銅鑼灣及跑馬地行車道重劃及相關設施重置建議
為減低銅鑼灣及跑馬地地區因塞車而引致公共交通服務受阻，現有以下提議：1.
由山光道至皇后大道東一段電車路劃為電車專道，星期一至五早上7時至10時生效。
2.
(a) 介乎勿地臣街至波斯富街的一段禮頓道東行改作一條行車線，並把勿地臣街前的巴士站重置在此路段。
(b) 在(a)提及的路段劃為專營巴士及專線小巴專道，每天早上7時至晚上12時生效。
其它受影響的車輛可改用勿地臣街，右轉羅素街，右轉波斯富街，左轉禮頓道返回原有路線。
(以中型或重型車輛劃分，該道路應為一條行車線，
另外有不少車輛前往勿地臣街，車龍會延至上述提及的巴士站，令巴士難以靠站。)
3.
介乎軒尼詩道至富明街的一段波斯富街電車路改為電車、專營巴士及專線小巴專道，
並在富明街的交通燈位增設該專道的專用交通燈，
是項改動亦適用於行人路工程完工及/或電車站遷移之後。
4.
介乎波斯富街至怡和街一段軒尼詩道及怡和街的東行電車路劃為電車專道。
5.
介乎高士威道至東院道的一段銅鑼灣道往大坑/掃桿埔方向改為專營巴士及專線小巴專道。
受影響的車輛可使用高士威道，英皇道，銀幕街，琉璃街返回英皇道，銅鑼灣道前往大坑，
往掃桿埔/大球場可由禮頓道西行左轉加跆連山道。
歡迎討論及提出其他相關建議。
[ 本帖最後由 htwong 於 2015-4-7 23:40 編輯 ] 其實呢個F1版都幾奇怪，果啲好嘅建議通常因為冇乜錯漏，往往被人冷落，掉返轉錯漏百出嘅就一大堆reply。
我認為，若果版友們係認同某D建議嘅，不妨開句聲讚下好。
而家社交媒體發達，要將建議傳到該區區議員耳中並唔係難事，以前就話搏下巴士公司見到會成真，今時今日仲有區議員呢招。
不過老實講，呢個建議唔係咁可取：
第一，勿地臣街都好窄，同埋已經幾塞下，再加車入去塞上加塞。
第二，波斯富街、黃泥涌道北行本身已經唔夠用，再劃電車線只會令條龍更加長。
至於想軒尼詩少啲違例泊車，呢個簡單：除咗雙黃線，仲要加花槽一路加到巴士站前。
大坑果度有個反建議，就係改一改摩頓台總站附近嘅道路設計：
1. 將巴士總站對開，福德宮門口一段雙行線劃為東行，另外喺總站範圍內闢一條線做西行，所有西行車都要駛入，變成右上左落。
2. 將摩頓台出總站支燈簡化，取消橫過銅鑼灣道嘅紅綠燈，由聖保祿往大坑方向嘅車靠右行，轉左去摩頓台就要讓銅鑼灣道出嘅車
咁改會有少少怪，因為突然間有一段仔右上左落；但總括而言，呢個改法可以避免車流喺斜路底堆積，間接紓緩怡和街同邊寧頓街東行嘅擠塞問題。 原帖由 4437 於 2015-4-11 19:10 發表 http://www.hkitalk.net/HKiTalk2/images/common/back.gif
其實呢個F1版都幾奇怪，果啲好嘅建議通常因為冇乜錯漏，往往被人冷落，掉返轉錯漏百出嘅就一大堆reply。
我認為，若果版友們係認同某D建議嘅，不妨開句聲讚下好。
而家社交媒體發達，要將建議傳到該區區議員耳中並唔係難事，以前就 ...
其實呢個建議除左想改善公共交通服務之外，
要求其它車輛繞路、設立公共交通專道嘅方法從而令駕車人仕減少使用座駕。
另外摩頓台總站有不少高用量、使用車輛數目較多嘅巴士路線，
假設讓出車道，會唔會令總站變得擠迫? 原帖由 kuro 於 2015-4-12 04:18 發表 http://www.hkitalk.net/HKiTalk2/images/common/back.gif
其實銅鑼灣同跑馬地無乜巴士總站
例如:天后,摩頓台,威菲路道
要多1大型巴士總站先夠,
好多繁時巴士線長期泊街搞到其他巴士線難埋站
例如934,982X,935,678,307P. ...
這個問題, 可否藉保良局對面前機電署地皮再開發一併解決, 大約這樣:
1: 前機電署地皮再開發後之樓宇, 樓下有大型PTI, 性質類似臺北的市府轉運站 (下稱轉運站)
2: 轉運站有以下設施
巴士總站, 建議搬930, 934, 935, 936, 678, 978(373A), 307P, 982X入去
紅小總站, 渣甸街及糖街紅小站搬入
綠小站: 將在利園, SOGO後面停站各線及40搬入
直通巴站: 將以灣仔及銅鑼灣一帶為總站之直通巴搬入
3: 轉運站完工後, 波斯富街至富豪酒店間電車路來回程列為巴士, 的士, 電車專道, 渣甸街列為巴士及的士專道, 兩道路禁止其他車駛入 (包括小巴)
[ 本帖最後由 mak5052 於 2015-4-13 11:08 編輯 ]
頁:
[1]