女埋頭苦幹通宵苦讀時，家長晚晚到時到後又催訓覺，仲要係第二朝唔駛考試個隻。
D家長又要子女成績好，又要阻住子女專心溫習，係咁起度嘈生哂，大家討論下D家長唔係自相矛 ...
你有冇諗過點解家長要叫子女早d訓覺?
難道佢地想自己d子女會考肥佬, 等佢地d子女放榜o個陣搵機會吵d子女點解考得咁差?
難道佢地想自己d子女讀書唔成, 早d出黎做野搵錢?
奉勸閣下, 諗野時試下以其他人的角度諗下, 咁樣就會知道父母的一番苦心....
p.s.這篇文令我諗起一句說話:「天下無不是之父母」...... 其實呢...讀書時間長短
同考出黎既成績都未必成正比既
父母催你訓覺
都係唔想你俾咁大壓力自己o者
唔通你想你父母咁講咩：
父母：「今日你讀左幾耐呀？」
你：「十個鐘啦，我今晚都係諗住訓三個鐘咋...」
父母：「讀十個鐘點夠呀？你訓兩個鐘好喇！讀多個鐘就可以考高d 分嘛！」
以前我都俾父母因為讀書
而催自己訓覺
但我都明白佢地既苦心既...
(當你試過考果陣流住鼻血黎考
你就知乜野事...) 但係有時真係好討厭
我自己都已經好想訓,
但係都要趕工冇我訓
比我聽到依句話真係火都泥埋
次次我grandmother都好識做吾出聱,
我呀grandfather就....比我用來x旗 又要馬兒好..又要馬兒不吃草
正正就係時下d父母ga心態啦.....
有能力....我真係好想自己一個住. 原帖由 S3N92 於 2006-4-22 17:42 發表
又要馬兒好..又要馬兒不吃草
正正就係時下d父母ga心態啦.....
有能力....我真係好想自己一個住.
另一方面諗，當你一個人住既時候，你就會感受到父母既珍貴啦！ 原帖由 M 於 2006-4-22 17:55 發表
另一方面諗，當你一個人住既時候，你就會感受到父母既珍貴啦！
希望啦......但而家同佢地住我都感受唔到........我淨係覺得好嘈 做乜都係「質」重要過「量」，讀書都唔例外，
成績亦不與讀書時間的長短有必然正比，
晚晚開通霄，讀到個腦實晒，只會做成反效果。
其實我自己都好鍾意o係夜晚讀書，因為夜晚又靜又無人騷擾，
不過我唔會由朝讀到晚，而係提早訓覺，
例如下午6-7點訓，半夜人人訓晒o既時候先起身讀，
o岩o岩訓醒時個腦係最清醒，讀得入腦好多。
(呢個只係我o既方法，未必人人o岩用，
尤其係成日唔知醒訓過頭或不能容易調節生理時鐘o既人)
如果只讀書唔訓覺根本唔會入到腦，只係浪費時間...
頁:
[1]
2