我又未聽過東仔、海記、甚至三大外島的運轉士們係其自己公司之下，有大壓力wor……
勞務管理呢樣野，香港的大部份人係唔會理會的。
但好多人就係將呢個要點忽略…… :Q
話說當年JR西係見到國鐵的勞資問題，於是就以強權管理方式去控制當時(87年)的前國鐵工會份子。
由於日本人係群體工作的民族，只要見到你與佢地唔同，其排他性就會自動發揮。
亦因為咁，JR西就想出「日勤教育」呢樣職場羞辱+懲罰制度，將犯錯份子與正常份子標籤化。
及後更將其推至公司slogan之一「增收」有關的問題上，遲到、停錯位到一定程度就會受刑……
上年單野，係呢一年的分析下，浮現出其原因係因為JR西的高壓性的「日勤教育」制度，
加上忽視安全投資、利益至上經營心態所帶來的惡果。JR西係呢單野所唔見的錢，截止上年財政年度係
錄得特殊性損失83億日圓。(JR西買起晒成棟樓，線路重修，提升信號等工程)
當然，宜家JR西向受影響者或家屬的賠償到宜家都仲係進度緩慢，可以預見下幾個財政年度會再有撥備出黎……
單單上篇回文中果幾個字仔就可以反映出成單野的根本嚴重性？你咪玩我啦！
P.S.我個人對嚴重事件只能以更深層次出發的批判，才能係我心內感到對得住有關死傷者……
而我亦已係25日朝出事時間用o左1分鐘向果單野的死傷者默哀1分鐘。:Q
[ 本帖最後由 500 於 2006-4-30 21:32 編輯 ]