修改789西行定線
本帖最後由 deal5354 於 2015-12-22 22:24 編輯789係柴灣東及小西灣區既特快線, 不過定線東西行差異大,
西行除左金鐘之外與788重疊, 客量一般,
相反東行卻有唔錯既客量, 因此為了方便居民來往灣仔內街,
建議本線為改循環運作, 金鐘樂禮街為循環點折返 !
往金鐘樂禮街:
小西灣道、小西灣邨巴士總站、小西灣道、柴灣道、東區走廊、(原有路線)。
往小西灣藍灣半島則不變!
好處: 進入灣仔內街無需於海皮行一大段路
壞處: 因循環運作, 班次會變得不穩
其實果條叫樂禮街
PS 隔離壇都有人錯呢樣野，其實你地係咪......
去金鐘仲兜入灣仔內街會相當浪費時間及趕客, 對去金鐘的人尤其上班一族極不吸引
講過好多次，落客唔該海皮落！！除非你同我講灣仔內街要有車去樂禮街，但我覺得唔需要囉...
仲有，東廊系沒得直接入堅拿道的，唔好再玩google map唔該...
你要明白點解香港島我成日咁強調要分得好清上客同落客線，因為電車路/大路的流量好有限(特別系西行怡和街)，所以一定系將所有上客線塞入電車路/大路，然後將所有落客線踢鬼晒出海皮...
大路系得咁多位就咁多位，沒得擴闊，你咩線都塞晒入去電車路，到時飽和左的時候，再想開新線，結果無位，唔通擺內告叫人行出去上車？無人會肯行架...
感謝各位網友提醒, 巳修改!
本帖最後由 paul2357paul 於 2015-12-24 00:48 編輯
789係改循環線既不如索性縮至分域街折返仲好過，這更可以解決小西灣去灣仔東部要侷搭8P既問題。:handshake
而金鐘停站既行為就好似780咁樣交番俾788。:handshake 住小西灣返合和嘅人通常會點搭法？轉搭8P，定照樣搭789喺灣仔舊警署行入去？好似好遠路程播。
我覺得比較值得改做循環線：西行改停六國酒店，然後到分域街折返，停莊士敦道修頓球場（同南區線同站），再返回原線。788就改返停金鐘。
咁行法估計慳到唔少時間，亦避咗軒尼詩道東行呢個塞車位。
所有認為要將789踢出金鐘，然後拉返788入金鐘補位嘅朋友，請認清呢個事實：
點解而家788咁多客，而巴士公司又咁肯擺車落呢條線？
就係因為佢真係快、兼且回車效率高。
小西灣去中環，可以20分鐘搞掂，呢個時間就算有地鐵直達小西灣，都無可能做到。
**************
如果788要兜入金鐘（特別係往中環方向），咁樣一定會浪費照少3-5分鐘。
唔好睇少呢3-5分鐘，當你程車20分鐘搞掂，但要增加5分鐘車程，其實百分比已經好多。
再睇返720，幾年前因為要開條無結果嘅18X，搞到要斬左條720A非繁，然後720焗兜金鐘。
雖然720嘅客量因為無左720A幫手分流，而整體客量無乜改變或者微升，但其實來往中環嘅客，係比起以前飛金鐘嘅時候，少左一截。
畢竟，特快線就算你加佢幾分鐘車程，觀感上已經差好遠。
****************
789基本上維持現狀已經係最好。
4437 發表於 2015-12-24 05:10
我覺得比較值得改做循環線：西行改停六國酒店，然後到分域街折返，停莊士敦道修頓球場（同南區線同站），再返回原線。788就改返停金鐘。
咁行法估計慳到唔少時間，亦避咗軒尼詩道東行呢個塞車位。
睇o黎你都唔知788 789歷史
788因為客量龐大, 所以先至拆條789去金鐘分散客源, 然後788除清晨班次外均全不停金鐘
所以唔應該走番回頭路
分域街掉頭？！分域街好順？信唔信架車行外告去到樂禮街掉頭去到分域街，然後你架想入分域街的車仲系內告塞緊入去呀啦...
盧押道分域街呢d出名塞到臭的，打死都唔系果度掉，佔中果時去唔到金鐘就話焗住系果度掉而已...
788,789分工得算好靚架啦，當然788東行飛埋灣碼會更理想，因為788系全香港島唯一一條單靠中上環都可以做得起的全日路線黎...
Overall,其實788/789唔洗點改架啦，你唔會為左令2條線的客量平均少少然後走黎同我講西行788全日飛灣仔吧？雖然788沒灣仔真系得ge...
頁:
[1]
2