承: 單車徑陷阱
承之前版友開的主題, 小弟亦指出一個單車徑陷阱:城門河馬場一邊單車徑上濾水廠橋面.
上橋的單車徑又窄又灣,假日多單車途經,易生意外.
需要落地推車,假日亦是警察抄牌黑點. 小弟覺得呢個位唔係好算陷阱，
雖則係彎位兼斜路，
只係落斜返沙田方向危少少，
主因係路面係向河邊斜出去，
同自己本身「慣性運動」相反，
所以更加貼地、更易冼呔；
另外彎尾有「收費亭」（路中心鐵欄），
亦係危險之處，
落斜太快的話會救唔切車而撞落去……
呢個位平日就好好行，
話晒平日行得呢段路，
大多都行慣行熟；
反而紅日就衰在俾Ｄ「假日牌」當避車處休息兼「練轉彎」，
咁先至係大麻煩～～:L 我都想講一d 入隧道上落斜既路段
例如果個穿過科學園既一個隧道
如果遇著一d 唔生性既細路
落斜唔減速不特止
仲要加速踩到有咁快得咁快
佢既對頭車都真係好危險
尤其係有時好猛太陽果陣
入呢d 隧道既初初果刻
係未必睇得清楚隧道入面既情況
仲有由完善路轉入大埔海濱公園果個z形斜路
由於果度舖左d 凹凹凸凸既階磚
如果你技術唔好
無論你上去完善路
定係轉落黎林村河既路
都會好易炒車
尤其係響路面濕濕地果陣就更加危險 原帖由 Ketsu 於 2006-5-21 00:27 發表
我都想講一d 入隧道上落斜既路段
例如果個穿過科學園既一個隧道
如果遇著一d 唔生性既細路
落斜唔減速不特止
仲要加速踩到有咁快得咁快
佢既對頭車都真係好危險
尤其係有時好猛太陽果陣
入呢d 隧道既初初果刻
係未必睇得清楚隧道入面既情況
唔知你係咪講緊呢篇文 #3 同 #4 o個個陷阱位呢？
近馬料水碼頭o個條隧道的確危險好多，
（小弟與友人戲稱呢條隧道做「紅隧」）
一來唔係闊，
二來成條隧道都叫做「直路一條」，
好多人都唔會收油；
偏偏兩邊斜路都係轉角位，
中間仲要加個「收費亭」，
行得快的話真係完全冇得救，
直撞收場……
呢條隧道Ｄ燈光亦好有問題，
最近大埔o個邊出口o個五六枝光管，
小弟未曾見佢著過，
亦冇人整過，
唔知想點……
至於「隧道唔夠光」呢個問題，
小弟覺得係同隧道兩邊都係冇任何「陰間」有關，
因為兩邊路段都係長時間冇樹蔭、冇乜建築物o既影，
瞳孔長時間收細，
一下子入到隧道谷唔返大，
咪點睇都好似唔夠光……
有「紅隧」就當然有另一條啦！
往大埔方向，
過完「紅隧」冇幾遠就轉右，
再過一條隧道去海邊，
呢條隧道小弟就叫佢做「西隧」。
（闊得o黎又唔多車～～） 都唔明點解D人咁鐘意係隧道口, 孖橋收費位集結.
搞到次次到孖橋收費位都要叉雙腳落地 原帖由 barking 於 2006-5-26 22:57 發表
都唔明點解D人咁鐘意係隧道口, 孖橋收費位集結.
搞到次次到孖橋收費位都要叉雙腳落地
因為去到收費位要俾錢？:lol
(俾錢買o野食同買水)
可能係因為該處是分叉路口，
所以D 人成日係度等人......:Q
頁:
[1]